Text view

svv36_03

Recording date2012
Speaker age70
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
_ ciginär ǯašq̇id esa? cigin may mašq̇id atxe ûitom legendašāl mər las mayġena ûešaṗuri, gûelieršaṗ lok xamtkûēna nics, sopels lok dem xambida gûelieršaṗ nics. ečeču lok maxlobl... maxlo... pēdia adgilisa lok ləmzigēlix laxûba: amiran, badri i ûisiṗ. ʒlier laxûba ləmārx alyār i sg'ātqerenax sopel, ere "imžûalāži lok čuû lok emži adgarx al' ḗ, ûešaṗ". ečašd xaḳûčer lohodānx toysa ešxu mārel lezobd, ale sopels, odo nics dem xambina. ale lašyalisa, emqedx eǯi laxûba, amiran č'osq̇leṗa alesá, ûešaṗs, i čûaluṭûēli, čûer aluṭûēli, ale badri ləmāreli eǯḳay ġulayš, ere desama xačdenolna ču. sga lahyena eǯi i ûod sga ləmāznolin gimteysa, eča buasd lok asq̇ēna, ečkad k'ōtkûica ale, aḳûed, i ale eš lohḳia ser, ale, ûešaṗs. ale ûisibs lok yer xadēna eǯḳayb, ere ečabuāsṭte lok čīs xasminna ka, ečis lok loxšq̇edûna, ere "amiran, ġulay lekûa lok er xočxina xanǯar, eǯiû loku enḳid i eǯinoûš loku adcələ̄re ale." ečka lok gar laxšq̇eda amirans, ere xanǯar er xaġûēna,... ə..., eǯis xacuenna i ale ču er emčed lok ečebuāsṭte, sûeṭišd lok xaḳûč er loxč̣q̇əṭnān ale sga. amiran č'ōtdagra, mara aḳûed er mō xara, dera, deš axcxorṗēna eys i eys gadaurčenia. deiġuṗa es uḳûe čûedġuṗaûān ale čûadgān al ûešaṗ otzə̄za lok žibe buāsṭte, er oxqidān ale, amiran. arc̣iû lok otzə̄za ġerbats ečašd. eys xaḳûdēna žibe buāsṭte er oxṭixān, dera, ali amiran, že, ešdyōru q̇ûil qan lezəzd. aley mag otzə̄za i ži loxsgūra ale ġalarži lok i ži o... oxq̇a ži. txumnun ûod ləmqedōlin ži, ečkad sga laxšdēxa, či lač̣ōnži šeldži xaḳûda leġû. sga laxšdēxa ale leġû amša. may čomnas atxe. desma gasakan xaġûēna i bodiši tkûentan, ali ṗašdûar leža lok oxč̣ḳōra miča leġû i eǯi lok otšīda, eǯġa lok li, ere ġûažmaras lok er amēysa ari xuûa, bodiši tkûentan, ṗašdûarisa, i zurāls mā xuûa, dera, ameys' āri, eǯġa lok li eǯi, ere amirans lok xōmna ečašd. ž'emqedēli ale i gadarčenila amiran i ečānġo axqeda ales daûārcaxan licuāl. dāûars otyax ale, amiran, otyax i ḳoǯisa č'osbax amiran eyž' ēre ži deš lumpušdurōlin. ʒlier ləmār ale. er ləmsiṗnōlin ži loxpyašûda alesá amša liq̇ûpe er xaḳûd ā berežiš ečka ləmqedōlin mayġena sḳûinča i ži xagnōlna lok ečēži i ečk' ēr xac̣sina uros ales, eča ladgard, eǯi er, eǯi er xač̣ûēmpalna, deš iṭanda turme i aǯaġ ži xecxenōl ale. ču lok ari amiran atxey eče. ž'atlaḳēna metxûyār ales, amirans, i xeč̣ûdyelal turme amišobas: may ambaû lok li imži lok li xalxi gûeš ečxaû-amxaû i eǯi lok laxč̣odnēna ečka amiran ere zurāla ier mačubxēnži dārbazte ismi lok ēsa eys lok xokûa, metxûyārs, ere dārbazte māde laxûte lok ismi zurāla yer i alġuṗaûeli lok kûeq̇ni gûeš ase damtaûrda am... ali amirani ûažḳacob i miča limār i atxe loki eče ari amiran. mi er mamǯārûex zuralyar, xûemasxar, ečka "doyǯ micəx amiran, ž' īǯ opšûde". _ ser išgen cigin mä ǯešq̇deni? ser išgen cigin may mixal ser ču lə̄šdne mar, odo... _ mole, mole, adäy. mišgûi mezûbel las lazar xežxān ečāšte anġə̄rdax ču mašq̇id eǯi yešxûin, lušnu xoxālda xočāmd eys, yar mo las eǯi aḳademiḳos, ûuh, me _ topuriaia? šaniʒe šaniʒe šaniʒe eǯi anqad ešxûin ečxāû eǯis xōmbûida lazar cignars. ûoša mixālda, mara čûemēšdən mag. _ ešxu, ešxu adäy, mä! <<pr>> may oxûāmbûa ser may mixa _ ka lexšq̇edin cxoûrebiseul mäyġena, mäg cigin li. cxoûrebiseuls cigin may _ čarte! ž'exbin! ...
• Waveform view • Interlinear Glossed Text • Utterance view