Text view

Nan_03

Recording date2003
Speaker age73
Speaker sexf
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
Teo peho taem, peho vuri amaa sii tom tamana na teitei. A otei na vahio roho bona - a Mea moon paa vahuhu bona peha - a peha A peha koa beiko. Me sinanae paa mate. Me tamanae koa paa kiikira ni bona sii beiko vai. Erau tamanae vahio vaha vai bona meha - a meha Eve he vahio bona meha moon, meori paa teitei bata mi bona sii beiko vai. Maamihu taem e tamanae na nao nana tahii tea vagana. A A - e sinanae vai ei bara sii beiko na nao Ore paa nao mohina, e sinanae repaa kiu, ore kiu, a sii beiko na kaku nana bone ta tovu ore paa mete bata nana bona, be sinanae kiu nana. E sinanae repaa gono bona taba ore paa voosu vaha vaan. Sinanae repaa voosu, ore paa nahunahu. Ore nahunahu bona taba an, e tamanae me paa voosu paa nahunahu bona maa iana. Erau, e tamanae sa konakona haa voen, e sinanae vai na pakupaku bata bona matapaku vai saka mataa haana. Sa vaamararae haana bona sii beiko. A A - O hoi teve paa vaatii vue ae amaa sinoo - maa sinoo sii beiko vai paa nomau mepaa rake ta an, mepaa nao tea - tea gono bona taba an, ahiki ta taba O sinoo iana bara amaa vasu kokoraa. Erau, taneo vai tea tamaka a sii beiko vai. A meha taem me tamanae paa nao vaha bana meori he nao vaha bana mohina a bua tom Me sinanae paa kiu, kiu, kiu, kiu, a sii beiko na hio nana, eve he na vakokona nana, "Enaa toro paku ta peha taba, enaa re kaokahi e iaa vai ori bo tetee." Mea sii beiko paa vakokona me paa rahirahi maa bona - Rahi maa bona raviana me rahi maa me rahi maa me rahi maa, mepaa vaatii bona teo peho hum. Meori Meori - meori paa nao voosu e sinanae nahunahu, a sii beiko vai paa gunahau, mepaa nao na mete tovu batana eve he tea vaakukunee bata Vaakukunee nana, e tamanae me paa voosu mau, e sinanae paa nahunahu, nahunahu, vaamahaka bona taba an meori paa an. Meo hoi tea sii beiko vai paa vaatii vaha bana vori bona maa ae amaa vasu. Erau, o meho bon paa takaha vahabana meori paa nao vahabana mohina. E tamanae me paa nao vahaa tahii tea vagana. sii beiko vai paa nao hiou teo peho hum to tii nana amaa raviana teve. Mepaa taneo tea vin, me vin me vin me vin me vin, vin nana bono hoi teve. Me vin me vin me vin me vin me vin me vin, e sinanae sue vai, "Nomaa are voosu." Meori p- mepaa haap koa ni bona vuaba. Meori paa voosu vaan. Erau nahunahu vai bana, e tamanae me paa voosu tamanae he saka natanata haana, to pakupaku batana mie sinanae bona, na toku nana. Erau mepaa voosu meori nahunahu, ani bona taba an. sii beiko paa nao banau teo vaakukunee me vaakukunee nana, eve he tea mete bata bona tovu Paa behu mau mepaa nomaa tea an. Paa rake nom tea gono bona taba an teo hoi teve, evehee paa ato bono - vurahe koa bona maa sinoo ae amaa - a Erau nao vaha vai bana, mepaa no vaakavara bono hoi teve. Sinanae kiu nana, gono taba an nana eve hee vaakavakavara nana bono hoi teve Me vaakavara bono hoi teve, me vaakavara bono hoi teve, mepaa butara. Na hae komano hoi mepaa naovo potee bona naovana. Mepaa naovo mepaa sue, "Bara enaa antee vai ei." Erau me sinanae paa sue ki bona, "Are voosu!" Mea sii beiko paa sue ki bene sinanae, "Momohu nasu! Enaa kahi vamurina nasu." Ei me sinanae paa voosu vaan, mepaa no nahunahu. Mea sii beiko vai paa haeu teo hoi, mepaa naovo. Naovo batana, e tamanae he na tei nana Erau kahi aheahe nana bono aheahe, "Toovarapiri e Toovarapiri e hoi hoi sinoo. Toovarapiri e Toovarapiri e hoi hoi vasu." "Eh! A beiko tenaa, e teiee to pokaa bata maana bona a naovana tabae pokaa bata maana bona hena na beiko tenaa?" E tamanae paa hiv- hivihivi nana, evehee baitono bona - a -o aheahe. Mepaa aheahe vaha "Toovarapiri e Toovarapiri e hoi hoi sinoo. Toovarapiri e Toovarapiri e hoi hoi vasu." Erau, tamanae paa konau, "Eh, a beiko tenaai! Havee to paa paku vo mau a beiko tenaa, meve nao batana?" Eve hee na toku nana Me - e tamanae paa mepaa hivi bene sinanae, Havee "Havee - havee to paa paku vo vua beiko tenaa Erau, "A beiko tenaa na aheahe batana", na boha bata vonaenei, na pokaa batana bona henanae ae o hoi sinoo ae o hoi vasu. "Ean na vavaatii nom ta maa taba an, teo hoi teve bona maa sinoo bara maa amaa vasu, ahiki he ta taba an." Tamanae paa tamaka, mepaa asun vamate bene - e Erau a beiko paa nao me nao me nao, mepaa no toka tea peha peha ruene. A ruene bona a ruene teo oraa. Mepaa no peha teo peho naono a henanae o vaakokopao, Me toka nana teebona, a tauravi paa tauravi maa, mea maa moon paa nomaa tea isuisuvu tea ruene, a ruene bona a ruene teo oraa. Erau, sue vai, "Eh!" Ah Gono bona a vaakokopao a o vua mepaa tavatava O peepee vai tea suinae na taratara bata eve tea peepee bata tea vaakokopao. Erau, nao vai nao amaa moon meori paa avuhu bona a a suinae meori paa sue, A tootoo, a tootoo a tootoo!" E sinanae na vamurina maa. Me sinanae na tasu maa bene sinanae bona vaakokopao. Erau sinanae paa gono bono - a vaakokopao, o mepaa vasisira, "Eh, o tavatava tea beiko tenaa eiei, o tavatava tea beiko tenaa. Havee to paa paku vo mau a beiko tenaa meve paa nomau?" Erau, mepaa nao vahaa vaan. Mepaa gono maa bono taovu. Gono maa bono taovu, o - o Erau, mepaa nomaa vahaa me paa tauravi vakavara maa sue ki bona sii beiko teve, "Gunaha maa! Gunaha maa, beiko tenaa! Eara re voosu vaan." Mepaa gunaha a beiko, me sinanae paa vaauvu bona bono taovu. Meori paa voosu vaan. Kahi voosu ori vaan rau, ore paa sue, "Eh! A tootoo! A tootoo to avuhu nana, a aba tootoo!" E sinanae na boha vonaen, "Ahiki, a aba mate, a a - a aba mate, saka Meori paa goroho tea peha bon, e sinanae paa sue kiri bona tavaan, "Eam toro nao, eam re no kavekave maa a- a a- a iana vai to dao riori bona No kave maa a iana vai to dao riori bona birii", meori paa nao tea kave. Komana vaan paa nau meori paa kavekave meori paa voosu maa mea maa moon paa nahunahu, meori nahunahu meori nahunahu meori nahunahu, ore paa dee vo teo peho hum vai, to kahi paku riori bona beiko vai ore taverete oraa. Meori paa gono bona huun iana meori paa gagaruhu bona matanae. Meori paa gono bona sinoo na birii, meori paa tahi verete bona matanae. Erau, paa taverete oraa vaevuru. E Mepaa Mepaa kavara Enaa he kahi sue vonomen, nomana mee, tea matapaku tea tea saka kikira haa nia step beiko ve haa, papamama na paku vonaen me, na antee rori tea sugaa bona beiko. Bea otei vai vahio, ore paa mate mate e mutanae, ore paa kaokahi bona ore paa vahio a moon vai sa antee haana tea kikira ni bona beiko, ahiki. Nomana mee, na paku vo nana teebona. Mepaa kavara.
• Waveform view • Interlinear Glossed Text • Utterance view