Text view

105

Recording date2005-11-07
Speaker age80
Speaker sexf
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
105-001 Amuurin na kagaag traus natrauswen ni oof . § 105-002 Teesa ni oof . **** § 105-003 akit tutae na § 105-004 oof , malnen elau imat . **** § 105-005 elau imat kefo to § 105-006 panpanpanpan elau imat panpan § 105-007 em̃eltig nen kin elau kemu , ko , elau kipe to mu . § 105-008 Go ipo pi malnen oof ipak elau me ileel naik . **** § 105-009 Go , naliati iskei , naliati iskei § 105-010 oof iskei ito , me iplak teesa ga ranru to . § 105-011 Me elau imat . § 105-012 Panpanpan me , elau kipe mat pak kotfaan . **** § 105-013 Malen oof ileka na elau istat mu § 105-014 go ipauski mama ga , ipauski raiten kin , itli na , § 105-015 " Kineu me ana kafan lel tete naik elau ." § 105-016 Go raiten itli na , " Itiik , ag kukano pan nlaken ag kusees ." § 105-017 Me kipe pi kotfaan . Me elau kipe to mu . § 105-018 Go teesa ni oof itli na , " Itiik , kineu amuurin na kafan leel tete naik ." § 105-019 Go raiten itli na , " Itiik , kineu atap trok na ag p̃afan mau ." § 105-020 Me teesa ni oof ikerkrai . Imuurin na kefak elau . § 105-021 Me , ina ito go raiten kitao kepa . Ipak elau pa . § 105-022 Ina ipa go kita muur natik ntas euut mau me ipan namta elau . Me elau kipe to mu . § 105-023 Me teem̃ol sees iskei , ipi tenen ito namta . § 105-024 Ito nskau . Go ipitlak ga nfalen ipram pak , etan . Ileg pak etan . § 105-025 Teem̃ol ne rusoso ki makou . § 105-026 Rusoso ki makou go ipiatlak ga npatin inru rapram . § 105-027 Kaaru ipa go kaaru ipa . Malnen elau imu ga me ipo to paakor nlaken elau imu . § 105-028 Isaiki rapram pato . § 105-029 Me malen oof itu leel naik itu leeser . § 105-030 oof sees itu leeser panpan ita lek makou mau . § 105-031 Ipan ipalag leg ki nfal ni nana makou , me makou kipe saiki npatin rato . § 105-032 Malen ikam leg ki nfal ni makou go makou ipuetsok natwen , ikatsok natwen . § 105-033 Me malfane ikano puetlu natuen . § 105-034 Nlaken , makou kipe puetsoki . § 105-035 Itraem na kepuetlu natuen me elau kipe to mu . § 105-036 oof sees ikano . § 105-037 Istat , nlaken ileka na elau kipe to mu . § 105-038 Go istat kai . Ikai me ipreg ipi nalag . § 105-039 Go nakaiwen ga ipreg ipi nalag itefla . **** § 105-040 Ina , nalag ga nen ina , § 105-041 [ song ] Seseria seseri , nalomatarere , naempiripiri , alolipu karia , Lawo kowa sai koroko , koro namaloko , ekatia ekatia oo pa , ekatia ekatia oo pa § 105-042 Me , elau ito mu . **** § 105-043 Ito mu me makou ipuetsoki , ipuetsok kerkrai ki nen to § 105-044 Ina ito pan kaimer lag . § 105-045 Welkia nalag nen ipi nakaiwen ga . **** § 105-046 [ song ] Seseria seseri , nalomatarere , naempiripiri , alolipu karia , Lawo kowa sai koroko , koro namaloko , ekatia ekatia oo pa , ekatia ekatia oo pa § 105-047 Me afsak iskei , ito waf me isik np̃aun , ilek oof kin itu . § 105-048 Inrup̃ pak etan inrus mai isaiki np̃aun me ileka kin oof itu . § 105-049 Me elau ito mu . § 105-050 Afsak inrup̃ pak etan , imaimaimai ipak natik oof . § 105-051 Isak pak elag me ipestaf oof . Itli na , " Ag kuku ?" § 105-052 Go oof inrikin ki na , " E , kineu amai leel naik . § 105-053 Aleel naik , me makou ipuetsok natuok . § 105-054 Akano nrus , me elau kipe to mu ." § 105-055 Go afsak ipauski na , " Me kumuur na kawelu ag ?" § 105-056 Go kina , " If wel kuf mer welu wou kefo wi top ." § 105-057 Go afsak ipo nrup̃ pak etan . § 105-058 Inrup̃ pak etan kin po kati . Ikat npat nana , makou . § 105-059 Go makou ipo tao natuen . § 105-060 Ale afsak ipo tu oof pak elag . § 105-061 Itu oof natuen pak elag malen ileka na itae tao . § 105-062 Go itao ntas . Inrir pa . § 105-063 Ipo nrir pan lek raiten . **** § 105-064 Go raiten ipauski na , " Iku § 105-065 kin kumai [ mei ] malik ? Ita pi malen kuna p̃amai weskin mau . **** § 105-066 Me ipo nrikin ki na , " O , raitok kuipe nrik wou ki na § 105-067 kata pan mau , me kineu apsig . **** § 105-068 Apan me apo paakor nanrogtesan , me § 105-069 afsak iwelu wou , ipam̃or wou , go iwelu wou . § 105-070 Ineu kat makou go makou ipo tao natuen . § 105-071 Slat wou pak elag , ga kin apo mai ." § 105-072 Go ipi nametp̃ag ni nafuserekwen gakit .
• Interlinear Glossed Text • Utterance view