Text view

119

Recording date1998-09-29
Speaker age70
Speaker sexm
Text genrepersonal narrative
Extended corpusyes
Javascript seems to be turned off, or there was a communication error. Turn on Javascript for more display options.
**** 119-001 Taos komam sup̃ ni independen , ipiatlak krup ni Nasonal Pati , § 119-002 ipiatlak krup ni UCNH . § 119-003 UCNH gar rapi Pati inru . Go kaaru ikenski independen , kaaru imuur independen . § 119-004 Me nafsan ranru muur independen . **** § 119-005 Me namroan ni UCNH imuurin na ifla pi ntau kemer lim go tukfo mai sat independen , me Nasonal Pati , § 119-006 ga imuurin na . ... ( KK ) Ga UCNH ga imuurin na taos kafman ranru rakmer nrus defelopki . ( NT ) Malfanen m̃as ... § 119-008 Go rakmer tfag na nfanu kenrus pak elag . Go skul me keta nrus pa . § 119-009 Me Nasonal Pati ga ina , " Kipe tlasi . Kefi mees kefi mees ." Tenen kin ipi kens . Me kineu ato UCNH me tete ruto Nasonal Pati komam telaap ... ( KK ) Ni Erakor . Me utap tli isa mau . 119-010 ( NT ) Ni Erakor ... Utli iwi , § 119-012 tukta tao kafman ranru rakta tu kit edukesen keta lakor pa . § 119-013 Me selwan tuknrogtor , rakmuti go akit tukano preg namrun . § 119-014 Me nam̃er taar rupiatlak ntaewen nen kin iwi . § 119-015 Rumuurin na rukwelu ser mal akit tumalkir , tukpasir rupa . Me gar ruslatsok akit tutau naarur tau . § 119-016 Rulekor ptaki kit . § 119-017 Nam̃er taar rupiatlak na ntaewen nen iwi , go nmaeto itiikir . Rumuur rukwelu ser naat . § 119-018 Go ipi sup̃ wi nen kin , komam me kolemsi go kotae . § 119-019 Go namroan nen kin ito komam tenakon nen uto Pati kaaru , uta muurin na kofregsaki kano taar mau . § 119-020 Nlaken akit nrakit ga iskei m̃as . § 119-021 Me tekaaru rumuurin na rukfregsaki asler , nam̃er taar rupreg mistek . E , tete nakrakpelwen , taos nakrakpelwen mistek . § 119-022 Kupreg mistek sees rup̃asik , dipot . **** § 119-023 Tenen ipi sup̃ sa , tenen kin komam nanre ni UCNH , § 119-024 taos UMP uleka na itap wi mau . § 119-025 Natam̃ol p̃atua mal go ga ipiatlak educated wi . § 119-026 P̃atua mal nen kin ga itae nriki ki nafte kin ag kusrafwes . § 119-027 Kurogwes taosi kurog kusraf , a , kusraf napu kia . § 119-028 Ga itae , kano taar itae tafnau ag , nlaken ga ipiatlak education p̃ur ito np̃aun . § 119-029 Akit nam̃er got tumroki na , tuipe tae itop me itiik . § 119-030 Kupanpanpan kusursap̃ napu , yu mestem rod , kusursap̃ napu . § 119-031 Ale malfanen p̃afo ler . Naoia yu mas kam bak . § 119-032 Blong hem i advaesem yu bakegen yu luk ? I nogud yumi hariap . Ita wi na tuktrapelpel mau . § 119-033 Mailum siwer . Ore .
• Interlinear Glossed Text • Utterance view