Text view

093

Recording date1998-10-30
Speaker age70
Speaker sexm
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
**** 093-001 Naot ne , ito esan rusoso ki , esap , me , atae ipi naot ata aelan , § 093-002 Ito , ito me ipitlak na , tete sup̃ ipaakorkin , go § 093-003 rupestafi- natam̃ol runrogtesawes go rupes top . Rupes top panpanpan go inrikir kin na , " Iwi ." **** § 093-004 Mees nen kin tuto , tuto tmokit pregsa kit , pregsaki kit § 093-005 natkon nen ipato , ko Emlalen ipato , imaet imai wat nen isa . § 093-006 Tenen ito esan imaet ipan watgi natkon kaaru . § 093-007 Teni natkon kaaru imaet . ipan watgi natkon kaaru . § 093-008 Go ipregi panpan Efat negakit nen natam̃ol rumat panpan natam̃ol ruitiik . § 093-009 " Go amuurin na , naliati keskei kafo preg nafnag p̃ur keskei me kofo mai . § 093-010 Naliati ne kofo preg nafnag p̃ur iskei ." **** § 093-011 Ipreg nafnag p̃ur me isos natkon nen kin kaipe puetlu nagien rupa § 093-012 rumaui mai pak naor iskei me itli na , § 093-013 " Ag p̃amai , p̃aslat namrun taos kufla slat nap̃rai , § 093-014 ko kufla sat nawi , ko kufla slat na naik , ko kufla slat tete nmatun teflan ne , me koslati mai ." § 093-015 Me kafo kafo kafo preg nafnag keskei ne malnen tuna tuto fam , tuto fam me kafo sos iskei . " Ag kupi naflak nafte ? Kutap pi naflak mau , me p̃aslat nafte kin kuslati mai ." **** § 093-016 Me imai ifla sat nap̃rai iskei go nap̃rai ne , nap̃rai wan kin nen rusoso ki kramp̃og , § 093-017 kramp̃og ne , ga kin ipo laotu Erakor tu mees , iskei imai sat nap̃rai mai . § 093-018 Malnen ileka go itua nagi , " Gaag ki , gaag ki kupi naflak na kramp̃og , pan pato sanpe ." § 093-019 Isos kaaru imai , isos kaaru imai ina , " Kusat nafte mai ?" Imer sat nap̃rai iskei mai . § 093-020 Sukaken ia . Nap̃rai iskei mau , malnen ileka , ina , " O ? Me naflak gaag kin kaipe mtalua ipato . Ag p̃afo pi naflak ga ." § 093-021 Ale isos kaaru imai . § 093-022 " Go ag kupi naflak natoop̃ p̃afan totan sanpe ." Ipan totan . § 093-023 Isos kaaru imai , ileka , isat nawi iskei , " O me natoop̃ ne , gaag kin pato kaipe gaag mtalua , ag p̃afo pi naflak ga ." § 093-024 Ale tep̃tae imai , ina , isat , ina , " P̃amer mai ". Imer sat ga mai , islat nawi isat nawi , nawi neu mleomiel . § 093-025 Ale imai na ileka , ina , " O , me ag kupi mleomiel . Me p̃afan pato sanpe ". Kaaru imai , ileka ipi mleomiel , ia , " Naflak gaag kin pato . § 093-026 P̃afo pan leka sanpe . Akam rapi naflak iskei ." Ipreg iur ser nagi , naflak paakor , naflak tefserser tefserser rutotan . Pak teni ntas . § 093-027 Ipam̃or naflak ina inom , " Kineu ", ipo tli na , " Malfane akam nen kin tenen pato nmaten pato nen rapi naflak ne , itap nen rakmer komam utmo mus wat mus . § 093-028 Ramer kano ple . Me rakmaomao . Rapi teskei mau . § 093-029 Ten pato itefla , ten pato itefla go malfanen ipo pregi pan [ watu ] imer sak . § 093-030 Amuur kafa me amtak nlaken naflak neu pato kefo watgi itap leg mau . Kaaru ipregi itefla . § 093-031 Ipi nlaken Vanuatu ipo mer sak panpan kin go natam̃ol rupo ftom . Natam̃ol nen rusoso ki , kalo , RoiMata . § 093-032 RoiMata . Maarik ne . RoiMata kin ipreg itm̃at
• Interlinear Glossed Text • Utterance view