Text view

T36

Recording date2010
Speaker age50
Speaker sexf
Text genrepersonal narrative
Extended corpusyes
Javascript seems to be turned off, or there was a communication error. Turn on Javascript for more display options.
Tyuri meme Pransiska rusrupaya . piutekwórepo pechonuwrepo , nijchopo pemtiskonriꞌi . Nuti nñejkoripo juiti te pjoka mpeno . nwachpuekriꞌi pjoka ꞌpogꞌe ene nemepiareko pjoka mpenoriꞌi . Etotsero pecho piti to viti ꞌsenono vkejwosjiiꞌi kuesta ene ? ene ñijinarichꞌo ñi ꞌchane nkompañeeriꞌi juiti / wichꞌo timkatakanu . Enetsero , to manjeꞌe ... to vemtonerepiono viti ꞌsenono vyeꞌerepiono , mraka nkemtone tosꞌooꞌi to nitrukpo pjoka mpeno . Ene esupo su nchicha neraꞌikriꞌi te to mpenoriꞌini kalie Machetero . Eto movera wkugiono tayeꞌe ꞌchópegie , eto mandarina , tamarin ... tamarinagi , eto simotgiene esu suka Panchita . Ene te tankompo , sjichpo su nchicha pyonñore te to tkíjare Virgen de Loreto . ene skepo , sjichpo esu pyonyore pion ... piopnoyre teꞌ to circunvalación . Ene jokrojooꞌi pjokro kaya tyuunapo eto , manjeꞌeripo , nanokripo , eto to ... to tayeꞌe ,... to tyúraji wipo torajipewyore esu , teꞌ to ꞌpuechjiriiwo ajfaltado nakoꞌe . Ene tomuire rusrupaya ñi tata viya viógienu te anumo , manjeꞌewórepo to vkemtonejira jmañono ... naeprurujiksariono ꞌjirono winarajono , wchichanoviono muechemrekono . Ene nuti nkemtonejiwrepo tomuire eto to mmuitkogne . Ene eno nakoꞌe " akaso pitkoriyo meme " najicho . " Taemꞌarine eto " njicho nuti jeꞌchuraꞌigneeꞌi . Tijroknu eñi Viya tkochichawokovi to ... to nechemchog ... to nechemchoyrepo eto to nemtonerepriꞌi pochpotsero eto , ene najichnu " ꞌchopewáchovi @", nakoꞌe . Ene nuti nmotnaaraji tajicho / nñeꞌerichu manjeꞌe nuti , to ... to ꞌmotneko , ( taejcho ) puejchu nwooꞌo to nitkoyre . Entse eto rusrupaya nkepo teꞌ to pochpo tamutpo ene tajicho tyuunanaji najicho no techonriꞌi . Ene takeptsero naéchopo eto to ... manjeꞌe ... to unemuꞌono . Ene to tyopno to une te pjoka oni asike tve... tkuchrukovi viuchrurupueko wkuti to ꞌchepi . Vyompo viuumuttujpo teꞌ to ... manjeꞌe ... ꞌnugiépaꞌi . Ene skepo esu su … " ꞌponapo año , eto wo nechariꞌi nuti to etjooꞌirayore jmani petyono ". Nechoriꞌi nuti teꞌchujcha teꞌ to Peru ꞌnasio Muiwa to nanosꞌoyre eto jmani petyono . ꞌnugꞌe mopona metro to tangiewo to peti . Ene nuti wo ... wo nechókapo , wo nakꞌe nuti , " epiasnanu to mpenoyore " wo nakꞌe . Nñompo nkemtone teꞌ to ꞌpona ranchogra . ónogi timichoriknompo eno ... eno no techonriꞌi : " tchoopo esu su ꞌpona wrinka financiera ." Ene tmetokompo " jokro pyeꞌe sorpresa " skoꞌe . Nuti mpíkopo nokjitekpo wo necha tajpukariꞌi . Jeꞌchuraꞌigneeꞌi esu tmetokompo ene tyoseriknutsero to ni- … nitopopka to nwacho to ꞌpogꞌe . Ene njichpo " nuti nitoripo nwacho etotsero tajinarichꞌo to ... to tayeꞌeyore ꞌjiuméruko ". " Pimechanu eto to tawacho " skepo esu su techo , ene time ... nimechpo . Tosꞌooꞌi to ... manjeꞌepo ... naemepiarekpo to ... nkijarepo nomuire to tkepiayreeꞌi eto ꞌchope peti , tyuuna peti . Ene eto juiti to manjeꞌe ... nakimotyora eno ꞌchañono vennoviono . Asike to piutesraaꞌi piti , piosꞌopo teꞌ to kaya Machetero ene piopnopo teꞌ to saes agosto ene onipo pkoꞌe te tanopo pjoka pista , ꞌchope pista ene manjeꞌepo ... witsero to pitekpa . Asike to sjichviiꞌi su nchicha : " jokrojooꞌi pjokro avenida principal ", skepo esu . Ene eto aaku eto kuti tayeꞌe ... nayeꞌe ... kuti nayeꞌe natsukrupa eno ꞌachumirono , eto to kaya . Ene eto ... to ... manjeꞌepo to tepñukpo tayeꞌe pimꞌopo ene etopo eto to mpeno , nkeeꞌi , meme Pransiska , rusrupaya . Rusrupaya .
• Interlinear Glossed Text • Utterance view