Text view

T21

Recording date2008
Speaker age71
Speaker sexm
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
tyuripo nechjigia ? juiti nechjisꞌoyre to ... nechjisꞌoyre to ... ma tkesanéraꞌi ma ꞌchane , te to ... takemtonérawo to ꞌsanti . ene ema ma ꞌchane muemoti to tayeꞌompooꞌi tiempo to ... takoskurérawo to manjeꞌe to ... skúrekono . ema ma ꞌchane tkesanéraꞌi tyompo muemꞌopo eto to smeno , smeno , smenogienejichapuka o woꞌi ... ꞌsantiijipka eto to smeno . ene te to ... smenogiene ꞌchopegiewko to wkugiono , ꞌchopegie etjooꞌi ene ema matúmewo ema , manokpo to senda towriꞌi . oypuka ... manjeꞌe ... et- ... etnayrepka ektaria to ... to mamuitaruyre , según to smeno to ꞌchopepuka . porke etjooꞌi ... ꞌpogierejipo onogiyꞌe ene wo taatoꞌo to manjeꞌena takyeꞌe to etnaena ektaria . ene ... te to tyuripo masendajkopo to smeno , entse eto tnaekchoopo ꞌpona sache tesavijrikpo . enjopka no timkatakono mawacho eno no ꞌpomriono ꞌchane apinano , ema moponapo . ene ... wo naejkorucha eto to ... to ... manjeꞌe ... ꞌmotneko , tesavijrikompo oynapka ... ocho diapuka , ocho sache najicho to nakemtonera te to tesavijrikono to smeno . porke eto ꞌchope , manjeꞌe ... wo ꞌsantiijina , kuesta ( chu )... ene te to naesavijsirariꞌi , eto naetuchpo , naetuchpo eto to ... manjeꞌe naesavijsira ene teꞌpo ywoti naechkuꞌpo . ene ꞌnuuji te to ... ma ꞌchane techowo te to ... manaekchoyrepo eto to muemtoneyore mayosioko ema viya . ema viya muejrokyore to matumewoyre , ma viya , viya Jesukristo , mayosioko , ene eto tyuri eto . etjooꞌi viti wo véchapo to wkemtoneyore ene wo vyosioka ema viya , viya Jesukristo vemnaꞌosrapchu wkemtone ene , ene tosꞌo te to wi tyuchka to vemtone ene wo vecha ema ma viya tkochichawokovi . ene te to véchowo entse eto te to vkemtonera ( te to vkemtonera ) ene ... te to pochpo eto ꞌsanti naechkuꞌpo , naechkuꞌpo ( o ...) etjooꞌi ma ꞌchane etjo to maponreru ꞌnuuji tsekkurikono to poso te to smenjeku , nasekkuꞌo towꞌoyre eto to keenochpono . ( nasuk ...) nasukjechyore to smeno . ene ... eto tyuuna eto , tanigiarine to yuku to ... manjeꞌe to tayeꞌe papa to ... tónawo to keenochpono . pero onogi to ... tachupu manjeꞌe taemaru wo ... wo tanikimꞌi to yuku maj bién tyuunachjicha . manjeꞌe ... temkukompo eto ene te ꞌchopepo tyuuna tyujawo to keeno wo tanigia to yuku . te to pochpo manjeꞌe nagpuekpo to smeno , naetchujko entse eto , nakuchokpo etnapka koje tajicho to ... ( nagpuegre , nas ) nagpuesra to ꞌsanti , to smeno . ene manjeꞌepo eto nakuchokpo etnapka koje , tyoojipo ene te to tajna tgiwa , wo tagiwarajgia eto to smeno ene tyoojipo mraka , nayustakpo tanikꞌo to ꞌsanti , to smeno tajina ( wi ...) wipo tajna ꞌjiorejina . ene jeꞌchu tanikꞌo mraka . pochpo tanikꞌopo ene tajnachꞌo muijina , tajna muijina ene ( etochus ...) etochus to epriono timarurupuekono machaarepuekpo ema ma tkoyꞌe ene , ene ꞌnuujipo su mayeno mametokopo " vyonyore vewkoyre " majichpo ene enjo no muechjirono ꞌpomriono timkatarekonñore tewkonñore . ene tewkompo , naewkopo to arusu , entse eto , tajnapka to koyrena , titotijwo eto to skurekono wo tachareꞌa to ... to koyre ꞌchu tiseraꞌono te to ene onogi , onogi te to nowsaraꞌi San Lorenzo , tiserepaꞌpo te pjuena . ma ꞌchane tkósukre , to kutsi tachareꞌo , wipka kutsina etopo to kotso ( ta... ) tavekgirajiko to skurekono . ene takekꞌowre ema ꞌchane ... wipo tyuchka to tnikkoriono ene wipka etina to kotso , etjojnopo jmani moche , najicho moche , tomuire tavekgiracho . tiserepaꞌpo to smeno , taechoꞌipo to koyriono . ( en ) ene takoꞌe tatanoviono to ... ma tkesanéraꞌi , tkesanéraꞌi ene ... siempre to tkemtoneyorepo tkoskure tkoskuurekyórepo ma ꞌchane mayosioko ema viya " tata , nkemtone nkoskureyorepo , pioꞌichinnuyre jmani nemtoneriꞌi nsukreyre ene nanisꞌoyre eno ... eno pchichanoviono viti ymutu pchichanoviono " majichpo ma viya . ene tkoꞌi eto to skúreko , to arusupuka , tajpuka , sponi , kujpa , ꞌkúteno , kaere , ktsire , masukchopo to , to ꞌcheti , tamutu masukcho te to muésane , etoripo to narasa , to , to toronja , to lima tersia , tamutu masukcho te to muésane ema ꞌchane tkemtoneraꞌi jeꞌworegiene ema , ema tkíjare ꞌsantimre , tkesanéraꞌi . ene te to tyuchkopo to maniru nasamuiikopo ema ma emjapka ma tkoyꞌe to waka , tkoyꞌe estasꞌio , te to , ene masamuiiko tyompo titsworiko to ... mamo to cháragi tamutchujcha to muetsworisꞌo mamuire , manikyore te to mayeꞌe estasꞌio . ene titsworikpo keeno , kujpa , apu , ꞌkúteno , teyareko to makáreta , tchoopo te to mayeꞌe estasꞌio , tyuusamre . etjooꞌi muetsworiko mamo to wáchaꞌe ene eto maviyꞌo ma ... ma s... ꞌsantiora , tkesanéraꞌi , maveꞌpo to etna wáchaꞌe : tyjuukopo takeripo etna añu , apina añu ꞌsenopuka to wáchaꞌe te moponagiene añu tkojaripo eto to wáchaꞌe ene tkoyꞌeyrepripo to waka . ene ꞌponawore tiempo , mammore ema ma tkoyꞌe estasꞌio titsworiko ene etoris to wáchaꞌe . ( en ) ene to muetkopka tkemtone ema ma tepiareko ma ꞌsantiora , muepiakpo to kareta , pkure , ꞌchope raveta , ene etorichu naetsworisꞌo eto te to wáchaꞌe tkoyꞌepripo ema ma ꞌsantiora . tkoyꞌepripo , ene tkoyꞌepripo waka tinakopo eto to towgiene mawachrirono ene ... tyuusamriono su mayeno ; tkoyꞌompo to waka , twachrikompo smoru , chiwa , wrayu , ꞌpoji , tkoyꞌompo , eto nakoyꞌe ; tkoyꞌompo kwoyu nawachrikpo tomuire , ene eto , eto muetsiꞌwo ema ma ꞌsantiora , tkesanéraꞌi . tyuri takeeꞌi tatanoviono en te to nimotira ene to tiempo to ... ma ꞌchane tkesanéraꞌi , ene eto makemtone ma ꞌchane tsufrichwo manjeꞌe tkatajiwo porke tósoko to sache , tisoꞌooꞌi tanikriꞌi to sache , tepatsuko ma ꞌchane ene , ene tekꞌo , tetarako pero to etopo to tnikkoriono wipo tsufrichapo , téropo , tnikpo , tkometsipo su mayeno ( majaws ) majawo snoko , manjeꞌe tketchejpo cháragi o ... o smorupuka tkoparekompo tnikompo no machichanoviono . no machichanoviono , manokwokpo te to eskuela , no machichanoviono , oynapka no machichanoviono @, moponampuka , apinampuka @ ene en takoꞌe tatanoviono to takemtonerawo te to ꞌsanti , takoꞌe tkoyꞌepo kujpa , kujpuempo , tepiarekompo jarina , tepiarekompo to jarina , tkoyꞌompo , su mayeno sitko tkemtone , tajnapka nayeꞌena puera , su mayeno tyonompo naveꞌo to mótaji , to tyúraji , sepiakpo to vijarechriꞌi viti srugrecho , srugrecho , te to etopo to jarínaji , manjeꞌe , ene ssuupasꞌo , ene tyuunisi eto to jarina tajicho to srugrecho te to móteji , tyúraji ene tijyepa eto to jarina . ene tomuire eto naetsworisꞌo , naejrorikpo to ( na- ) manjeꞌe , naemtoneriꞌi , tajina wipo takatajiwono , naveꞌpo to tótupa , tótupa te to kujpa , ( et ) tvetotrikompo , ene eto manokpo ma ꞌchane to makoyꞌe to rayador , eto taráyacho to kujpano asike nakotnokpo eto to jarínaji tyuchkopo to ... to totu to kujpa . ene tyuuniswore to tótupa , kuti pjoka arina , arina de trigo , ene en takeeꞌi to tótupa . eto jmani taemtone , muemtone ma ꞌchane ꞌsantiora , te to jeꞌchugne ema naejarechriꞌi " agricultor " najicho , no tkomeriono ; viti ema " tkesanéraꞌi " vkoꞌe , " tkesanéraꞌi ". ma ꞌchane muetko muessuko to ꞌsaype , ywoti , kaecha , tísoꞌo , tyono techriko , tyono tkasaeko tomuire , wo etoyumjena to makuchookaaꞌi to tajpuka tkoparegia . weno juiti kuesterapo to sorariono , tyompo te to éwire smeno tkasaeko , tajpuka maroto to smoru tropa , tyompo to ropo , moto , peꞌi , tamutchus mayuko , to chuni , to etopo to pawa vjicho juvi , juvi , eto juvi ene mayuko eto to ... to koyriono , ene maroto to ꞌpoji mayuko tomuire , schunoꞌikpo su mayeno tnikono , tnikono tyuunisrajono , wipo takatajiwono . ene wipka takjuma o tkojmapka siprujchopo su mayeno , tyompo simꞌo to mueprujyore ema saema semnakpuka , ema ꞌpona muemnakpuka su mayeno tkojmapo , tyono muemꞌo to siprujyore esu su mayeno . ene tnarakono , tnarakono ene temnakkono tkochichampo , tkochichampo ene ꞌchopiompo no nachichanoviono , ꞌjiropuka naemyenochopo , ene esupo su nachinenooꞌi . o ꞌsenopuka ꞌnuuji su nachicha , ene tkochnampo , tkochnarekompo ene wipo manjeꞌe ... oypuka nakyemo eto to ( napom ) sponrerigia su yenore , jeꞌe nkeeꞌi tatanoviono , memenoviono .
• Interlinear Glossed Text • Utterance view