Text view

Mat_01

Recording date2004
Speaker age30
Speaker sexf
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
m Teitei roho a peha vaan. Peha a vaan bona teitei peho vahara beiko ae a peha moon a gigo. E E - erau a vahara beiko repaa nubu O bai bona he na sun nanaoana rakaha kahi nana bona vaan. E E - peho taem mea si moon "Dee maa vareko ta bai!" Meo vahara beiko paa sue, Ahiki ta bai eam toro nao komana bata eam re tara koman bata pusu bai Merau mea si moon paa takaha peho vuri mepaa nao. Me naonao sana, me nao me nao me nao, mepaa no tara bono pusu bai ei, o bai kara na o bai karana - o bai Mepaa taneo tea tasu, tasu vai, ahiki ta bai, vaabuaku tasu ahiki ta bai na vaakukan batana a bai he kuu Kuu vai me paa Me mirin me mirin, a moon vatete batana bona bai. Mirin, mirin me e roosuu he na hio maana matano avaava teve, na sue maana, "Mirin bai, mirin bai, mirin bai." A moon vatete vakisi batana, mepaa nao hopo me hopo varovarova teo hopo te roosuu. Me roosuu paa sue ki bono matavus, "Tagan takapusu." Meo matavus paa paas. Tei vai, a moon toku vai a tabae to paa tapakuu me tei mea tavaan paa nagu me tea rake tea bon. Meori nagu tea rake, vaabuaku o bon nagu, meori paa nagunagu tea rake meori paa umee bona moon. Beera vai a bei- vahuhu vai a moon komano hopo mea beiko paa beera. A beiko otei. Me beera me beera maa, me roosuu paa paku ki bona bona a vuhun. Paku vai bona vuhun ore - me teitei koa mi bona vuhun bona komano hopo. Tei nana, tei, meori tei, mea beiko beera maa, Erau peho taem me roosuu paa sue, "Eam pasi tei nom, benaa nao tea vaahiipi," mepaa nao tea vaahiipi. Mepaa nao tea vaahiipi me vaahiipi maa, mea moon paa butara tea sue ki bono matavus, sue ki bono matavus, "Tagan taka takarata", meo matavus paa tamamata, "Tagan takapus", Mea m- matavus paa paas vahaa. Erau, mepaa - paa sue, "Eara kahi nao vaha rara vaan, a beiko paa beera Orait, e Roosuu voos vai maa, hovo vaha vai maa teo avaava. Hovo vaha koa maa, sue vai, "Enaa paa dee mae guu." Meori paa huraka bene guu, meori paa nahu meori an. Me - a moon paa sue, "Enaa na karahu rakaha nom tea an amaa tabaan Ean toro nao koa tea kan sa tahii are ma nahu a guu vai bona tahii Merau mepaa sue, "Bara, subunubu ne paa nao tea kana karaara sa tahii." Nao vai e Roosuu. Takaha koa mepaa nao mepaa Nao mepaa mosi maa bono Meori paa meam mea moon paa sue, "Dee maa naa re dona." Mepaa dona bona me dona me pahin tabusu nao teo taena no O O - merau Bara ean kahi tagune sahata ean paa nao tea tea kan sa tahii Mepaa nubu mepaa nao, nao me nao me nao a bua tom sinana he paa sue vaevuru Eara kahi nao vareko rara sahata Gono koa a si vuhun tean, are nao." Orait, me Roosuu peana tei maana kasuana, a bua tom sinana he taatagi koa mepaa sue ki bono matavus "Tagan takarata." Meo matavus paa tamata "Tagan takapusu." Paas vahaa, a bua tom sinana paa taneo tea pita voosu. Meori nao meori nao meori nao, a beiko vavanavana batana, "Pistoo, o pauna tenam bo Papa e Mokehiva." Nao vavanavana bata naona, meori paa vahus nao bona mohina te suburiori, mepaa vana nao mepaa sue "Pistoo, pauna tenam bo Papa Mokehiva." Me e sumeke s subunae beiko vai paa sue, "Eh! Suburiori bait ono roho a naovan tabae to va dadao bata maana bene roosuu vai tea voora baitono nao." Baitono habana koa vai, a beiko he sue, "Pistoo, o pauna tenam bo Papa e Mokehiva." Erau, "ta baitono, baitono!" nao vai, meori paa pita vahusu a bua tom sinana. Meori pita meori pita, pita, pita, erau, mepaa vana habana koa a be- a- a be- a- a- na peha roho teo pauna tea pampam bono pauna, kahi paku roho bona tabaan tea moon vai to rova roho. Mepaa pampam nana, evehee vana habana koa nao "Pistoo, o pauna tenam bo Papa e Mokehiva." "Hih, a beiko, a beiko to sue bata maana bene Roosuu, e Roosuu top to paa tara bau vori Nomaa vai, nao vai, me - e - me - e - e sinanae a beiko e s- bubuu tean to sun maana, e subuman to sun maana oioi." Nao vai, meori paa - a bua sumeke subuava paa "Eh, a bua tom sinana." Sun vai, eori he vainainana naori, merau meori paa tara nao bona bua tom sinana meori paa Nao meori mee ri maa bari meori paa vahio ri bari tea mohina Meori paa sue, "Eara kahi voosu rara tea sivao." Merau, voosu vai tea sivao meori paa vaahovo vaah ovo ri bari vaahovo ri bari komana meori paa s meori paa - me - "Eara kahi vaavoosu ri rara a bua tom sinana to rova roho. Kakaku mao guu, matatopo maa an a tabaan Eara kahi paku rara a tabaan tea bon." Mea tavaan paa paku bona tabaan meori piuvu meo takaku teo piuvu Meori piuvu, meori piuvu meori vaatavus bona bua tom sinana, takaha vai, meori paa tara bona bua tom sinana teo veoveo, merau me paa hana teo kara tete.
• Waveform view • Interlinear Glossed Text • Utterance view