Waveform view

129_cut

Recording date	1998-10-20
Speaker age	20
Speaker sex	m
Text genre	personal narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

amuur katraus teflan kin welkia nafsan ni Erakor kin welkia tuto tli na tuto tli na nafsan leg gakit ga ito mees nen tumai mai mai tuipe sraf tuipe sraf naor p̃ur a tuipe sraf naor p̃ur mees ne tunrog teesa iskei ipes iwelkin itli na welkin ifla sos ag itli na P̃amai Kaaru Kaaru insted nen ketli na P̃afei pnut me we na P̃afei wet Me wet ne ga itapi nafsan ni Erakor mau Gawankin problem nlaken olfala nen kin olfala ni teetwei gar rupe wi mai mai mai mai pak po pak malen kin olfala nen rutu malfane rupios sa Ipregi mees kunrog komam even teesa iskei jack Ipios me p̃afo nrogo i i pe tapi nafsan ni Erakor mau Me taos mal ni apu Kalsrap mana P̃afo tae tili na mal gar ia ... 129-009 ( NT ) Neu Me namroan neu nlaken amro kin iku iteflan ? na Kumro kin ? kafo tae tli pak nalelewen neu a Nalelewen neu kafo tae tli tefla na amro kin ifla pi nafet tiawi kin rupregi tefla Taos kafo tae tli tefla na taos nafet kafo taos nafet taos famle iskei a Em̃rom naal nasum̃ tem go rait okay tem go rait a gar kin rapi tep̃ur Gar kin rapi tep̃ur Welkin rapios na em̃rom naal nasum̃ teesa islati taf kipeki pe pan sa kia a Itaf san kin ipa kin itu tekaaru tekaaru islati ipan pan pan kipe pan sa Me tepei amro kin ipi amro naalnasum̃ if wel kuf mer tafnau ptaki teesa gaag nafsan leg ni Erakor Teflan kin apu no ati ni teetwei ruto tli Amro kin mees ne Erakor tu kano pitlak problem nanre ni nafsan Nlaken problem na em̃rom em̃rom naalnasum̃ Taosi kin a til problem ipo tapi nafsan neu mau Me welkia kafo kano tli ki nafsan neu nlaken gawankia Em̃rom naalnasum̃ i <<wip>> tap leg mau ipi nlaken kamas tuipe iuskin go kefo pan m̃as § 129-024 ( NT ) Me nam̃olien ni mees itapi pitkaskei nam̃olien ni malpei mau . <<bc>Aa> ... ore 129-025 ( NT ) Go mees teesa rumaag telefisen . rutap pestaf , olsem oli no storian wetem ol olfala ... ( NT ) Emi wan nara no samting . <<bc>> Nlaken malpei gawankia apo tli a taos no ato nrog natrauswen ni malpei Welkia malpei ga welkia taos apu ni Eton apu ni Ertap apu ni Erakor apu ni Ep̃ag Efil Em̃el rutmer Rutmer lemsir ser wel kia tete wiken olfala ni sa ina O kafan marmar skot tiawi ni sanpe ko tiawi ni san ina kafan marmar skoti kafan pas ki wiken m̃as ale kamer ler mai Tena welkia ipregi welkia ipi taos tukfo tae tli teflan na ipi sup̃ iskei a Ale imai mai ito mai pak ntau iskei nen kin akit Taos mal nigmam ni mees komam ga sup̃ ne ga uipe metp̃akor go sup̃ ito jenj a sup̃ ito jenj Ga wankin rupregi pan rispek kipe tiik Mees Erakor rispek kipe tiik Taos tiawi iskei go tiawi inru rafla to pusrek uta muur utae mau Me p̃amer lesoksok tae welkia ga ag kumai reki mees ne Taos kumuur p̃atae taos spesli taos nanre ni telefisen malfane ipolsa ki amrok in neu neu nalelewen neu amrokin ipolsa ki em̃rom naalnasum̃ a Taos ipi nalelewen neu sup̃ ni kastom a § 129-040 ( NT ) Me teesa fsofus , taos ag , rupreg kastom , ruolsem runrogtae kastom , oli think heavy long samting ia , oli ? tiik tiik taos kineu ato pak ato pak naurur taos a pak Pentecost ore kafo tae til Pentecost Sup̃ ni Pentecost aleker taos komam taos nanre taos sais nigmam nen a Pentecost gar rufri me taos Erakor ga itiik go even though p̃afan p̃afan nrik tefsofus keskei kina even taos kineu p̃atli na ka gaag traus kastom neu asupneki kastom go ata tae kastom ni Erakor itfale mau asupneki Go paakor po mai top malfane me ata tae kastom mau atae kin welkia san itap ko san ipitlak namrum teflan ne me reki natrauswen ko reki nanre ni kastom neu asupneki § 129-047 ( NT ) Me ipiatlak naat nen rutae , ko rupuel ? Ipitlak tete nen rutae taos apu Srap mana me nlaken tete gar ruto psakor Tete rumal tli pitlak tete nen rutae tli go tete nen rumal to tli § 129-050 ( NT ) Me mees ol yangfala man . Ol naturiai , rumuurin ruweswes talm̃aat . Ore , ruto tokos natkon § 129-051 Ruta pan pak Efil mau . ... tiik ( NT ) Aa , me nlaken iku ? rumuurin tokos natkon ? rumuurin to natkon to rumuurin to natkon to welkia kineu kafo tae tli tefla na iwelkia taos mees tunrogo welkia malpei nam̃olien ni malpei itawel nam̃olien ni mees mau kutae tli tefla 129-055 ( NT ) Ore § Tiawi ni teetwei malen kefo traus nam̃olien ni teetwei ale ag p̃akompe pak mal gakit ni mees p̃afo leka na itapitkaskei mau gawankia tuipe nrogo na itapi mal leg nen kin tukkrasok independent mau tukkrasoki kerkrai pan po kraksoki ale ipan pan pan p̃alek malfanen mees teesa p̃afak naor ni petog sanie teesa nanwie na rutiik ki nawesien kia ipi nawesien gar ni ser matool p̃ulpog ruk fo pak talm̃at aliat petog m̃as Teflan ser matool me reki nawesien ni taon ko rukfak taon mana ga kipe tiik amrokin afla kraksok namroan gaag ko § 129-063 ( NT ) Ore . Kumuurin tli tekaaru ? Ore welkia nafsan neu kafo tli tefla na taos welkia nanre ni kastom neu aleka na a leka na ki taos spesli Erakor a Aleka na ifwel kin tukmer ler sat kastom gakit ko nafinaotan kekerkrai P̃afo tae tli tefla na kooperesen gakit m̃as kooperesen gakit maarik naot tiawi tukkoperet naor keskei amrokin pak nalelewen neu m̃as amrokin nafsan ni Erakor kefo mer tae ler me ifwel kin tukta kooperet mau me tukteflan to amro kin tufan pan pan pan tete mal Erakor kefo sraf nafsan Me tepei knen gawankia atli Kooperesen m̃as 129-072 Jif mana rukfak naor malen kin ipak naalnasum̃ me sernale kefo tae pan taosi kin tu muurin na Erakor kemer ler pan fes ki nafsan na

Edit utterance

Text view • Interlinear Glossed Text • Utterance view • Help