Text view

svv33_14

Recording date2012
Speaker age50
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
gulbānar xûid naqed ipārxen bogreš ləmzigēlix alyār. semi laxûba ləmārx: manoša, guaša i yetanša gûayžxa ladi. yetanšēral xûasd nay, čuḳūls yerûay xûārdad. amxēnka xûirid atxe aširži meṭ mezge. ešxu māremi naq̇ar xûid yetānša. alyār ləmārdx latxûyārs semēda. imžûāyġen li, ka nakāb li al māre. yerxi ṭūli nadgariēl lok irōl dēsa li nadgaryēl al māre li ka nakāb ečxen ḳališ i ušguli nēsga dāûa nalgmār ḳoǯs xaṭūlix, ečaû er emqedx al laxûba, luntû ləmār i ameču čûēri arix šuḳûisa i irč̣ālx. mi momsc̣re xûi, ere ču mər ari mayġen, rig dāûars xaṭūli, rig dālars xaṭūli. čûēr ari, dera, mi amša momsc̣re xûi. lanzorēlži šemxûedria amḳalibi mi ey sakme i išgēnsi. amečūne ču er osc̣ûēnax, ale xoša ləmār, yeta, dālar məres lasx. lāz dēmte xārx i ales xōkûa, ere "ču lok idāûšix bazi eši i ču lok adri ǯey, mie čûamdagrix, sgay xoc̣ādad txums, emoš gadarčebit i ezar i ēmode i may čûetdāûšid sgay, ale īri". i č'ōmčed ale natxûyāre ži xacûmēna i č'ōmčed i č'ōsda al natxûyāre eǯyārs atxidēnax i ali č'ōtgûana alisi, eǯi lədgār, may xeq̇ēdax ečeču. _ ečanġōnen xočāmd... məde... ešxûārisa, alsq̇ēlix. ču loxṭūla alyārešdi laxûbad i sg'axmitkûēnax agite alyār sg'ēr axmitkûēnax agite, bōpš i zurāls xaq̇lūni eǯyārešd. algenēli al māre, č'ōtcûira žibe šûans kor i lirde mag i k'ēmqed čube šûante. eǯyārs č'otmēzrax: "cxeḳi balašāl lok alpišrēlix"! nay gûēri amečūnen ûōštxûašir zay, argebs ka xoserdes, šeiʒleba xoxra les, ûōštxûašir zay, čûalzigēli, dabs xayžxa lelux, eče. i iá, ečxenka xûid al ûōštxûašir zaysa ašir mezgaži meṭ, ešxu māremi naq̇ar. leluxs er alzigēli, ečka alyār, gelûānar ču ləmārdx ame, čuḳuls, ečxēnte ləmzigēlix, ləc ečxēnte, labryāldašs xaṭūldax, gelûānareš li. eǯyār{s} murq̇ûami ču xagnēnax ečeču i mag. ale xoča metxûyār ləmār, yeta, i zomxa ladeġ č'otdāgra natxûyāre i k'ōtqida gelûānašd. atxidēna pusds, ik zomxa ladeġ eǯiy natxûyarālšû ži laxāgan ale, lədgār oxqid i dem pušûde usčakûrad al māras. mā xočûmina ales desama lok xaḳu mič alyār ubaṭono xûid nay ečxēnisa ka naqed amečūnen ḳoč̣ol adgilēls imûāle enq̇īdna i ešču deš xesḳədōlnol, lelux xayžxa eǯ adgils. "may xaḳu sačkûard, may xaḳu, may xaḳu"? i dēsma lok xaḳu miča xočāmd lirde mām xočûmīna eǯis eši. yaġo, amtān liġûažmārs e lok i nažaurži loke zekrōla lagems ka laxōdi, ezer māre lok iri. a, mič lok... eǯi..., doû lok eǯḳalib esma xošgûminān, legərǯ lok ləmarēlan, nažaurži māde, teldu xād eǯi mxare mič. i čuy eyži li, čuy amēysga xûizgad nay. mērme gûariš dār izga gušgûey ḳutxisa, i amxēnte may guġûa dabilāre, dēsa, išgnaš dēsama xečda, mag yetānša išgnagi ču guġûa mol i eǯi-eǯi, mara naqed xûid amži, ečānġo arēšdiišgûid, ečkad usgûēšdiešxuysa ačad gušgûey xalx amxēnka, mišgûi bi... labʒaya i mērme natûāral i čûačadx gurias atxe ûozurget xayžxa eǯ rayons ûōštxûešd <<wip>> yeru mezge lix ûoxušdyešdi ču irix ser i ešxu ûoxušdyešd zaysa ašir irix, aǯaġu alpišrēlix! amži naqed xûid nay ameču i amḳalib xûid i atxe ču sedni amečūnen semi mezgōl. mi ž'amyāq̇re ey ḳutxisa. yetānša ḳutxisa mi xûārd šdāšdûd ameču. dāsma xodeûna mišgûāû mišgu lanxubûārals gûaḳûrebs er xûečûmis: magu māda mara kor čûēmxûir _ yer mōm meḳûes līzi, mā mixal ġerta ṭar gûār a yešmayš, mā mixal, dēsama sakme guġûa nay ameču de mi de mišgûa ûoǯaxi c̣eûrals mišgu māde i šûantey, nōru ogûdāgra iûaladeġ axlobel, ečka lax onqûdēnid, edo išgen dēsma sakme guġûa ser nay. ču sēdni amečūnen yeru mezgēl, semi, ḳerbulaš izgex eǯyāri: žora, boris i ǯondo. yeru mečyar gûaq̇a ame. eǯyār, bōpšar, mečde lix. leḳumbasṭs izgex lekda. bōpšar mečde lix i eǯyār ûod agič̣x, agrī xûay xansu i ečānġonen lūkme iri eǯi ûoǯaxari, aġo eǯyar dem ṭexnix kalakxen, yer rig tbiliss izgex, yer ǯamzərax _ ûo, iûasoġ xäri!ġērtem masärd ayc̣uxûaûed. ...
• Waveform view • Interlinear Glossed Text • Utterance view