Waveform view

mc_nafsan_ntwam

Recording date	1997-03-02
Speaker age	40
Speaker sex	m
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

Nrak iskei ipiatlak apu go ati iskei ratok. Rapreg nasum̃ gar, itok em̃ae ki talm̃at. Ratok panpanpan nrak iskei rana rakfak talm̃at gar. Raslat sernale ni talm̃at gar Raslat masmes, raslat kram, raslat naal nen rakfo paai sernalewes rapa. Rapan panpanpanpan, rapato m̃eltig ki talm̃at, go wak p̃ur iskei imai. Wak p̃ur nen imai, kaip̃asir. Wak nen ip̃asir. Rafit fitfitfitfit panpan rana ratkal esum̃. Me maarik nen ina itok go kipregptaki Kipregptaki ola, nas, plak timen nega. Go isol kram go masmes kailer. Kinrik mtulep kin nag, "Ag p̃atok me kineu kamer pak talm̃at pan, kafan lel wak p̃ur na kia ip̃as kit." Selwan ipanpanpa npan na itkal talm̃at kius nalof wak Kius nalfen panpanpanpanpanpan ~~kipe~~ ~~tok~~ kipe tok malik nmalko sa kipe tok mai Selwan i panpanpan panpanpan isiwer panpanpanpan ina itkal natik erfale Go nmalko kipe tok mai go maarik wan kimurin nen kin kefan sil pak erfale, me kefo matur p̃og paakor p̃ulp̃og kefo mer us nalof wak p̃ur nen. Me selwan kin itok panpanpan. Kitok toto nfal faat nen kin kesil Selwan kitok toto panpan, kito nrog namrun. Ito nrog namrun Go Kitok mrokin na Nafte kin Selwan kin itok panpanpan na itok ~~tkali~~ tk ali go itok takinrog kin pan ~~kinrogo~~ ki nrogo na ipi natam̃ol Ale kipestafi, "E me ag kutfale mai pak nfal faat nen?" Maarik nen itok em̃rom nfal faat nen kipestafi, "Me ag kutfale mai?" Go maarik nen kiga trausi. Kitli na, "Komam mtulep ramai pak talm̃at me wak p̃ur iskei ip̃as Ale raler pak esum̃ pa me ato kia akraksoksok me aparekin mai. Me kutae ~~wak~~ ~~p̃ur~~ ~~nen~~ wak p̃ur nen ita pi wak mau Me wak p̃ur nen ipi ntwam. Me malen kin ipan ipan kaiwaalu namlun kaiof nasok natam̃ol." Malnen kin inrik ntwam nen kin ntwam nen ina, "A me kineu ana kafo pam akam kia me akam rasef. Me ipi malfanen takto panpanpan na p̃amatur go kafo pamik." maarik nen Me ntwam ita nrikin kin mau. Ntwam ito mrokin teflan na kefo wat maarik Me selwan kin itok panpanpan ratok panpanpan kitok malik sa kitok tarup̃ ntan kipe tok pareki maloput p̃og go ntwam nen itok kainrikin kin na, "Me ag kuipe fam ko itik?" Go maarik nen ina, "Kineu ata ta fam Me selwan kin maarik nen ito us napu kin ito us nalof wak pan malen ita pi aliat to, ipan ilek nlak nafil iskei ito. Ale itai nafil. Itok itai nafil panpanpanpan kaipaai nafil rupak em̃rom naal ga. Selwan rapa ntwam ina, "Rakfan fam p̃og." Itok p̃as maloput p̃og. Selwan rato na rakfareki namlas pan rato na rakfarekin nen rakfan fam. Maarik nen imrokin nen rakfo pan pam ntal ko nawi ko nanr ko tete nafnag nen kin ito mrokin nen rakfo pan pami. Selwan rapa ntwam ito kainrikin kin na ale P̃afag sago Rato rakelkelki nlak nait iskei pak elag pa ale Ntwam ina ito islatlu nua nait iskei kaipami. Itok inrik apu kin na, "P̃aslat nafnag me p̃afam." Selwan apu inrogo apu ina E me kineu ~~akano~~ ~~pam~~ ~~nait~~ akano pam nua nait Malnen ntwam ipam nua nait iskei, apu islatlu nafil iskei em̃rom naal ga kaipami. Me apu kinrus fam pelpel Selwan ~~ranrus~~ ranrus torik ntwam kipaoski Ag kuipe pam natam̃ol ipi Go maarik nen itok kinrikin kin na Me ag Go ntwam kina Kineu apam natam̃ol itol su "Me ag?" Go maarik nen kina, "Kineu kaipe pam natam̃ol ilatol ki." Ntwam ina ito kaimrokin na, "Kaipe en mrokin pan kaipe tok nrus Ina, "Me kineu ga ana kafo pam maarik nen tok, me malfanen ga kipe pam natam̃ol ilatol. Me malfanen kineu apam natam̃ol itol m̃as. Go malfanen kefo lakor wat kineu kin to." Ntwam ien mromromro pankisa. Ipato elag nait iof nra nait mai pak etan nra nait imakot wes. Selwan iofa nra nait mai tik ntan teflan namlas imakot kot wes pan kin imtaki Kisef pan me maarik nen me kitok mroput. Selwan ntwam isef maarik me isu, ga me namlas imakot kot reki esum̃. Go ipi esuan natrauswen kinom

Edit utterance

Text view • Interlinear Glossed Text • Utterance view • Help