Text view

svv33_03

Recording date2012
Speaker age50
Speaker sexm
Text genrepersonal narrative
Extended corpusno
Javascript seems to be turned off, or there was a communication error. Turn on Javascript for more display options.
_ al laqûmis mä xažxa? ales xayžxa čuḳulis tārigzel dideb otqad _ mä sauḳuneysga ləge li? xedi ešxu māre arda ameču i eǯinēm gûēkû atasi <<wip>> ešxuaširisemešdisemīsa lok li ləge mara mi mā xûi eča tanaxma, eǯġ' ēre al droyži daûit mepē mepoba damtaûrebul las i eǯḳay saq̇dar mā ləge li sakartûeloysa ečan xoča, mepobānġo, ere eča surat mōm ləmardēlan č̣ûedži. al saq̇dārisa dēsa ari i ale ṭūli eys, ere xonḳûi nagem li, sacxa mēšde-mēšdešxu sauḳunēysa. _ mešûide-merûe. _ meyšgûidesi ṭulix. mēšgûide dēsa gušgûeməq̇ ari mer mērme saq̇dar eǯi li mučpas xûaṭūlid mučpa lanšāšis amḳay saq̇dar ari žibe šûans yeruûet, ser māde. čube šûans amser mād ari. eǯi lok li mēre sauḳunēysa ləge. sopels xayžxa, sopels, lušnu žaxe, čuḳuli. eǯi er otgax, ečka xōkûax, ere "ču lok ḳəli", i ž'ēssad sopels ale žaxad i eǯġa xayžxa ales čuḳūl, al sopels, xayžxa i ale čuḳūli tārigzel li, ale. _ xelidan xelši rom gadadioda, rogor ašenda, is tkûi. ale _ imži edgan al eḳlesia? eča līkûisg dās xaymēda momsc̣re li gušgûe xalx, eče, eǯis, samreḳlo ləmār eče, sga laqed č̣išḳarisa. eǯi čûalšixēli. albat sg'ōtbidnex a č'ōtsadx muṭûar yed māle ečxēnka li sga nabdin ečānġo nagem li ale saq̇dar ləmgenēli lašōš sbondiḳšû, ra, amḳay bēčšû i eǯi li ka naqid ečxēnisa, sopels ka ləqīd xuûa i ži nagēm li eǯi. eǯi las semi sartulyān. arēšdišgûidisa yešdešxu meṭra mus anšdue gušgûeyməq̇ i al saq̇dar čûaʒgûab ečka. deš očadd ži i čûaxûar ečk' ēǯi, xedisi semi zār arda, miy ču mašq̇id. ečanġōnen eǯi ešxu, yoru zaral, nay otyed, bopšārd, eče. ḳlasisa guġûān i čûedq̇učurānx eǯyār i ešxu čûāriá, ču cûir ešxu zār, amser mā cûir ameču. amēysa xûāy xaṭ i ǯûar ārda. žibe-čube šûanisa ləmard ešxu c̣ign, kartuld ləyre, saxareba. _ əhə! ey saxareba ečānġo iri yerûešdiûoxušd zay yerûešd yed ser māde xidašel ārda, xidešel, yerûāġen, eǯyārešé, meliciā xoša ameču, gušgûeyməq̇. eǯi anqad i ale mag adye, ûercxli gûrgûināl ārdax, lagurgûināl, eǯia... eǯiy adye, baṗa ḳiron ārda, eǯiy adyex. čûedkarûān ale mag, dēsa meṭex. xaṭ i ǯûar ārda, adyex. xûetxēli lādi, mar' dēsama oxmeqer. ešxu xaṭ č'otə̄rmax sazġûārži i čûāri mcxetas, ži xayra čuḳūli. dār gûaṭxe nay eys. q̇ōral amša lix, deš' ānlāgûne mtaûrobad mayġen xaǯeš, lerc̣iš lix, ûaziš. eǯi oxqīda yerusalimxen, amži li nākûis, q̇apsuq̇ša baṗ lok ləmār, q̇apsuq̇šer ārdax ešxu tem gušgûeyməq̇ sopelisa i eča naqid lok ləmār xurǯunš. amečūnen ž'oxsq̇'ēys, č'oxreḳa. ûo amži ûoxušdēšdi ûoxušd zay irōl i ûoxušdēšdisemi al zayārisa adyex i čûāri ale rustaûelžīn saxelmc̣ipo muzeumisa, al q̇ōral. atxey xûešgûem: "yed ž'ogsq̇ax asl eča, emōde, ka logṭəxex gušgûey q̇ōral". ka məṭxe dār li, mara asl eši ž'ōgsq̇ax. ale ečānġo nasq̇ey li, ale ečānġo nasq̇ey li samsoniš ûonyān. xaǯeš ādu al q̇ōr, mara eǯ' ēr xaġûēnanli ečka ameču, q̇ōr, dera, xošām daamsgaûsebda i atxe eǯinēm xoča namšaûe xuûe, lešundobis, mara xoriḳ ale, ala gaḳra
• Waveform view • Interlinear Glossed Text • Utterance view