Text view

svv37_23

Recording date2012
Speaker age60
Speaker sexf
Text genrepersonal narrative
Extended corpusno
Javascript seems to be turned off, or there was a communication error. Turn on Javascript for more display options.
ečkad mamlär i eǯyār ilāxwdax amečūnen i amečūn ləmāreli eḳlesyäy eḳlesyäy ləmāreli čik žibe šwans er eǯi lié ḳwiriḳobas er xalx esxri eǯi ləmāreli mānḳwi eč'ē benyers ešču taträle šemosewa er ləmāreli, ečka č'otxwīrax eǯi eḳlesyäy. ešču ləmardēli ramodenime wokr. k'ōxqidax amečūnen, lagurḳas xwaṭūlid näy, amču xäṗžūnenax, gušgwe žikān lamzər guġwa, eǯi, lagurḳāš xayžxa eǯis, ese igi, lagurḳa eče der xayžxa, amču lagurḳaš, ču xašxwnēnax eǯi xwāy xans. amču likwterd atq̇alinax, k'ōtyax žibe šwänte, eče otgax eḳlesyäy. ale, lamria naḳs er xaṭūlix atxe, amečūnen ži er adrine, eḳlesyäy näxwiri čwāri, galwäni čwāri girḳṭand. qwila mām äri, mare ži xet... ži xetra eǯi, naqwilar, i mi ž'āmxwidda twiton eščūnen witinà, irōl amži, ere naxewari meṭro i ž'oxštxar eǯi, ǯirkis'ārda, mezwbel č̣q̇inṭol loxmurǯin, ž'oxštxar i eǯi ž'ōtä eče naeḳlesiarməq̇ i limrye ladeġ ž'oder i ž'oxṭwär ešču santlar. ečkad deme lumxuryelolin, yešdešxu il lumxuryelolin eščūnen, cadakweq̇ana eščūn lumxuryelolin, eǯi mag, dǟs xašq̇id, isṭorias mā xašq̇id ečənka, eǯi mag ləmmezrālin eščūnen. ale gušgwe ṭeriṭoriāysa qanäre laʒxäl ḳwedalcäl mag, eǯḳäli mindwrāl ləmār ame. ameču namosaxlar li, decils xwaṭūlid näy. nadukani li, korwäli ču ləgx. žib lamryasi ču li nadukan. korwäli ču ləgx aǯaġ. xošeroba bačär, imži äysdax eǯyārs, dāwar irōlx, aġo, mäy irōlx i atxe ṭrakṭoršw e šuḳw ansq̇ex, aḳldamars ž'eslaḳānx, mārale našṭuxw i alyārd, mišgwa blawd i alāyrd ž'anštxārex eǯi aḳldam. ḳoč̣ōl bepšilär lix. maḳäli lok ləmardēli ame, ḳoč̣ōl bepšilärs axxwiyddax eǯi aḳldam. ale decils er xwaṭūlid näy ameysa ameysga ləmzigōlin xalx ečkad ameču namosaxlar li, ameču. eǯi lamryä eḳlesiäy, eǯiy ču lexwrad axqedax, muslimānarxenka axq̇alwēnax atxe okrouloba ka liyesd i ušguls er lamria ġošgins xaṭūlix, eḳlesiäy er ləg, ečeysa äri amečūna näes okrouloba, amxen näes, č̣welpxen. näy lǟmzərāltey osxwrid atxe ečxāw. eǯži, eǯži etpuč̣wān axalgazrdoba, mäy xeyr gwatəm? seṭq̇waxenka buġwird edigān mag amečūnen, gawnadgurdit i ale atxe, ale guġwa, näi guġwa ser ale laxw atxe, č̣welpars. _ imġ'anxwaṭ eǯi sopel? xedi _ žib rok li nälzig. eǯi mäy gwixal näy ečkadäš štamomawlobā isṭoriit gadmocema aris legenda ase ro eǯi er li mašēne ǯōdyas er li sopel eč'ḗ, žibe šwans, gadaxwec̣ilär er izgōl... izgex, eče mərām li, mäy xayžxa eǯis? ušgul māde, eče, eče, lekwǟ xew, xewisa mərām. eče attxanēnax ešxu zurāls, soḳar xāra ka meqde ničwži. soḳar xāra ka meqde ničwži. er laxč̣wednēnax eǯis, eǯis xōkwa, ere "ǯey lok iwaladeġ dem lok idgäri, iwaladeġ lok." "à, amži lok īrda, mare eʒzum xni... eǯšeld sauḳune lok xuwa mič gamowlil, ere ale soḳar lok xār ka meqde." "cod lok, cods lok xacwem miča txums, ere imnär lok... məde... amži, mičäšd lok loxmezra, dece laqwra lok atḳarēna, dece laqwra lok atḳarēna, ečka lok xōkwa, ere wod lok arseboba leses, ečkad lok äri ǯey, ži lok oxčīša amša ečkad lok irda ǯi, wodod lok arseboba lok ari, mare ale gadmocemit las i atxe ari a dosa, mä yäs xoxal? ma mimqera, šeiʒleba čwāri, šeiʒleba dōsa yar? _ eǯi zural. eǯi amčūna macxowrebel ǯey lok ləmzigōlin decils. decils lok äri ʒġə̄d mukox. eǯi mukox čukwān lok xaštxwa, sṗilenʒi cxwadwär ārdax ečkad, ešxu eǯi wokwr lok xaštxwa eǯi mukox čukwān i amečūnen imarčyelalda, atxey lok imarčyelal eče, tbiliss, ž'estxāldax eǯi wokrs i axxwīdax a dosa, ala dǟs xoxal. eče ləštxār las gim. i eǯi mukox čukān las a mōma i al korwāl čwāri, namxwirwāl, eščūn, i ž'axxwidax a dōsa wokr, eǯa mām mixal. wokwr lok otšdūxwax mins, gadaxwec̣il ləmārx amxēnka min. albat lišyāl las a mayġen las, ser ale mām mixal ser mi. emčedx amxēnka. atxe ṭrakṭor er loxgēnax eǯi kors, ču mād axwirx eǯi, ṗilka mər axreḳēna ka i eʒzum gurna axxwyenax ži, ǯimi laq̇al gurna, ere yeru maras wend oxḳidax ži. golyatar lok məres ləmardēlix amēysa. ečkadä xälx ʒġə̄d ləmār eši mag i atxe nākwisi ču li amži, mišgwa babas xāda nākwis, ere eǯi näy mām ogwyēli, sgäy žiw aǯyēnax, mi mām memyēli, m'emqera ira a mōma, čuy eǯži li, čwednecnān xälx. zdarow xälx dēsa ari. i mi eǯi amxwīdaé, čeršda, laltā čeršda, mare mi eǯis imži oxsūṗni ži, lešgwers desa xār eʒzu... məde..., eǯis er xār. _ xoša lia? ʒġə̄d läs eǯi k'otaḳwr ečelekwḗ mäy merōl eǯi ʒġə̄d xošēreba imžiġen asṗunaxe eǯis ži _ si woša ləzä xi? mi xwi wormocyän wusgwēšdi <<wip>> wōštxw zäy otgātw teber sam teberwals _ iwasoġw xäri, aġo, masärd ayc̣uxwawed, mare k'oġw enṭixa. mäy lic̣xwawel li lučenčure dedber ečeysa k'ēr k'ēr mod eǯtenānx eǯi ezar las aš garglunōl, garglä šeiʒleba eče oxmeqrānx mišgwa gezlīrs.
• Waveform view • Interlinear Glossed Text • Utterance view