Text view

IGS0229_2017-3-10_1

Recording date2017-03-10
Speaker age70
Speaker sexm
Text genrepersonal narrative
Extended corpusno
Javascript seems to be turned off, or there was a communication error. Turn on Javascript for more display options.
anin qawasch unyang udab baheb gand law gaba manyareeg anin qay aa gahedu gayiinyay asimjeeg qay gwand qay gwand someeg hosh ba someegan qay gayinyay geng'adaj ar ng'arang' gil seen aa dumd nyiis gesarman aa qana qo qamn ar hosh ba somegan ed qay mid asimjeeg ed qay sarmaniis asimjeeg aa qo qamn manung' qamireew ar nyeeg qaremang wadiinaj ar qamn moheed qareed qay sing'atiis ng'arang gadgwanda ng'arang qaremang nyees gaway aa qok ng'arang' asees ha isiheetu istoriyajeg qay siyiinyay aa suhu iidu haya asimjeeg gwadul ararjood qok araeijood hay aa aa qon gwalagaan hanan fiis ng'ay fiis ng'ay lagan baa asimjeegan iidu amarj qwaloot aa gaway mang'ol gwand ga mid mang'olajeega aa qamn galagan qamn asees sind law asees ha qay aa gehetu gehetu ng'anyiid mandan ar mashinajeeg geng'aliid lang'ang' nyeea qwaloot an iim gaway jeed ng'adood aa genugsiinan quwar anin gido murariid jaft ja ja dang'ul deebug aa qabarj boog boog qay gebaraj gibar boog aa giding'd laqaneed ng'asheen ging'al booga gwand laqaneed sing'aliid boog aa da sitindachew boog darang ging'ash am qoyid gilot aa gun bidi seng' guw bid seng aa ginuny aa giwooschi giqon qwayiid fug ga hes aa gol ahiid gil sen ar beeg giramja guwoscheeja qwayiid buneed aa gwagich gijagobur aparood bas anin hay qay gidaday aa nihi gehetu hay aa ewu haweg heesi iyang'ulay damand sihetu ar gich un jeed tumd eequs aa gehondaneny ii manung' ehondaneny ar dumd aa miwun gich ehondaneeny giqany qahondaneeny fukaheea haweg ga heesi imid hud qawoong haw sicha qany qomishmisheny aa qon qahondàneenyi iiya wu ha hondaneed gehoondaneeny ha gobidun jeed dumd ha qareemang ha gu sarman geenaleeny ng'asheeg sen aa ii manung' eehondaneeny ar jeed dumd aa miwun iiyang'ulay gad was manang' anin qay buneed aa gwahetu geyiinyany fug qay gokwalaj dung'wendajeeg gichay nyas gokwal dung'weend siid aa gokwal aa gek mushk asees gehetu hay ng'ashees aa manung' eeda asees gehetu hay aa gehetiis jeed ang'wak gekwali ang'waka marindajeega ang'wak sang'sang' ar gek rabajeeg gek mushk madedaha aa iyang'ulay gwacheed gey gadgwand ng'asheeg qay ar asees gwach gijetaman gicha eeda aa ng'asheeg gehetisej jeed eemoojiga qamn hay aa mad eyada gitatonyandumeed geyech ng'asheeg nadeeg mad enal much ar gitatonyandumed batood geguyeewej eemoojig sang' nyaas geyad iit eemoojig aa geyad iit datonyandumed baa asimjeeg aa mad eehiisiin heed ab ng'asheeg ha qamn geguyguyeej aa iyang'ulay aa gad equs giyeet aa asimjeeg gwach iyaqulay ng'asheeg gigwadoobiiwaj aa qo qataab qamn qamn hay asees iyang'ulay saygwedaany qamaj qang'wan saygwedaab qamn aa mad eyiiny iit gigwarugs siid qamat ng'ashand aa qom gotels gong'awaj giqwanyarees ajinoochand aa qabar ar niny seen gigaguyadaw gabarjudayeew bade ja qoheeahim qamat aa qon iyang'ulay saygwedaab qamn madgwand mureed aa qo daqataab qamn anin iyang'ulay istoriyeden goyang'
• Waveform view • Interlinear Glossed Text • Utterance view