Waveform view

071_cut

Recording date	1998-10-23
Speaker age	80
Speaker sex	m
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

Ipitlak nmatu inru rato elag Ep̃uf Ale rato mai pak elau Emten Malen ~~tiawi~~ tiawi ruto sol serale Ruto sol serale pak nana nap̃laki nlauwen Ale sernrak rupa rusol serale Tete rusol nawi tete rusol nmal tete rusol nanr iskei ito sol ga kaai Gar ruto namlas nrak pei Emten ~~itiik~~ ki itiik ki ntas Ito sol ga kaai Me gar rato esum̃ iskei gar Liportani Katapel go Liportani esum̃ iskei Ale Katapel ipak elag isol kaai ipak esan kin faat itkos Ip̃elgat faat tefla isol kaai Inom ipa itao faat ip̃on Ipak sum̃ ga pa ipreg kaai Ipan ipreg nafnag rufam ale Liportani ijaluskin a § 071-010 ( NT ) Ifetkasu ? ... Ifetkasuki Ina Me mtulep nen to ga ito pan sel nana kaai esua Itiik ki elau sa Ale ipaoski na Ag kuto pan sel kaai sua Ina Ato pan sati elau Liportani ipauski ipauski ipauski Katapel imal to tli Nrak iskei Liportani ikuskor ~~Katapel~~ Katapel Ikuskro to ileka Katapel ~~ipan~~ ipan inrea faat isel kaai isati pan inom mer tao faat ga isol kaai pa Liportani ipa inre faat inre faat inom isel kaai me imetp̃akro nen kemer tao faat keler Ntas iser Katapel ipato esum̃ go inrog ntas iser Ifiit Ifiit mai pak Ewenesu itraem nen kepnuti kia ~~kefueti~~ kef ueti nen kepnuti Kipe mten top ntas kipe mten top Imer tao imai pak Elaknapuktao me ntas itikin imaimaimai pak Elaknapuktao Kipe mten Itao Elaknapuktao ifiit Imai mai mai pak e Emetaikes Imer trae nen kepnuti me kipe mten kaipe mten top Ale inrog ntas Imai mai mai ipak naur ilaotu naur ale ntas nen ina imai inran Kaaru iur maloput Imai mai mai mai mai na ipak nagis nagis ni naur Inrog ntas ga ina Ipi faat tap̃o Kaitu tu Ga kia ien nagis Elakatapel Me ntas kipe ser kaipe pa Ipi nametp̃agon ni natrauswen § 071-021 ( N ) Me Liportani ? Liportani ipato imai ipato ga Emten to Kipe pato ntas p̃ur nen kin ipato Emten go ipi afsak me ipatkos § 071-023 ( N ) Nlaken iku ipi afsak ? ... A ( N ) Nlaken iku ipi afsak ? Nlaken kipe wel kia kipe jenj a ~~Kipe~~ Ki pe plim Kaipe mai pi afsak ga ipato ntas Ipi nametp̃agon ni natrauswen ne

Edit utterance

Text view • Interlinear Glossed Text • Utterance view • Help