Text view

San_01

Recording date2003
Speaker age72
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
Bara, enaa kahi hutate ni a oraa vai nabunuu. A henanaa e e John Sanaki Kahi vahutate nom ta hutate vaa nabunuu. Amaa tom keara na tiitii me bene suburiori vaan teori. Meori paa tiitii me a keara a - keara beera teve paa sue ki bene "Are nao tahii!" Meori paa nao tahii tea vagana Tea peha island to tii vavura maana namana. Meori paa nao meori paa araa, meori rahi bona iana meo sinivi paa hapusu. Meori paa nao vahaa, evehee a island bona a oraa bona vue na dao riori bona suvin to tii nana teo island vai, a oraa to aniani aba. Meori paa hua maa, hua bata maari namana, e suvin he tavus namana, mepaa sue, "Uuu, dee maa ta iana." Erau, a bua tom keara paa busu ki bari bona maa iana. Busu ki bari bona maa iana, eori a hua vahabana Mepaa tavus vahabana mepaa koara habana koa maa, "Uuu, dee maa ta iana!" Erau, meori paa busu habana ki bari bona maa iana, meori paa hua vahabana maa, meori hua maa mea maa iana paa kavara teo sinivi. Amaa iana kavara vai, meori paa hua vahabana koa maa mepaa tavusu habana, "Uuu, dee maa ta iana!" Meori paa sue "Ae amaa iana paa kavarai me havee to kahi paku vo raara?" "Be hiki ta iana, enaa repaa ani ameam!" Vaasue bata maari teo sinivi me keara teve a beera paa boha voen, "Ean toro mosi a moonaa, ean paa busu kie bona." Me keara rutaa teve paa sue, "Ahaiki, enaa pahi ve, ean toro - toro mosi a ean paa busu nie e eve re an bona ore goe e ore goe - ore goe araara Me keara teve paa paa paa - paa pee bona moonae mepaa busu ki bona a henanae a Suvin. Mepaa an vakavara maa bona mepaa tavus habana, "Uuu, dee maa ta iana!" Mepaa pee vahabana bona - a meha moonae mepaa busu Mepaa an habana bona. Meori paa hua pete. Erau, hua batari, vahuusu vai bona vaan teori, meori paa - tavusu habana, "Dee ei - a suvin tavusu vai bana mepaa sue, "Uuu, dee maa ta iana!" Erau, mepaa busu habana ki bona, a a - pee bona hum vai komanae mepaa busu mepaa hua pete, me vahusu batari bona vaan me suvin paa tavusu habana koa, "Uuu, dee maa ta iana!" Erau pee vai bono hum vai gogoonae, mepaa busu vaovosi ki bona (bon)o hum vai domonae. Me eve hua takin me bona kahonae. Me Me - me kavara - a - A oraa he an vakavara bona. Mepaa nao, mepaa vahagoro mepaa sue ki bene subunae, "Keara tenaa paa an mau a oraa." Meori paa vaogaoga. Erau, mepaa neb- kasi ni bona kahonae, kasi ni bona kahonae teo vaan teori. Me teebona, na hanahana kahi nie, me o overe paa tavusu teebona. O overe to tavusu teebona tea kahonae a keara te - tea otei vai Mepaa tavus mepaa pia mee mepaa vua O overe na vua, mepaa butara bona, "O tabae? A taba ani a mataa?" Mepaa butara bona mepaa pesu bona peha mepaa gaga bona, "Ah, a taba an a mataa!" Mepaa an pete bona. Erau, meo overe paa pia. Me - e a maamihu taba vaasuasun teve na tii nana inu teori. Mepaa sue ki bene subunae, "Ean pasi kovata kavanaa a - kovata muu tenaa, enaa kahi nao nom tea asun a oraa vai." Erau, e subunae paa kovata bona maa muu mepaa hee bona. Mepaa peha gogoo no overe mepaa sue ki bono overe me o overe paa pia vo gina Overe pia vo gina mepaa sue, "Kuu gunaha vonoi teo hum to - to tii nana a Meo overe paa nao nao meno - a govuhunae paa no tamenaa vo teo hum to tiitii na a oraa mepaa gunaha. Mea oraa paa sue, "Ah! Ean paa nomaa avanaa tea asun, enaa kahi an unoman." Mepaa sue, "Ma an ge!" A oraa na evehe tahi bona bono taapeau tahi bona mepaa (boha) voen Ahiki ean piku nom enaa kahi asun nom Erau, tahi habana vai bono meho, a oraa magin tabataba nana evehee gono bono toraaraa mepaa mosi govara bona. Sa toraaraa haana, evehee o pakoo, a toraaraa team o tean a ta Teotoro evehee o pakoo abana vai tenam komana, Bougainville. Rerau, navuhu vamate vai ee, mepaa sue vaha ki bono overe mepaa nomaa vahaa. Nomaa vahaa mepaa g gunaha maa va haa kaakoo vahai mepaa tei vaha inu vaan teori, mepaa me me mepaa gunaha mepaa sue ki bene subunae, "Enaa paa asun vaevuru maa a oraa." Erau, mepaa gono vahaa - mepaa peha vahaa mepaa osi bona osi bona overe vai, amaa mahaka, mepaa hapuru ni nao bona komana tahii mepaa sue, "Oro bata vo naon tea maa vaan ean re pura bata teori. Ean no vaatavusu bata ah ah - amaa - maamihu Bean oro bata vo nao teebona, ean ve pura bata teebona, a tavaan re ore gono bata vuan Mepaa paku vo teebona, mepaa oro vo nao tea maamihu island, maamihu hum, mepaa pura teebona. Ei me nomana ean ean na tei me nom - menam paa tei mea Ei bean kahi tara a a a - a - a overe potee nana bona nomana, tabae tabae - evehe o to to vaatavusu maa roho bona overe ei. Mepaa pura bata tea maamihu vaan. Ei koai to paa busu kuu vo voen o vahutate ei,
• Waveform view • Interlinear Glossed Text • Utterance view