Waveform view

JuanFlojo_part1

Recording date	1993
Speaker age	59
Speaker sex	m
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

Entonse tum pääñ, dyim, iichaʔ chyumeeñ, riko. Pero Pero despues maʔte ee Iichaʔ wäsnaʔ Dyyoswachaj. I tum shyuutuʔ ee eñch yoswatp. Njumbuʔ kañcheñ. Njumbuʔ kañcheñ, eñdye shyun yoswatp. Joyejoye ʔyaaŋkeʔmtaj. Pe eñdye shyun yoswatp. Kañcheñ. Eñdye shyun yoswatp. Entonse maʔ nämyaj ʔyoom, ʔyaap: ¿Njuneʔep te nyakyoswatp? Mejor te nyakkäʔŋkom. Bweenu, maʔ duʔk el tyempu. Joyejoye puur chipshkuʔ iichaʔ. Puur chipshkuʔ. Jepeʔ däk tepshtepshjoʔoyeʔ. Joyejoye jepeʔ dyyoos. Maʔ duʔk el tyempu. Maʔ waʔkataj dyyuuñeʔ. Wyattaj eksijir ke ee däk wyaʔakeʔ dyyuuñeʔ. Dyimätaj: ¡Däksäʔ, däk beʔetzäʔ ñyuuñeʔ! I maʔ däk, däk byeʔtz dyyuuñeʔ. Maʔ däkam. Däk ootaʔajäʔ, däk pusaʔayäʔ booyaʔ yomtaʔ. Däk pusaʔayäʔ yomsuutuʔ. Däk puspusduʔkyajäʔ booyaʔ. Maʔ däkam dashuku. Maʔ kiʔmkaʔ kyawaay. Maʔ däkam. Maʔ duʔk kaayejoʔo. Maʔ jyuyaʔ booyaʔ upäʔ jyak. U jyak yomsuutuʔ, byumbe pyusäyaj booyaʔ. Dyimyaj: Yäʔäm waʔpa njyak jembeʔ juch ech jepeʔ suutuʔ, dyim, jepeʔ este sawkäʔdaʔa. Sawkäʔdaʔa. Kpyusjakaʔap booyaʔ. Kpyusjakaʔap booyaʔ. Dyaspäʔ jaa maʔte eecheʔ asta maʔ yaj byooyaʔ. Maʔ pyusaʔy byumbe. Entonse maʔ seet, maʔ däk chikä. Maʔ duʔk chikä. Wyok. ¿Maʔ kbiñ? Maʔ kbeñ. Eñdye maʔ ʔyootaʔ nee ʔyaap, nee ʔyoom, neʔeenaʔ. Ke, dyim, nʔoom maʔ kkandäkaʔ. Maʔ kdämaʔ däk pusaʔayäʔ booyaʔ yomsuutuʔ dyim. Jeksh maʔ npusaʔ booyaʔ, pa ke basta maʔ kʔwokäyaj byumbe Maʔ kʔwokäyaj. Byumbe kʔwokäyaj. Kdämayaj ätz ksawkäʔdaʔa. ¿Entonse njunu maʔy nshyeet? dyim, ʔyaaŋwaʔk ʔyaap. ¿Njunu maʔy nshyeet? Ke bich nshyutz kowa dyim. Byumbe yomtaʔ kʔwokäyaj dyim njem juchaʔ kʔoy dyim. Poko maʔ npusäyaj booyaʔ. No, maan, dyim, ätz eñdye maʔ knʔaaŋkeʔ, dyim, pa däk npyusäyaj booyaʔ. Däk nʔyootaʔ dyim para seetp ñyuuñeʔ. Aa jep maʔ chiʔk kñimaʔtaʔ, dyim, pwe, maʔ nʔisham ätz eñch matäŋ. Eñch nʔeshp... dyim. Bweenu entonse maʔ däkam. Tuŋkak shamaan tumeeŋkoʔ eepäʔ maʔ aaŋkeʔmtaj: Däk beʔetzäʔ ñyuuñeʔ. Däk beʔetzäʔ. Bweenu maʔ put. Maʔ däk eepuʔ, maʔ däkakam dashuku. Jes maʔ duʔk njem dashuku, maʔ däk weʔenda juch ech tum rey. Jes maʔ duʔk parke njem ech oʔtzdeʔ ich. Entonse eñch maʔ pyus booyaʔ. Oʔtzdeʔ ich, oʔtzdeʔ ich, oʔtzdeʔ ich. Eñdye jyakyaj yomtaʔ. Oʔtzdeʔ, oʔtzdeʔ, oʔtzdeʔ. Eñch wiʔŋjaamyaj. Ätz eñch nsun yomtaʔ. Eñch wäätaʔ. Entonse komo las dies maʔ put dyyombaa rey. Dyyosʔaʔjam. Dyyosʔaʔ. Dyim: ¡Juuu! dyim, jeʔbaʔa kkäʔŋkomp mejor dyim. Entonse jeʔbaʔa kkäʔŋkomp. ʔYaʔmkeʔm. Jeʔbaʔa kkäʔŋkomp jeʔbaʔa Entonse maʔ seet. Maʔ däkam chikä. kiʔmkaʔ kyawaay. Eep maʔ däkam chikä. Maʔche duʔk, si alekre ech. Dyimaʔ: este ¿Njuneʔ? ¿Maʔ nshyeet?, dyim. Juuu, dyim. ¿Maʔ npyaʔt ñyuuñeʔ? Jeksh si dyim, maʔ npaʔtam. ¿Maʔ npyaʔt? dyim. Si dyim, maʔ npaʔt. este maʔnpaʔt, I wää ich. Maʔte weʔekeʔ. Maʔy wiʔk njem. ¿Ee dyyombaa njeʔ? dyim. Njeʔp dyyombaa rey. No, maan dyim, ¿njuneʔep nkiʔŋkomkak jeʔbaʔa rey dyyombaa? dyim ¿Ke no bes ke basta chyumeeñ, basta chyumeeñ? dyim ¿Juch däk kbyaŋpaʔateʔ?, ¿Cheʔbaʔakaʔ knyakkäʔŋkom ätz? Nsheshbandaʔ eñch duʔkp, kʔyajaʔap byumbe. ii No dyim, pwe, aʔy eñdye nshyuntaʔ dyim, entonse chiwä maʔ knʔyaaŋkeʔmtaʔ däk meʔtz nuuñeʔ. Jeksh maʔ npaʔtam eñdye nshyun däk nwyaʔkaʔ. No dyim, pero no jep kseetäʔ dyim. Däk beʔetzäʔ tuŋkak dyim, pobrepäʔ dyim, tu pareja dyim. No ke jep däk myeʔtz. Entonse duʔk el tyempu. Pwe aʔñdye nshyuntaʔ dyim, mejor kpojp aʔñdye nshyun däk nwyaʔkaʔ nuuñeʔ. Mejor kpojp. Pwe ätz dyim, eñch kdäk nwaʔk dyim, poko jep dyyombaa rey, dyim. ¿Juch däk npäkaʔ chyowa pa knyakkäʔŋkom? Entonse maʔ puchaj. Maʔ put suutuʔ. Maʔ däkam. Ätz kpojp, dyim. Maʔ däk. dyiiksaʔ chipshkuʔ. Joyejoye chipshkchipshkjoʔy dyik. Chyuʔuŋaʔ tuŋ. Maʔ däkam. Maʔte weecheʔ maʔte weecheʔ. asta maʔ duʔk. Juʔum maʔ wech. dyyaj pooy. Maʔ wecham shamaan i maʔ duʔk tum das juch ech tum rey, tuŋkak tuŋkak rey. Njem maʔ duʔk. Jes maʔ duʔk njem maʔ däk parke, maʔ däk oʔtzdeʔej. Iichaʔ chipshkuʔ byumbe. I kasualmente jembeʔ njeʔ juch wiʔk tum << fm>jikante wäsnaʔ jikantedaʔa. Wäsnaʔ jikante wiʔk. ʔYaaŋkeʔmtaj wiʔkkuʔ, wiʔkkuʔ ʔyaaŋkeʔmtaj. ~~Para~~ kaada tzuʔŋnʔeech ʔyaaŋkeʔmtaj wiʔkkuʔ. Entonse maʔ isham jep njeʔ soldaubetz: Njem oʔtzdeʔ jepeʔ suutuʔ. Entonse maʔ dyimaʔ rey: Rey dyim. Ke ¿Chiʔ nshyun? Njem ech tum suutuʔ dyim. Oʔtzdeʔ parke dyim. Oʔtz, eñch eeche wyat. Aa jepeʔ njeʔ njumbuʔ kañcheñdyaʔa. Däk batzkätaʔam. Meeñätaʔamäʔ dyim, jep ta nʔaaŋkeʔm mm däk kiʔis jikante. Jep ta nʔaaŋkeʔm para yäʔä waʔ jiikksaj das dyim. Bweenu, wää ich. Entonse boy pikyaj, dyim. Jes maʔ duʔkyaj, dyim: Kʔwichp ätzbaʔa, dyim. ¿Chiʔyoo knäʔäksjaʔ? dyim. U kʔyootaʔ rey. Rey eñdye näʔäksjaʔ ni ni tum tumeeñ. Eñdye näʔäksjaʔ ¿Njuneʔep kdääksaʔ? Poko kdyikp däk nʔyaʔmdäkaʔ. Bweenu. Pwe, kdäkp, dyim. Entonse maʔ däkam. Maʔ duʔk njem. Dyim: ¿Chiʔ nshyun, rey? ¿Pwe chiʔyoo nshyun bich? Bich kdyikp dyim. bich Poko däk kkiʔis jikante poko bich eñdye nʔiichaʔ yoos dyim. Njyoŋjoŋjoʔy. Upche njyoŋjoŋjoʔy. Eñdye nʔiichaʔ yoos dyim. ¿Chiʔyoo nwyat dyim kayejoʔom? Nchyoʔksktoʔkskjoʔy dyim. No dyim, bich kdyikp. ¿Ee joʔwaʔ däkpäʔ kkäʔäs? dyim. Däkpäʔ kkiʔis dyim, jikante. Pwe aʔy däk kkäʔäs dyim, maas sekuuru dyim, kʔwatätaʔam prepara nʔaacha nʔaacha mm i bejäʔ chumeem. I kdäkp, dyim. Si, entonse maʔya byejätaj ʔyaacha chumeem. Tzuʔŋnʔeech maʔ dääksätaj. dääksätaj. Ktzaakäʔ dyim yäʔäm pa kkäʔäsp jikante. Maʔ däk. Biñ. Maʔ duʔk njem. Tzaktajam. I yäʔämche kchiʔij. Yäʔä ktzäʔäj. Ech tum kuyʔaap. Ke wää kuyʔaap. Ke wää kuyʔaap. Maʔ duʔk njem. Oʔtzwäʔ dyik juch ech tum Jeksh chyuʔumuʔk otäŋ, dyim: Tepshkuʔ tepshkuʔ dyim, ¿njuneʔep nwatp? Waʔ nʔyoʔtzdeʔ käʔäm. keʔemäʔ yuku dyim kuyuku dyim. Keʔemäʔ yuku dyim. Poko aʔy käʔäm wää kdyyakaʔ dyim meñpaapäʔ dyim. ¿Cheʔkaʔy? dyim. Keʔemäʔ yuku. Keʔemäʔ yuku. Entonse maʔ keʔm yuku, kuyʔaapyuku maʔ keʔm. Njem oʔtzdeʔ ʔyaʔyoʔo. Ya tzuʔŋnʔeech njem biñ. Wäsnaʔ jikante biñ. Wyaʔŋkwaʔŋkdeʔ biñaj. ¡Paa su gaayu! Jesa ʔyaʔmdäkaʔ, dyim: ¡Puutu! dyim, jepeʔ kkäʔäspaapäʔ dyim. Wäsheʔdaʔa pääñchukudaʔaŋbe. Wäsnaʔ eñch nuʔukjaʔap piim. Jeksh chyuʔumuʔk otäŋ, dyim: ¿Jeksh njuneʔep nwatp? dyim. Jeksh tepshkuʔ, tepshkuʔ ntepshkuʔ dyim, ¿njuneʔep nwatp? dyim. Kdämaʔ dyim. ¿Njuneʔep nwatp? dyim. Waʔ nkiʔŋ dyim. Jep njeʔ dyim, jep tzaakäʔ ~~ätz~~ ätz nyakaʔap dyim. Bweenu aʔy bich ñyakaʔap dyim, pwe entonse ätz eñdyash nwat kaasu. No, waʔ nwyat kaasu dyim, ätz ~~ktzakaʔajäʔ~~. ~~Ätz~~ ktzakaʔajäʔ. Ätz ba dyim im ätz Ätz ba dyim im Bweenu, maʔ duʔk njem. Oʔtzdeʔyaj chyukpak jeʔbaʔa chyukpak. Tum ʔyaʔmdäk weʔenda, tuŋkak ʔyaʔmdäk weʔenda. Jeksh jep yuku ech. Yuku ech ʔyaʔmketaʔ. Dyim: Bweenu dyim, eñdyeenaʔ meñ jeksh dyim. Asta jeksh dyim eñdyeenaʔ meñ. Meñpäʔ ta tzaʔakjaʔ dyim ta nweʔkkuʔ eñdyeenaʔ meñ. ¿Cheʔkaʔy? Kyeŋ saa cheʔ wyachaj. Jeksh jaʔyknashaj, jaʔyknashaj dyim. Tzaakäʔ upa biñ yäʔä dyim. Maʔte eecheʔ. Maʔte echajeʔ. Byaʔyoʔykaʔyaj Byaʔyoʔykaʔyaj jeʔbaʔa jyaytääw Byaʔyoʔykaʔyaj, byaʔyoʔykaʔyaj, byaʔyoʔykaʔyaj. Entonse jepeʔ echpuʔ yuku byatäŋ. Echpuʔ yuku byatäŋ kuyuku. Jiikput chipshkuʔ. Jiikput tum biykchaʔdaʔa. Chipshkaʔ meeru kyokyuku. Meeru kyokyuku maʔ chipshkaʔjam. Chipshkaʔjam. ¡Juuta! dyim, njaytääw dyim, kwidaadu dyim. Maʔ knkyokskaʔ dyim. Maʔ knkyokskaʔ dyim. no I no dyim njaytääw si ätz eñdye knkokskaʔ. Ätz eñdye kmächkaʔ dyim. Si dyim, maʔ knkyokskaʔ dyim, maʔ knkyokskaʔ. No dyim, eñdye dyim. Bweenu, kwidaadu dyim. Waʔ miñ jeʔy knwyat dyim. Ätz eñdye kmächkaʔ. Bweenu. Maʔte eecheʔ, maʔte echajeʔ; dyim: Bweenu dyim, njuʔchʔee mej dyim pa ta weʔkp? Ätz upam nyuʔukaʔ dyim. Upa biñ dyim. Maʔ jaʔyknashaj. Jepeʔ upa biñ. Bweenu. Eepuʔ maʔ pyuutaʔ tum bäykchaʔdaʔa. Maʔ chipshkaʔ chyukpakyuku, chyukpakyuku maʔ chipshkaʔjam. ¡Juuu! dyim, aa, njaytääw dyim, maʔ knchyukskaʔjam. Maʔ knchyukskaʔ dyim. No waʔ nchyukskaʔjoʔy. Ätz eñch kmächkaʔ dyim. Maʔ kñyaktojksajaʔ ntukpak dyim. No dyim, njaytääw, eñch eeche knwataʔ. Si dyim, maʔ knchyukskaʔ dyim. Kwidau. Poko si no, knpaʔkskduʔkaʔap tum dyim, i wää knyakaʔ. No dyim, si eñch eeche knwataʔ dyim. Njaytääw eñch eeche knwataʔ dyim. Entonse maʔte eecheʔ. Maʔte echajeʔ käʔäm byaʔyoʔykaʔyaj: Bweenu, ¿koŋ ke porfin? Aʔyñch mej meñpäʔ te tzaʔakjaʔap pa ta weʔkp dyim, mejor tej dashuku. Tej ta meʔtz dyim, däk ta npuutaʔ jushpäʔ cheʔ te Jeksh echpäʔ yuku u byatäŋ. ¡Puuta! dyim, aʔy ntzakp dyim, däkyajp Yäʔäp däkyajp dashukku däk pyuutäyaj pääñchaʔ. Jembeʔ weʔkyaj. Entonse eepuʔ maʔ pyuutäkak chipshkuʔ. Jiikput biykchaʔdaʔa. Jiikduʔkaʔ, pääm maʔ jiikduʔkaʔ chyukpakyuku. Jesa maʔ baŋtzuŋ. ¡Juuta!, eep maʔ knchyukskaʔykak dyim. No jeksh si dyim eñdya npäämkduʔkp, dyim. Oora si dyim. Jeksh si dyim, baŋtzuuŋäʔ, dyim. Aʔñch kbyaŋtzuŋ, knjääktzuŋp. Bweenu eñdye shyun tzuŋ, dyim. Pero eñch eeche knwataʔ njaytääw dyim. Eñch eeche knwataʔ dyim. Ätz eñch eeche knwataʔ dyim. Eñdye kntzukskaʔ. Eñch eeche knwataʔ dyim. No dyim, maʔ knchyukskaʔ pääm dyim. Jeksh dyim, lo ke chiʔ nwyatp dyim, ¡baŋtzuuŋäʔ! dyim. ¿Pero njuneʔep maŋtzuŋ? dyim, si eñch eeche knwataʔ dyim. ¡Baŋtzuuŋäʔ! dyim. Aʔyñch kbyaŋtzuŋ, Kdämaʔayäʔ. Pero njuneʔep maŋtzuŋ si eñch eeche knwataʔ dyim. Pwe baŋtzuuŋäʔ. Maʔye knämaʔ, eñch kbyaŋtzuŋ. ¿Pwe, njuneʔep maŋtzuŋ eñch eeche knwataʔ? Jiikbatz, chyojbatzaʔ kiʔ jiiktzuŋ. Jesa jiiktzuŋ maʔ chijkaʔjam ʔyakpakyuku. Maʔ wiipdäk kom boske. Wiipdäk juʔum. Wiipaʔyam. Jaschikduʔkam njem. Maʔ kaʔjam. Entonse eep maʔ seet jikante wächedaʔapäʔ, maʔ däk oʔtzdeʔkaakeʔ eep juch chiʔk oʔtzdeʔyaj. Oʔtzdeʔ ich. Maʔte oʔtzdeʔ ich. ¿Bweenu njuʔchʔee mejp dyim pa ta weʔkp? dyim. Pero upa chyuʔumuʔk baʔyoʔy. Eñch iichaʔ kyumñeeru. Maʔ yaj kyumñeeru. Maʔ kaʔjam. Maʔ chijkaʔjam. Despwe dyim: ¿Njuʔchʔee mejp pa ta nweʔkp? Aʔñch mejp, dyim, mejor dyim tejam, dyim. Jeksh maʔ baŋtzuŋ jep jikante wächedaʔapäʔ. Jesa aʔmseet jisä eñdya ee kyumñeeru. Njem patzdeʔ ¡Puuta! dyim, njaytääw dyim, kreo maʔ kkyaʔjam dyim. Pero, dyim, dyyuʔsäŋjak, dyim. Dyyuʔsäŋjak. Maʔte shyuj, maʔte shyuj, maʔte shyuj. Naada, maʔ kaʔjam. Chijkaʔjam. No dyim, jeksh dyim, ¿njuneʔep ta nwatp? dyim. Jeksh mm dyyuʔsäŋjak. Maʔ dyyuʔsäŋjak. Maʔte jyuut. Eñche maʔ wäʔäjaʔ. Maʔ dyyakaʔ. Bween lo ke chiʔ maʔ wyat: maʔte weejeʔ. Jikante wächedaʔapäʔ maʔte weejeʔ: ¡Juuta! dyim, bich nshyutz kowa dyim. Bich kñiiytzukstzukskaʔy, bich kmichkaʔ. Maʔ knkyokskaʔ dyim. Jeksh maʔ knchejkaʔ. Maʔ knyakaʔ. Maʔ knyakaʔ dyim. ¡Lastima dyim, njaytääw! dyim. Maʔ kaʔjam. Entonse maʔ dyyuʔsäŋjak. Maʔ kaswäʔ dyikyaj wistäkbe. Bweenu, maʔte eecheʔ, maʔte eecheʔ, maʔte eecheʔ. Boŋkaʔjam. Entonse jepeʔ echpäʔ yuku, maʔ ket tzoŋtzooŋ. Maʔte keeteʔ, maʔte keeteʔ. Jesa ketam daskäʔäm, tzooŋche maʔte dääkeʔ. Jesa dyimaʔjam. Maʔ chiŋjakaʔ iskäʔ. Chiŋjakaʔ iskäʔ Chiŋjakaʔ iskäʔ jikante jepeʔ echpäʔ biibu, wächedaʔapäʔ. Maʔy chiŋjakaʔ. jyoʔk, maʔ pol maʔ eench Maʔdäk. Juʔum maʔ däkam. Upcham ʔyaʔmdäkaʔ pyokbächeŋ ich. Maʔte pokbächeŋ ich. Kichkichjak byumbe kuy. Maʔte eeche, eeche maʔte eeche. Jes maʔ däʔäpeñkaʔy njem. Poktzäʔy jikante. Eep maʔ däk jep tzoŋtzooŋche. Maʔte däkak jepeʔ Jwaŋ Floojo. Maʔte duʔukeʔ tzoŋtzooŋche. Asta ke maʔ duʔkam. Jes maʔ duʔk serka maʔ ish eñche chikoʔy. Eep maʔ ish dä ha gägam eench ima Eep maʔ chiŋjak nee njeʔ. Maʔ wisktäŋjak tuŋkak maʔpäʔ kaʔjam, jisäbaapäʔ jikante. ¡Uuta! entonse maʔy chiŋjak. Maʔ däkam juch oʔtzdeʔ jikante njem, maʔ däk oʔtzdeʔ nee njeʔ. Maʔ duʔk oʔtzwäʔ dyik. ¿Cheʔ kñimaʔap ntepshkuʔ? dyim. Maʔy kyaʔtokeñaj yäʔäjäʔ. ¡Juuta!, ¿cheʔ däk knämaʔjeʔ? dyim. Jääkbaatzäʔ dyim. Tzatztzatzjaakäʔ ñyoʔt dyim. Pokpokjoʔoyäʔ dyim. Jeʔchaʔajäʔ wiñ däʔäpeñ. Pokpokjoʔoyäʔ. ee Byumbe nwyaʔy kotaʔajäʔ dyim este däʔäpeñ. Tzukstzukskaʔajäʔ nwiñ dyim.

Edit utterance

Text view • Interlinear Glossed Text • Utterance view • Help