Text view

mc_nafsan_tafra

Recording date1997-07-09
Speaker age80
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
Selwan tupaakor nametp̃ag ntau rato tu teesa tete nanromien ruto nig Apu go Ati negar <<wip>> wes nanromien sees pan tuer kin Ertap Ntau komam ramer tuer tete nanromien sees ru <<wip>> mer negar wesi pan tuer kin Apu ni Elaknar, go Apu nig Elaau rupan tuer kin kailer mai utu. Me utol Janweri go komam Limaas ramer nag rakfan saofir. Pastor Kalagis, imurin na komam komau pak Ertap. Upan paakor Elaknar go Tata Sailas ito esum̃ nega to. Selwan ilek go ina, "Webe naik seserik rumai kaifam nafnag wi pan. Me tafra rupo inrok mai. Tafra rukfam faat nen ruto me rukmer ler pan." Selwan Paster Kalagis inrog nafsan ni Sailas inrogteesa wes. Me kineu atap nrogteesa Atae nag kefo nrik mam ki nap̃et nafsan nag itili. Go ipo nrik mam kin. Itili nag naliati iskei naik seserik ruto fam, me tafra ito wat ur elau. Me naik seserik runag malfanen elau imu, tete rukfan tili nag kemai, "Tukmaui en nasusu fam." Selwan elau kemat go kefo mer ler go tafra inag, "Iwi akam koen nasusu fam. Me kineu kafo mailum net." Naik seserik ruen fam panpan go elau kimat rukoiler. Tafra ipato elau to pulki nam̃elen me isok ipturki ntas panpan kaiptol Go kimro kin nag kefo mer mai kefo mer mai fam Selwan imai me elau kipe mat ikon kailer. Or selwan ku <<wip>> lefeki Efat negakit p̃afo lek nasi tafra iuserek nagis negakit nig Go akit tusoso ki nasi tafra. Natrauswen nig tiawi negakit nig teetwei.
• Waveform view • Interlinear Glossed Text • Utterance view