Text view

110

Recording date1998-09-28
Speaker age70
Speaker sexm
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
**** 110-001 Ipiatlak m̃aau iskei itu nmaotao ni Em̃au go Etkar § 110-002 Rusoso ki M̃autul . **** § 110-003 Teetwei tiawi nigmam gar rutiiki parmet , § 110-004 me malen kin nao- kin rato , ona , tmer psir . Ratmer psir teflan ito tilsei na nlag kefo wat . § 110-005 Runa , " E ", Kalo . Nafteme , nana , kipe to na til nana tu kraksoksok nasum̃ § 110-006 Me malen kin iona tefla , me ntaf nen kin itu euut nen kin rusoso ki esap kia Tipuet . § 110-007 Malen kin Mista MacDonald imai , misi nen ilekor Egun . Go itua MacDonald hil . § 110-008 Go kuleka kia rupregi ito naftemena , Tracking map ni Efat , me ga , nagi matu ga rusoso ki Tipuet . § 110-009 America rumai mer tua nagi katol , CoinHill . § 110-010 Go ga kin ruto rikodkin ruto map to me itiik ga nagi matu ga rusoso ki Tipuet . § 110-011 Me selwan kin nao nen kin ito ona tefla , mama neu ineu trausi . **** § 110-012 Me 19 nana 59 rupato sanpe , kin kunrogo kin ito mlag § 110-013 nmaotao Em̃au go Etkar . Me kin ato Ep̃agp̃ag tu , iwelkia ato leka m̃eltig tefla . § 110-014 P̃og kin nlag nen imai , kulek naniu me nana , nen rutrau nomser pak ntan pa . § 110-015 Kin nasum̃ nigmam nlag ip̃rai teflan pa me teflan kin utotan to uto . § 110-016 Apap ni sanien iskei kin umau maarik Kalwat . § 110-017 Kin umau ntau ne , kin Ep̃agp̃ag p̃ulp̃og ga utiiki tenamrun kofami . § 110-018 Nafnag nigmam ilom inomser . Kin ipo ona Ep̃agp̃ag . § 110-019 Go nafsan imai pak ena , esa . Daerekta nigmam imai pak ena , Nume . § 110-020 Malen kin imai pak Nume go naftemena fotres ni Franis nevi iskei ipo nigmam mos nafnag mai . § 110-021 Malen imos nafnag mai tefla , seken jif nigmam nen rusoso ki Ata Matai go Kalkau Meten rapu sit me rato pulkin san kin rusoso ki Metnemat . § 110-022 Plen ipan tmen nrea Em̃au teflan mai mai leg ki nametp̃ag nagis tefla , go itao pek pret . § 110-023 Pek pret ipan itarup̃ leg kir . § 110-024 Me komam upreg napu mai uto min naniu go uto pam purnaniu m̃as . § 110-025 Umai matur esan rusoso ki , ena , Erasfiu . § 110-026 Twelf klok rupo nigmam mos nana , mai kin go upo pam pret . Go upam tin . § 110-027 Me esa kutrau ta lek tete namrun mau . Kulek nafte , me naor itrau m̃al userek . **** § 110-028 Namlas itrau m̃alm̃al 1959 § 110-029 naor Erakor , nafteme wak me too runom mat , me natam̃ol iskei ita mat mau . § 110-030 Runom m̃ool . Go ilakor pi neu natrauswen kia .
• Interlinear Glossed Text • Utterance view