Text view

veraa_anv

Recording date2007
Speaker age20
Speaker sexf
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
qōn̄ vōwal e ruwa mēn gunuruō durum 'ogo 'ogo vaavan n ren̄e 'anē ne wotoqtoqo ne visis ēn ni'i ren̄e durum durum ʔēn gōr ēn niʔi ren̄e anē vaavan ote mun e ni'i ren̄e 'anē ne ma' e duruk ʔēn en ʔamagi ne ʔēn gōr ēn niʔi ren̄e anē vaavan 'en 'amagi 'anē ne ma' 'en ni'i ren̄e 'anē ne 'og'og birin̄ ēn marugi ʔog 'og 'og 'og vaavan ʔen n dim wotoqtoqoʔ dim ʔen marugi anēm vus die ʔōn ʔōn di lēn ʔōnō ʔevʔē voruoʔ vus diē ʔalē dirē dirēk van sagē dirēk ʔogʔog lēn vunuō ;ogo 'ogo vaavan ʔen en an ʔanti mun e ʔēi vuvuluk mun e ʔe ren̄e anēm ʔē van ma ne van rōw so ne ʔevʔēn voruoʔ ne ʔēn e tētē ne vōruōs kalkal ʔi tētē ne vōrus kalkal 'i di ne len 'erē tētē 'anē 'ilin̄ ba'a 'an kologi van sar mom 'an 'uvu woqe'enge ne vōwal 'alē van sar sirēn gunugi tek so ei nom 'ēn sier ēn tētē ne vōruō sa rōwmanēn 'erē 'a'am̄an en so durum da sivie so durun milin̄sal ēk inin ēn bē 'am̄ēn wede olbaot lēn wovinqa lēn dudu n̄ar ʔalē e te n marun e e ren̄e am maʔ nē ne tek so ba wunva san ren̄e a dēm vus ēn ni'igi sa ne vōruō 'anē n varaba e ōn ʔō duru sarmanē nēn ren̄e anē ne da menteg sir duruō duruk ..e.. sor mē durun gogov men̄men̄ menteg duruō duruk ʔē ʔanti muru anē ʔēn gōr duruō ʔēn gōr duruō vaavan nei duru man luwo wal e dirēk vanvan lēn n babara ē dirēk ..e..n uncle muru 'anē ne 'es murun vus e len mu murun wōʔiqē duruk van van suw 'asenē e ragak ..e... babarak kasem ba duru kasem ros e wo e ragak bor sa duru duruk e duru duruk van kel sarma vavan e dē duruk vanēk 'ēn'ēn kel sa a ote muru am ma' 'i bēne ē duruk van rōw 'ēn ēn 'ili tōo ne vōwal ba n kēlgin ban ʔili tōo ēn varaba duruk van ʔō sar ma e e raga anēk tek son tōo anē me maʔ nē sirē dir 'ēn nē duruk tek so o me ēs e duruk da gōr ēn 'ili tōo 'anē duruk e ʔēn ēn n tōo ne vōru ban ʔerē aʔam̄an e duruk tēk mēn ...en ren̄e as 'ēn'ēn gōr duru 'anē so von nōmadu ēn bēlēl tōo 'en ren̄e 'anēm vo mē duruō duruk le ge ʔewʔi ne len nōgi ge ʔewʔi ne len nōgi duruk ʔēn gōr ʔēn gōr ʔēn gōr ʔēn gōr ʔēn tōo nōru vaavan tōo 'anē ne luluwo wal ʔen n maruru ne tek mē duru so ēi ʔen ʔerē ʔili m̄ala wōl gēn ba ʔamē nike kasem ga ga hard wal amē nike kasem ʔe duruk e duruk tek so gēduk vanēk traem 'alē tek mēn ren̄e 'anēn ren̄e 'anē ne m̄ōn gorun dom 'e duruk van 'ō gis ēn nōrun tōo 'anē duruk van vanēk re.. rem 'an baka ge 'ew'i ne sibēnēn nōgin tōo ge 'ew'i ne sibēnēn nōgin tōo 'alē duruk 'ar kirm̄ōn gaga baka ne vōwal ʔen lasbon ne vrig ne dam ʔowʔow dam wōl ne 'irē ʔalēn ʔen fesbon ne dam ma anē van ma 'anēm dam rēn e din̄ ros ē so ne m̄es va'anē e lasbon ne tek so dam mulumlum qe'i nok dam kel mulō duk van kel 'avalgi e ʔen lasbon ne dam kel mulō sir die duruk dam kel 'avalgi 'alē 'e lasbon so e no 'ow'ow 'alē lasbon ne dam ma ne 'irē qē' ne ʔe fesbon ne dam rek ma ne ʔirē rek ʔalē duruk durum ʔēn ēn ʔili m̄ala anē duruk bobon ʔili m̄a ʔiʔili m̄alan lorum qōn̄ so duruk e gis taet ēn gagan mēʔēsalaruō en m̄alarōm row sirēn 'ili m̄ala 'an̄ vē'ēn gaga durum boobon 'ili m̄ala so sok mul kel me mul den sivie so duruk row kel sirēn gaga ʔen fesbon ʔe las ʔe lasbon so ē no ʔowʔow 'e fesbon so ē no 'alē fesbon ..'e fesbon dam mulō 'asenēm mestem di 'anē m̄es qel wal 'an qaran̄a 'anē ne ma' 'e e lasbon so den so nok mul kel ʔe e ragam eragak keskes no nok dōm kel nike ba nik wom ma' ba nok ma' rek ʔe ba n di ne row rek ē di ne ma ʔen eraga ʔanēk sik duruō sik duruō sik duruō sik duruō vaavan dirēk vanvan ma lēn wōm̄ōm̄ō' dirēk rōn̄ ēn tōos tōrtōrōk dirēk van din m̄an ʔuvu baka anēk ʔēn sag ēn ʔēn tōo dirēk 'ēn'ēn suwō 'ēn'ēn qal ros duruō 'e dirēk sikē sikē vavan 'erē tōo 'anēk gav gaagav gav din̄ wal rōw ēn naw ē mak gav kal 'a'ag man qorogi 'anē gav kal ma gav kal ma vaavan gav din̄ ma e ruwam m̄es bēne 'anē tōo nōn e fesbon ne 'ēr wal ēn ni'i qe busun e ..'e.. fesbon tōo nōn e lasbon ne ʔēr wal ēn ʔēn niʔi qe busun e lasbon e duruk gav gaagav lu kel a lo gav kal kel ma rem kal kel lēn baka anē qēʔ gav qel qēʔ suwō sirēn ʔerē ʔan̄sara anē 'e duruk mom sur suwōn 'erē qe busun e ruwa 'anēk 'ē'ēr dirēk 'ēr'ēr ē wana e ruwa 'anē so 'e.. e raga 'anē so 'o ba ..'e.. gēdēs siksik duruō ē duru man ma' ēk le kel ēn 'erē tōo nōru 'anē dirēk mul 'ō kel wo n duruk ōn wal ʔi kēnē ē qē
• Waveform view • Interlinear Glossed Text • Utterance view