Text view

Sii_06

Recording date2004
Speaker age66
Speaker sexf
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
A - nabunuu a peha roosuu na teitei a roosuu bona na antee nana tea taverete oraa ge taverete kuruu ge taverete toa ge am- maamihu kaen naovana vai to to hiri rori teo kasuana, a oraa bona ve na antee nana tea taverete potee bona taba vai to rake nae be taverete vo teebona. Me teo peho bon mea mepaa nomaa mepaa ma vurahe ri bono tobara otei eori he hio kasuana, evehee aba maa, taverete aba maa. Mepaa ma sue Eh Tabae to paku nom eam "Ahiki, enam na hio koa nom, nam na tara nom a tahii, nam he na enam he na - enam na toku nom tea gono Sue vai, "Eam o upa?" "Ahiki, enam na toku koa nom a tabae toro gono ni nam." A mataa kurus nana tobara otei Naa pasi vaasusu ameam tea paku kave." Meori paa sue sue - mepaa sue "Eara pasi nao rara rasuu, are paa mos maa ta maa ta maa - ge ta maa ariono." Meori paa nao, meori paa mosi maa bona maa ariono, meori mosi maa, meori mosi maa, meori mosi maa, meori paa nomaa, meori paa ma hio kasuana, eori he tea gago bona ariono. Meori gago vakavakavara bona ariono, meori paa gonogono bona kara vai tobina mena kanono. Rerau meori paa paku bari, me <<wip>> ori paa varoava bari mepaa raka, evehee na roa-, na tei sana tea roava, mepaa takatakaku a ariono, tabae eori komana o manae vai ei, na toku rori tea paku bona - A meha papana na saka nata haa, saka na- toku kurus rori. Mep aa hivi ri bari "Amaa ariono," evehee nomaa vahaa, mepaa ma sue kiri bari, "Amaa ariono team na - na Tabae amaa ariono tenam na raka me naa saka mataa haana Mepaa boha voen, antee nana, eara kahi naou tea- enaa pasi vaasusu avameam a meha taba." Mepaa vaasusu ri bari bona meha Meori paa nao, meori paa kurukurus maa bona meri bari meori paa nao meori paa kurukurus maa bona - a kara ak A tabae to dao raara eve a taba bona ve, na eove to antee ni raara tea paku bona kanono. Meori paa nao, meori paa tagihu rasuu meori paa kurukurusu maa meori kurukurus maa meori kurukurus maa, meori paa dee voosu maa, meori paa ma kahu, meori kahu vakavara bona a - kanokanono a a - maa kara meori paa taatagi bari, meori paa varoava pete habana bari. Meori vaaraka bari, rerau, kaokahi vaha vai bana rie roosuu, me roosuu paa nomaa vahabana, mepaa sue, "Tobara otei, amaa kave amaa kave - amaa kave team "A! Na mahaka kurusu, na mahaka vamataa. Ae me Ahiki enam rake vai ei ean tara vaas bata amanam Mepaa vaasusu ri bari tea huha bona vinugu bona maa kara kave, meori vinugu, meori vinugu, meori meori vinugu vakavara bona maa kave teori meori meori paa paku bona maa Vaasusu vai ri tea huha kave. Vaasusu vai rie a huha kave. Meori huha, meori huha, meori huha, meori huha bona maa kave amaa bebeera. Merau paa sue, "Antee vai", paa bene - "Eam ge toro sue bata Me roosuu paa vavaantee kiri bari, vavaantee bona - a to antee nana bono baoru. Meori paa gono maa bona a kara kave meori vavaantee vakavara ni bari, mepaa bene, "A! Kavara na kave teara vavaantee eara pasi naou tea mosi baoru." Nao pete vai, meori paa mosi maa bona- a baoru. E roosuu to vamee batari tea kave vai. Paa mos baoru maa meori paa vaaraka habana Vaaraka vai me paa raka mea - ore paa taatagi bona baoru meori paa paku bona taatagi vakavara bona baoru teori, me obete nana, eori he paku bona maa kanono vaa tea rahirahi pina ni bona taena kave, bara matana kave, ei amaa hum bona. Meori paa novenove bona maa baoru kave maa kave baoru teori meori noveno ve vakavara bari mepaa bene "Oh! Mataa kurusu vai, eara kahi nao rara tea kavekave." Sue vai maa "Eh, matatopo, rakerake maa ta maa va- maa vaparameam." Mepaa rake maa, "Enam bo taan ei," "enam bo taan ei," "enam bo taan ei." Enam mee enam bo taan ei Evehee roosuu paa taverete vaevuru bana, saka paa matamata potee vahaa bona a roosuu vai to vavaasusu naori na bari tea paku ahiki, paa taverete mau bono meho kaen taratara teve. E roosuu sa paa roosuu hau, e roosuu paa matamata potee koau bona meha aba, to sa taratara haa riori. Nomaa vai mepaa sue, "Eh, Enaa Enaa, enaa a sii hiki ta sii - ta aba vai to kahi huahua ki Mataa nana be teiee to hiki nana ta kave, enaa nepaa huahua bata kie." "A peha otei ei ahiki ta kave teve. A- ahiki ta ta too huuhua teve." Sue vai, "Ae naa pahi kahi nove vai." Meori nove meori nove meori nove Nove Meori vaakavara bona maa kave mepaa sue kiri bari, "Beam vaahae a kavara na maa kave eam repaa kavara nomaa vatataonun vahaa." Evehee taverete vaevuru vahabana voen a otei vai to vaasusu rina bari tea huha kave. Meori vaasun maa bona maa kae teori tea sinivi meori paa vatataonun maa. Sue vai, "Eara kahi nao rara tea vaganai, evehee eara kahi nao rara tea vaganai o kave o voon, havee to kahi ma paku mi raara ve beara beara ma suguna." Meo manae paa boha voen, "Enam na toku nom. Eara repaa dee maa amaa iana eara re ma ani Evehee o manae vai sa bin tara, ei b beori kahi vagana ni maa bona kave ahiki vakis. Meori paa nao. Meori paa nao, meori paa anda, nomaa teo vaagum, meori paa sun teo vaagum, me roosuu paa sue kiri bari, "Eara pasi nao rara tahii ei, are paa vagana maa, are paa voosu maa. Sue vai, "Beara voosu maa, amaa moon repaa nao tea gogi." Ee a peha otei vaa teo komano vaagum hivi vai, "Have to kahi gogi vo raara?" Sue vai, "Eara saka manin gogi haara, eara abana. Amaa moon to pasi nomaa tea tara bona maa sinivi iana. Eori repaa gogi, eori repaa va paku bona maa hagi teori amaa mararae teori Kahi vataaree ni rori bona mararae teori, beori tara bona maa sinivi iana." Sue vai, "Aiaa, are paku butara roho", Sue vai, e roosuu sue vai, "Ean a vahio moon?" Sue vai, "Enaa a vahio moon." "Ean he?" "Enaa me a vahio moon." "E teiee sabin vahio moon?" "Ahiki, enam o vahivahio moon." Sue pete vai kirie, "Amaa vuaba team amaa vuu tabae?" Sue vai kirie, "Enam amaa vuuaba vai ei", pokapokaa vai bona maa vuuaba teori. Sue vai, "Bara, enaa kahi vaasusu anom ameam tea gogi, taba vai to gog- to kahi tapaku nanai, tea first- tara taba to kahi tea taba voon to kahi paku raara, ei a kave, eara kahi vaahoa kave rara. Eam eiei amaa moon team, a - bean a otei vahio ni nom a moon a bean a otei a too Karipa, ean paa vahio nom a moon a too Boen, okay, amaa moon vaa tea NaoBoen pasi ma gogi riori bona o manae vaa tea NaoKaripa. Ge - o manao- o manae vaa pasi gogi rori bona amaa abana vaa tea tea NaoBoen to pasi vatapau bata vonae. Saka manini gogi pinopino haari." Paa boha voen, "Bara, eam nata vai?" "A enam nata vai." "Bara nigara are tahoa." Tahoa vai tea tantaneo nao teori, meori hua, meori hua, meori hua, tara vai nao bona - a iana to nomaa Tara vai nao bona iana. A pasu A iana he na hae nana, amaa tahii na egu nana. Sue vai, "Bara vaasun, enaa pasi vaasun voen, ean kahi hua ohau, ean paa vaasun voen, vaasun vo en Erau, a naba huahua pina, orepaa hua pina bata maari. Meori paa paku vo teebona. Meori - a meha gunaha ore vaasun bona kave baoru a meha ore gunaha ore vaasun bona kave baoru teve, kavara paku vori meori paa sun. Hua taviri vai nao, a naba vahakaa vatoboha vahakaa maari, a iana he nomaa me memeke ri bona tobara to van sun riori, van popoura batari popoura batari bona - a - a iana vaa Popoura batari. Hua vai maa Hua vai maa, hua va- hua vatotobin komana bata vo maari tea maa sinivi [sic] Hua vai maa me meori paa vaovaon, vaovaon, vaovaon, vaovon bona iana. "Ih! A iana vai bebeera tai! A iana vai matamataa tai!" "Goe ta moroko! Vaon koa iana, are paa hua pete," to boha bata vo nan a oraa vai. Meori paa hua pete. Meori hua meori hua meori paa tara ba na nao bona iana to egu bata maana tahii. Meori paa h- e roosuu sue vai bana, "Bara, gunaha en rau!" Meori paa gunaha. Amaa naba huuhua pina, hua bana nao meori hua bana nao meori hua nao meori paa vahakaa gunaha vaha bana maa komana kave, mea vahakaa vai maa mea iana paa ona bana bona kave mea abana paa popoura bana. Vaguru batari, "Ioh! Ioh!" Vaguru batari. Erau mea meori paa vaahae bana tea sinivi, meori vaahae, meori vaahae, meori vaahae, peha otei sue vai maa, "Eh! O sinivi tenam paa hapusu tea iana. Are antee, are vatamari o hum vai oi! Eara kahi nomaa vahau, are pamaa are paa ma vagana vaha teebona." Meha sue vai maa, "Ahiki! Eara toro nao vahaa, ta peha vaasun koa are paa voosu." Nao vai nao meori paa vaasun maa bona meha vaasun. A sinivi dovo vai tea iana. Sinivi dovo vai tea iana meori paa hua. Hua voosu vai maa mea maa moon paa nomaa meori paa gogi. "Evehe a peha taba to paa umee vuru naa," e roosuu vai na sue momohu kiri nao bona maa moon, "eara pasi - benam nomaa voosu vaha maa, eam paa tatana maa, eam ma gogi a sinivi iana." Amaa moon anda - eori hua vahogoro vai maa meori ma amaa hum he hapusu vaevuru tea kasuana tea aba, tea tatana bona - a Mea maa moon paa hagi tavusu maa meori hagi tavusu maa, eori he tea veesi bata nao bona sinivi eori he tea gono bata nao bona iana tea sinivi eori he tea gono bata maa bona maamihu iana tea sinivi meori hoihoi meori hoihoi, meori paa boha vomaen, "O sinivi tean, a peha iana nao vonaen, o sinivi tean a meha iana na nao vonaen o sinivi tean a meha iana na Kavara na sinivi vatotoena maa tea iana meori paa paku bona peha a taotao bara nahunahu, meha papana nahu batari tea iana, meha papana he tea nahu bata teo muu. Taba an vai kahi an rori a abana to paa nao vuru nao tea vagana. Tea vagana tahii. Rerau mea taba an paa mahaka, mea abana paa an bere roosuu, e roosuu he saka bin tavus vakisi voen eve roosuu. Meori paa vagana, a - an vahutate batari eori he tea an bata. Eori an vakavara meori paa sue, "Ae me tobonihi to kahi nao vaha bana raara?" A meha otei vai to mararae kurusu batana paa sue, "Ah! Eara kahi nao vahau tea boni ei, eara kahi nao vaha rara tea bon saka manin vigisi haara eara kahi nao vahaa," e roosuu sue voen Bara mataa nana A vagoogogi paa kavarau. Taba an me paa kavarau eara kahi nao koara tahii. Vagana vai bean voosu maa, ean paa kiri a iana. A aba vaa tea too - vagana bara a aba vaa tea too huuhua tob tea buaku a aba vaa komano sinivi." Tahoa - nove vaha vai bana meori tahoa vaha tea bon. Tahoa vahaa me roosuu paa tei vaevuru teo peho sinivi. Rerau meori paa nao, a abana paa nata vaevuru tea vagana, maa moon paa nata vaevuru tea gogi, me - taem vai eori nao vai tahii vaha. Nao vai meori paa vagana. Vagana meori vagana meori vagana meori vagana vaobete bona a - a iana teo bara e roosuu paa manimanin bona peha peha peha iana to kana ori a henanae a karavona. Rerau peha otei a otei vai teo sinivi te roosuu, roosuu sue vai, anda, a otei vai sue vai, "Tabae bene to tanihi vaevuru bata koa teo sinivi?" Teatabae sa nata haa vonaen e roosuu na ani batana bona karavona teo sinivi. Sue vai, Ah naa "Ah, hivi vai nao "A tabae to tanihi batana teo Havee bene tea iana to varapirapisi batana bona a vihinae komano sinivi o tahii?" aaba "[UNCLEAR] enaa kou na boha vo nom en, a to kusu batana bona a iana teo sinivi." Rerau me ore paa hua pete meori paa vahogoro anda, tanaa pete vai bana, meori paa tanaa me paa hua bana. Evehee a otei vai to kavekave batana paa nata vaevuru a otei vai ei sa otei E roosuu to tei batana komano sinivi. Erau mepaa sun mepaa sue kiri bona meha papana, "Tobara otei, eam pasi hua nao enaa ne paa hae, ae a otei na kusu bata maana bona karavona, itao teo sinivi tenam. Amaa iana me paa kavarau. A a A karavona vai a beera sana to paa kana vuru naa paa kavarau. E roosuu ei teo taba (A) meha otei sue vai maa, eara pasi vaasun rara o kaokahi o baoru, eve re sun nana. [UNCLEAR] Ah! paa hua vahusu vaevuru nigara are busu roho ta meha busu, eara kahi taba koara, a maamihu abana repaa are repaa hua, are hua kahi o baoru beve sun nana." Meori paa paku vo teebona. Busu habana ve, a nao - vaasun habana vai bona e roosuu hua vai. Anda e, vatanaa nao vaha vai bana meori kavekave maa. Mea maa abana vaa tea maa sinivi paa hua maa meori hua maa meori vavaahae ri bona maa abana, meori vaahae bona a otei vai to kavekave bata maana teo sinivi teve bo roosuu, paa hae pahana vaevuru. Eori vaahae - vaahae vaevuru bona otei vai meori paa Meori hua, meori hua meori hua meori hua, e roosuu he hivi bata maana. "Havee ean?" A kave repaa sue nao, "Enaa Ore paa hua maa, ore hua maa, ore hua maa. Paa sue maa, "Havee ean?" "Enaa i, hua vo A kave mee to tei vagavagava nana. A otei vai paa nao vaevuru, paa hae tea maa meh teo meho sinivi kave mepaa voosu Me hua me hua me hua, ak a kave repaa sue maa, "Ean na hua oha vaha bata nom, enaa eiei. Hua vo maen." E roosuu repaa hua maa. Ore hua maa, ore hua maa, ore paa sue, "Eh! Enaa sa tara kurusu haa unoman!" "Ei enaa koa rapano sinivi ei. Hua maa!" A otei vai repaa hua maa, ahiki, mepaa nagunagu koa mepaa mepaa kaokahi bo kaokahi kaoka hi bona hua kahi bona kave. Me nagunagu tea rake ta aba, tavaan paa voosu vaevuru. Hua vamurina vai nao, mepaa nao amaa tavaan he vovoosu rosin vai, Maa A otei vai paa ae e roosuu nao vai, mepaa nao me nao mepaa no nagu tea rake ta aba kasuana mea tavaan paa mee riu bono beiko teori, paa mee riu bona maa vuu tom sinana meori rosin kahi bona vaan. Erau me roosuu paa boha voen, "Ah, eam paa paku me ka mau anaa enei naa kahi ma ni vakavakavara kurusu anom ameam boha voriori a peha boha voriori a peha - a peha "A! A otei vai na boha bata vonaenei. Kahi ma an vaa- Kahi ma an vakavakavara ri nana bona Bara, nao vai e Sitaegoraa, e roosuu he nao tea avaava teve. Mepaa s- unuunu ri bona mepaa sue, "E! A otei vai a gavagava, paa va paa va- paa vahogoro mau Eam pah paa rosin kahi mau ee me eve kahi ani vakavakavara kurusu araraara. Eam toro paku to to koara are nao tea asun varaba Be mei nana tea - tea ani ta peha aba aba, ahiki, eara kahi upu rara, are paa no asun eve inu teve." Bara hio vai, meori paa paku kiri bari bona peha taba an, o manae, a abana vaarii meori paa ani meori an, meori an, meori an, an vakavara batari, eori he gono bona maa pusu kuhikuhi toraara teori, amaa ipoana teori, meori paa nao. meori nao, meori nao, meori nao, meori paa no suguna matano matavusu te roosuu. Sue vai nao, "Roosuu!" E roosuu ahiki beve tanana maa, na goe nana, na gavagava nana, "Roosuu!" "A tabae to rake nomeam?" "Enam na rake unoman, kao tavusu maa!" A meha papana he paa - na varavihi rori. Nomaa bata me nana bono pusu kuhikuhi me peana me nana bona aba vai to paa kao tatana mau bona, a maa meha papana he nomaa meori asun meori asun bari, meori raha asun bari bona maa ipoana teori meori vanavana bari, meori asun bari bona maa taapeau teori, meori asun bari bona - a amaa vasu vai amaa - vaasuvaasuasun teori vaa Erau meori paa asun vakavara bene roosuu, meori paa voosu vahaa, mepaa kuhoo te kara tete.
• Waveform view • Interlinear Glossed Text • Utterance view