Text view

mc_nafsan_nmatu

Recording date1996-03-07
Speaker age80
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
Amurin na katrausi tenatrauswen ni maarik Wili Santo ineu trausi teetwei. Itil natam̃ol ni Ermag inru. Kaaru ipiatlak nmatu. Selwan ralak ratap mer tao mau. Rato panpan go naliati iskei tenen ipitlak nmatu ipitlak nmatu nega rapan sari Rapan rasoki asler. Rakaito puserek aslen ipiatlak ipiatlak waak iskei Wak nen ipi wak nmatu. Tenen ipiatlak nmatu itok lek waak nen ito ito suu entan Go kinrik kaaru kin na "Alek nmatu gaag, itae weswes wi. Me neu nmatu nigneu itap weswes mau. Tete nrak apestafi itap nrog wou mau. Amurin na kefreg tenen. Anrikin kin me ita pregi mau me nmatu gaag If wel ag kuf murin go katuok nmatu neu me ag p̃atao nmatu gaag. Go tekaaru nen ipiatlak ipiatlak ipiatlak wak ipiatlak waak nmatu nen inag O iwi top wel kin taf tigpiel kin ilakor wi Kineu katuoki nmatu neu neu me ag p̃atao nmatu gaag Natam̃ol ne ina, "O iwi." Selwan iplak nmatu nmatu ni tekaaru itrapelpel plake pak em̃ae ipak esum̃ ga Me kaaru iplak nmatu ga, nmatu ni wak ne, kaipak esum̃ ga pa. Malnen ratigpiel ino Selwan iplak nmatu nen pan ipan pa teesa ga go inrikin kin na E kuipe preg tete nafnag sees takfami me takfo takfo to Wak nen ipan su panpan ipregsaki sernale ni em̃rom. Maarik nen itok ito leka panpan Go kinrus nrogtesakin me ina E p̃afreg nafnag takfam ag kutap kutap kutap nrog nalek p̃ata freg nafnag mau P̃aleperkati kafo watgik." Kutae sup̃ ni teem̃ol itap tae nafte kin marik nen inrikin kin mau. Ipreg namuurien ga ipregsaki sernale ni em̃rom go maarik nen kinrogtesaki inrikin kin ina ina "If wel kuf to preg teflan pan kafo watgik tete nrak." Go naliati iskei ito panpan go kinrikin kin na kefreg tenmatun tenmat un kefr eg ptaki Esan iswai. Kefreg ptaki em̃rom, kefreg tete nafnag rakfami. Imal. Nlaken wak ikano tae nafsan nen kin akit natam̃ol tuto tili Inrogtesaki waak waak nmatu nen go kiwatgi ikrakpuni Go ipi nametp̃ag na natrauswen nen a autrasi
• Waveform view • Interlinear Glossed Text • Utterance view