Text view

T25

Recording date2008
Speaker age70
Speaker sexm
Text genrepersonal narrative
Extended corpusyes
Javascript seems to be turned off, or there was a communication error. Turn on Javascript for more display options.
tapuemmaapo nichnáraꞌo eto ... nkownorakórepo naeꞌ no juesiono emjaaꞌi ma tjañokowriꞌi ma juesi , kasike o kapitán , o komisario . eno tkunewokovionriꞌi puejchu vyana te to ꞌmotneko , puejchu te to vkuvénopo wo vkimyonrichjicha viti yvitaripo tkotiripo to vjiꞌu . ene takepo veraꞌikwopo vkeripo una hora o dos hora , tapuemmawo tnokjiꞌchoviono eno kparaakono , enopo tnokovi . wo vitjivina ( vi @) jicho wo waato tyjitakore eto [ interrupcion ] takeeꞌi ; vkonokjiꞌpo ene vkitekpopo te pjoro uko ... vkoomutkopo ꞌchopemuri , moverano ꞌchaniono ꞌmoperono , ꞌseno ꞌjiro , ꞌseno ꞌjiro vkochane no seno veno ꞌsenono nakoyposi tajinachoꞌo tkoviyerano ꞌchañono pero enerichꞌo te to ewire nakoyꞌeyꞌe to wiye ( to ) kareta . asike te pjoka wichꞌo tajinachoꞌo eto . takeeꞌi takerichꞌo ꞌmuiriji te to vijiꞌu te to ywupe viomo to tajpuka viomo to taechgiene pjoka ꞌresia . kopeni etorichꞌo ꞌmuetneko pjoka ꞌresia , etogiene pjoka ꞌresia eto ꞌmuetneko tkomuupa . tomuire to ... cada parcielidad , cada parcielidad takoomutko eno taewnochanriꞌi kutiripo naeꞌ no mosono ... (...) tkomosorano ꞌchane ene takeeꞌi te vyeꞌe viti . ene ymutu to vkemtoneyore vyopyore vkemtone tajichriꞌi , ywónoꞌi vkownoꞌpo mueꞌ ma tparaako . tichorikoopo ma kparaako , kapitampuka o kasikipuka , ymutu ene ywopuchyore vkemtoneyore , vittorojpo etonapka koje vjicho . vittorojpo ypuemmaapo vyono vchowo te to ꞌsanti . takoꞌe eto ; tyonontsero eno apinano moponano tvejnono eto tnikkore teꞌ to ꞌsanti . nomo teꞌrichꞌo najiꞌu tkonorogionrichꞌo tkonorogi manjeꞌe ( jmani ykugi enegi @) joka jeꞌe pereꞌano . nomꞌo keeno , kujpa , arusupuka , sponipuka . ꞌchopemuurichꞌo to vsufrichwo te to vitorisra , viti , ꞌchaniono trinranono no tkomeriono najinarichꞌo te pjoka , ewirerichꞌo onogi teꞌrichꞌo Trinrapaꞌi . enerichꞌo nowꞌo eno rikono tkoyꞌono to waka , te pjoka ( tajina.. .) najinarichꞌooꞌi takeptsero te to manjeꞌepo naemꞌopo ꞌwosarepo mrakariꞌi pjoka tyuunapo pjoka ... manjeꞌe prasa tyuunapo pjoka ꞌresia . tyuterekompo asta juiti tkoyꞌompo pulperia , tkoyꞌenoviono to plata , ene juiti ywachrikpo ante woꞌi ywachrigia , tajina ywachrisꞌa ꞌmuirijirichꞌo to ... manjeꞌe ... etjopka vkomnu ꞌsaype , ywoti , kaecha , colcha chakuyore muipuereyore te Trinra ene vkigꞌe , vchowriꞌojno , te kareta , te pkure , vchowo kuestarichꞌo ene , ene , pero etjo tnikkore ene te pjoka tosꞌo , to arusu , to sponi , to asuka , tyompo to sevoya , tyompo to giesu , tyompo eto ájosi , etoriꞌi ( tajrori ...) tkijroriksi te to Trinra . asike ewire kuesta , etona semana to ypuisra , tkutgiene pjuena tkosaraꞌi tchimrokovi oypuka ene . wo waatoꞌo to vimyanapojcha vkuchokyo to tetpirikwopo ene ypuikoriꞌojno . takeeꞌi te to pkure enerichu takoꞌe vimkojrisnopriꞌi , vimkojriko . to tyuunajcha to tiempo , to kareta apinarichu sache . ene te to pkure , étona sache , te pjoka Sa Lorenzo . to tyuuna to sachono , tajina wo tgiwa , tajina temtokavi , vechpukowne te pjoka , tmopkukuꞌirichꞌo , te las seypuka , porke te las siete tyuchkopo to sache . te las sey tyurimuirisrapo tyjarakuyrepo to sache , vyompo vyongienejicha ... to vniipooꞌi manjeꞌe taetúrewo taémagi . naemagicho te pjoka , viskocho , pan de arroz , tyompo eto to cháragi , to mateka tyono sevoya , pajchu te wkometsipo yveꞌpo to ... yveꞌpo to mateka vepchoko te to metsi tyuunaꞌi . tyuunisripo tyompo to vaka . to vaka tkoywa taeturewo tímagi asaw . takeeꞌi wipo viaptawiirigia onogi vyuwajigiariꞌini taecheejina to ymetsi te ... to ... wo ... manjeꞌe ... wo naekmunacha to viaje . nayustitijiko , comida viajero najichporo eto . kutpo te venrijíyore takeeꞌi te wchoopo te pjoka etjo ... enjo ... te to Trinra muirijirichꞌo Japonesiono , to tkoyꞌono eto Japonesi ... tkoyꞌono eto ꞌattaji , tkoyꞌono eto tkijare ywoti , kaecha , ꞌsaype , asaera , wkemtoneyꞌoyre vewchorisꞌoyre to kutgiene mani tawra , eto asaera , eto tetpiriko , tatakuupa vettakrisꞌoyre to wkugi , siyayorepuka , mesayore etoriꞌi . etjo tkowachriksi , enerichu te to Trinra , muiriji , tajinachoꞌo te jmani to wkopjikoko kuesta wkoprigia mueꞌ ma ꞌchane . emjaaꞌi ꞌchane wo muesopa to ... mayeꞌe giero , muettakropa , wroka , asaera , tyompo eto to tkijareeꞌi villa barquilla . eto tyamirikriꞌi tayutosokyore piꞌa joka tkami , joka taejare joka . eto tkamiriꞌi te to wroka . ene eto kuesta ma tkoyꞌe mawooꞌo ywañoka . emjaaꞌi woꞌi tyuuri , tyuuna ꞌchane temnaꞌi , muemoti to manjeꞌeyore viatajiwono viti . emjaaꞌi wo muemoti to viatajiwo , tsemchujcha : " wo jwachrigiariꞌi , wo pyanariꞌi , wo jwachrigiariꞌi ", majicho ema ꞌchane . kutiriꞌi ma tataeni , powrewokovi , tajina wakyeꞌe tamtu pero te tyonriꞌi , te to viaje ene te tchoopo , ypuemmaapo eto pjoka ymuiiꞌo , jmani chompa tajina takejworichu to naetsmeeji , naetsmeeji , joro naetsmeeji . ene eto ... tkepia ... tkepia eto colcha , ante , tyompo eto achuchicha kutgiene jena , tkijare achu eto wkepkoꞌu ene to yotyono wkosarecho vechpuko viosokowo te yuku . vijreeꞌojno vsiopriꞌojno . ante ꞌchope sufrimiento to wkoyꞌe . ene su veno te ꞌmoyowokovi ( tyosoj ...) tyosojiriko to tattajra to schicha , yjoꞌraꞌrichꞌo ꞌmoyowokowsirarichꞌo . sufrichwo esu veno ꞌchope pero ema ma viya , viyariꞌi saema esu veno , ( esu ...) ema tnerikriꞌi , manériko to ꞌchópegie wkugi puejchu wo temꞌa to yuku , tayuutiko yoti asta to sacheriwre . nvejnooꞌi to tojgieru , tyuuna tojgieru tkijare kójegie , ktsóñogi , rísagi tyompo manjeꞌe wchugi , vijarecho kopopgi , eto jmani tijrechovi eto tyúnako to yuku . takoꞌejiiꞌi eto , sosojirisꞌo esu tkochichawokovi . eto nimꞌogne te to nitorisra te to njuukopo . ꞌchopemuri to vsufrichwooꞌi jicho powrewokovi tajina vyeꞌena plata wo rikowokovina to vyeꞌeriꞌi rikesa eto muiriji eto to skureko , to arusu , to sponi , keeno , kujpa , jarinayore , tyono te Trinra ma tkoyꞌe to vaka tkoptiriko ene tsiwachorichꞌo eto giesu , tsiwachooꞌi siwacho wichꞌo ꞌchopemurina plata pero to ... to ꞌattaji warattorichꞌo teꞌrichꞌo Ware , ( te ) naeꞌ no Japonesiono . eto titekpopo to tkijare metro , te to ante antiguogienejicha eto wara . kwatru pewoꞌu to warariꞌi , titekpo to manjeꞌe tkijareeꞌi to metro porke to metro sinko pewoꞌu , to wara kwatru pewoꞌu , tkijare to wara antiguo , ꞌchosgiene , tawachrisꞌowyo ( te to ) to ꞌattaji . to ꞌattajriꞌi ꞌmuirijirichꞌo te piesa , mittuꞌorichꞌo . ene tajinachoꞌo posraarujina eto ꞌattaji , impériare , etomji , etopo to tkijareeꞌi chamarote . chamarote tjítumo tyuumuípaꞌe . takerichꞌo wichꞌo takajujuji to ... to manjeꞌe to ... ꞌattajono . takepo te to tpajkopripo manjeꞌe rikoporipo to Trinra . tyutekpo eto tkijare eto to ... próremo ꞌattaji , tyutekpo eto sera ꞌattaji , to serariꞌi apimri eto , to sera : sera vina eto tjítumo , to sera ordinario eto tveejémo . takerichꞌooꞌi según to swooꞌogne su seno , to smuꞌiyore , eto karorichꞌo to ronta , etopo to sinta , to sinta , apina metru sinta , tayeꞌeyore te to piesta , te to srígiji siimuisꞌoyre te to piestano su ꞌseno , veno ꞌseno . ene etopo to pona ronta ene te pjoka towriko ꞌchopejuꞌerichꞌo to namuꞌi . eno no tkijarionriꞌi pnoni eemananriꞌi pnoni , pnoni te Trinra ( nono ) eto naejare eemanano pnoni . awaresano apinano enopo tkoyꞌono kapa , awaresano (??) wo namtu awaresaena pnoni eemananriꞌi nakutiriꞌi pnoni monjano pnoni monjano . monja ... te to vechjiriiwo monja , ene takepo te kope hermana , takepo ; ene takeeꞌi eto . takeeꞌi esu su veno awaresa ꞌchope oni , kutiriꞌi te kami ... manjeꞌe ... kuti muiriore ene oni , oni te joka su veno ꞌseno . tyumomuꞌriꞌi tyjopu , tyjopu ; tyjopu . tajinachoꞌo , tetsero nkeeꞌi te to ... tkoyꞌepripo to ... tienta pjuena Trinra , posraarupo eto tyutekono . tyutekpo eto tkijareeꞌi kaña maso , tyompo eto popelina taejarionriꞌi tyuunano . tyuuna vinoriꞌi eto ꞌattaji smuꞌiyo su ꞌseno te to piesta , takti ꞌchochu Trinramꞌi , tyompo eto Kaamemꞌi , tyompo mani ꞌchopiono piesta , matsira viya , kaanawaramuꞌi pjoka SaLorenzomꞌi , tamutu Paska aleluia . etoriꞌi eto , tpuikonriꞌi eto to ... nawopniiꞌooꞌi eto piesta , nawopnooꞌi tyuusamrionriꞌi eno ꞌchaniono , tiimuikonrichꞌooꞌi tiimuikonrichꞌo tkijare to jerure etorichꞌo naeemuiko te pjuena prasa tetikwo juiti tajina , tajinapo vkutripo eto sorare te to ypenono najnapo tkomutkawokovi , najnapo muskina , majinapo ma viorinista makejworine etonarine jmaro sviwreru , ma tamporeru , ma kajeru makejworine . majinapo ma yruꞌeru ante emarichꞌo ma yruꞌeru . ene juiti tajina , tajina , tajinapo . ymotnaarajrine , takejwoprine te rominkono eto vsammoriko . vsamyo to muechjiriiwo ma viya , eto tkijareeꞌi evangelio , tkijareeꞌi biblia eto , eto vsamnoveriꞌi , techjikonriꞌi ma viya , muechjisꞌooꞌi to muemtone matajiwo mamuire te to ante , te to tyukpuikpo te joka ꞌpogꞌe tamutu vsamchichariꞌi ene eto timyonowriꞌi to vsamyore takeeꞌi juiti , najinachoꞌo evanjelistena ante . emarichꞌo ma papa Pio muejare ... ( eno ven ... muejare ...) takepo te tepenopo ema , tyuchkopo ema makitswopo ma Juan Pablo segundo . jaa eno santu papanriꞌiro eno , papa pio Santa Papa , wichꞌo muesopa eto religion evangelico te pjoka , Bolivia , mapraevichriꞌi . te tsioppo ma Juan Pablo segundo , emapo tisopriꞌi eto tpuikompo tpuikompo tpioorikompooꞌi te kaya , asta juitjicha pnoni moverampo no evangelikonriꞌi . ene wipo naetka tkuutsutsukapono ; tajina . wipo ( nan ...) nanoka to makuutsura ma viya . wipo tepiusigiano , manjeꞌeriꞌi techjikono ene tajina nayukpirena , najna nasanturaena . ma naechjisꞌosare Jesukristo , majina emajiwina Jesukristina , pero eno nakorasaka Jesukristo , Jesukristo ma... naemotgieneriꞌi , pero wo namikucha tajina piestaena . te vepiako to piesta tyuteko , tyuñokwokoviono , timoraꞌono vyeꞌe , terono veesa , vescho . eto pjoka eto takoyꞌe to catolismo , namutu temnako , ( tomuireni to ...) tomuire to evangelico pero etotsero wo wawroꞌo to vyana porke ponarichu eto , porke joka nasopgiene eto sopa , pjoka wowre mawupe ma viya porke eto pjoka taetko to krutsu ma viya eto pjoka , to mavanera ma viya eto pjoka , to matsukrupa ma viya eto pjoka . wo onina , woꞌi ; pnoni vsantura , vsiñarajono . koperipo pjoñgi aleluia eto pjono mavanerano . esu virgen , virgen del carmen , eskapurario etorichu eto jmani to nimꞌogne te to nitorisra te to njuusira . juiti tajinayorepo . noñjo apinanrinejicha virgen del carmen , esupo su mueno ma viya , Santa Maria , tyompo esu tkijareeꞌi esupookotsero , esu tkijareeꞌi dolorosa , te naestakpo ma viya te to ante , vierne santu . naestakpo eno jurionono , eto mañono . juiti pjoka vijichwooꞌi , apenaporinejicha to ... emaripo mañgi tyuteko techjirikwo te pjoka , wipo mawroꞌo to piesta . pikkorepo . nuti mpiko porke nechemchorichꞌo to antiguidad . nimꞌorichꞌo mpikokworipo nuti te to takíjapo to vkimꞌo ... takíjapo to tuti ... oopo vkoyemyore ? temtyokapopka eto , to muechjiriiwo ma viya , sechjiriiwo su veno , vyujroksa , ( iotesalve ) padre nuestro , iotesalve , to kreo , dios te reina , eto jmañono eto tkuuyakreeꞌi , ene etopo pjoka retaniya , retaniya orapronovi , orapronovi ( te... ) te ante takepo kope te po- ... te to kastellano rega por nosotros , rega por nosotros ... takoꞌe . jmañono manjeꞌonriꞌi nimꞌogñonriꞌi teꞌ to nitorisra . juiti ꞌchosinupo . mpikookowripo nuti ( te )... to (@) tajpuka to vjichapo , taeswoyka . wipo vkusiopo te ꞌresia . pikkore majicho ema viya tikñakavi , makonaraka mani tamutu , jenaripo sache , makoꞌe to muechjiriiwo tnarakoyre makoꞌe to sache , ene emapookochu tnarakapo . takíjapo eto ... takíjapo eto vkimuiirisꞌo pjuena sache juiti eto ( vim ...) vtanuchꞌowo , vkemtoneyo , vkóskure , eto taemtoneeꞌi pjuena majarakuwo ema viogienu Jesukristo . ema wo tayakujovi tmikuchowokovi . ene noñjooꞌi ꞌchaniono te wipo to taejre sache , " aj % wo taejretaraji , wo taejretata ." wo naechogienena eto pjuena úkoji taviuggio . ene eto nakoꞌchopo , ene tkutgiene to tgiwo , tayuutiko sache tgiwo aa tgiwtara , ( mopira )... mopire ñinoko ñi viya to tgiwo . ene wo ene takꞌe ; to tgiwo ... vkosare ... takosareyore eto vsukriono , tajuusiꞌyore . jmani tnikkoriono , woꞌwore vitina vkojruka . jeꞌchutsero vkoskurepo vewko tamutchujcha vkepueriko wo vitina vkojruka , ema ma viya ema tkojruko tijrokovi vnikyore takochane vitsworisꞌoyre to tajpuka vkomnugne pjoka vkomnu ꞌcheve , mateka , tyompo eto wakakore , ene etopo to venrovena , ene etopo eto yvaranena vyusꞌa to sorariono . vniko tamutu , majichowriꞌi ema viya . ema temnakovi . vkejworine viti wo wamtuji vemnaka ema viya , ( porke ) te wamtujini vijichkokariꞌini , vyanariꞌini te to ꞌresia . ene juiti najinapo rotrinerina ( mop ...) moveraena . apinanrine mañgi rotrineru , mañgi ( corr : pnongi rotrinerono ). mopona to makoyꞌe : rotrineru , ene etopo to kónomo najichriꞌi , primer sacristan te to naechjiriiwo tyompo apostórepo , ene animarorworechoꞌo mañgi techjirikwo ma Telejvo . ene takoꞌe . ema mawooꞌo to makomtyoka eto to costumbre te pjoka ꞌwósare . pikkore .
• Interlinear Glossed Text • Utterance view