Text view

087

Recording date1998-10-30
Speaker age70
Speaker sexm
Text genrepersonal narrative
Extended corpusyes
Javascript seems to be turned off, or there was a communication error. Turn on Javascript for more display options.
087-001 Ipitlak nanre ni Franis , tete nanre ni Inglis . Me nanre ni Inglis rutap laap perkati mau . § 087-002 Teni Franis kin runrus laap perkati . Go tenen kin atae nagier , ipi Mister Marinas , § 087-003 Mister Ena nanre ni Franis . Mister Harris nanre ni Inglis . **** § 087-004 Mister Aru , franis , nanre ni Franis § 087-005 Tiker , nanre ni Inglis § 087-006 Go Platimiere , nanre ni Franis § 087-007 Mister Jacques Nichols nanre ni Franis § 087-008 Mister Frouin , ga me ipo pi nanre ni Franis . § 087-009 Ohlen , Mister Ohlen , nanre ni Franis nafet planter ki . § 087-010 ( NT ) Go ruweswes esua ? § 087-011 ( KK ) Gar kin ruweswes ur nanre ni , tete rustat Takape . Ruweswes tefla nanre ni , ato til nagien nanre nen , pak Undine Bay . § 087-012 Toklos nanre nen pak Paonagisu mana , pak Paofatu . Tete ruto Em̃el . Mister Watt . **** § 087-013 Nanre ni haf kast , § 087-014 ipitlak Emi Laurent Ga me ipi haf kast iskei , nen kin ga me ... ... ... 087-015 ( NT ) Ag kuweswes naroi ? § 087-016 ( KK ) Ruen- gar rupitlak na naroi gar nen ruweswes wes . ... ( KK ) Kineu ? § 087-017 ( NT ) Me ag . ... § 087-018 Kineu atap weswes wes mau , me tete nen kin ito- ruto em̃eltig kin aweswes . § 087-019 Mal sees , kineu apreg tete nawesien , ni na konstraksen . Kontrak , e e § 087-020 Me rekin kaweswes plantesen , kineu ata weswes plantesen mau . Itiik . § 087-021 ( NT ) Me ipiatlak tete natam̃ol ni Erakor nen ruto weswes ? § 087-022 ( KK ) Ipitlak tete nen kin rupi taosi kin stokmen go kauboy nen kin ruweswes , ipitlak tete . § 087-023 Go tete nen kin ruweswes nanre ni kopra , me ruta laap mau . Me ipitlak nam̃er ni Tanna . § 087-024 Tete nam̃er ni Emlakul naur ur nen kin ruto . Me komam ni Efat tep̃ur rutap weswes . Tenrfaal m̃as kin ruweswes . § 087-025 ( NT ) Nlaken iku ? ( KK ) Nlaken , wel , rutap muurin weswes skot , nam̃er taar , nlaken tete , § 087-026 sup̃ ni nafsan . Rutap tae pes wi mau go ipregi rukano pak nawesien . § 087-027 Me atae na telaap ruweswes . Me ruweswes mal sees ale ruler mai . § 087-028 Tete ito pan ileka na imuur mane sees , vatu sees , imer pa . Nlaken kin teetwei , mane isees . § 087-029 Upaakot kilo kopra , wan vatu kilo . § 087-030 Me ilegki teetwei . Kupaakot pis nkal sees nen me kutae paktofi ki wan vatu . § 087-031 Teetwei iwi , pret kupaktofi , wan vatu . § 087-032 Go , sernale fserser , me ruta pi mane p̃ur mau . Ilegki malnen kin . § 087-033 Ntaewen isees , a ? Go nanre nen ipitlak , na , § 087-034 Franis kampani ga kin iweswes nanre ne , Teouma . § 087-035 San toklos nanre nen pak Ertap , pak Eton mana teflan pa . Ipitlak deGronz ito elag . § 087-036 Go Franis misnari , nen kin ru , gar me ruto Belvi , elag sanie . Montmartre . § 087-037 ( NT ) Malnen if wel kuweswes if wel ipitlak naat nen ruweswes kumatur esa , rumatur sanpe ? § 087-038 ( KK ) Rumatur na , naor nawesien tete rumatur naor nawesien , atlag inru , itol , ale ruler . § 087-039 ( NT ) Go , nam̃olien ni naroi , ipi nafte ? Olsem , taem yu stap long ples ia , laef i olsem wanem ? **** § 087-040 ( KK ) Ikerkerai pe kumuurin na p̃afitlak mane sees , § 087-041 kuleka isa , me p̃afo weswes . § 087-042 Kupa rekin pan kuwest mane sees kumai marmar . Kuleka na kumuurin na p̃amer ler pa . § 087-043 Mer ler pak nawesien ga . Ko naot ni planta isosok . Isos , " Boy !" Imuur na teweswes . § 087-044 Tete rutmer mtaluer . Rupa pan weswes . § 087-045 Me mane ipitkaskei . Go nam̃er ni plantesen ruweswes pitkaskei m̃as . § 087-046 Rupreg praes gar . Tete isak isees m̃as , ipreg nrus mane ga inrus fakelag sees . Tenrak ipi wan haf peni , tefla , kilo . § 087-047 Me , rutuer rukfam . Nafnag sees me rufam . § 087-048 Go , rupreg na rupregwiki na mal ne . Mal ne , mal nen kin ipi mal gar . § 087-049 Rupregwiki natam̃ool ileg tlas nam̃olien nen kin rutkos . § 087-050 ( NT ) Sup̃ ni masta ? § 087-051 ( KK ) No . Kefo pes keraikik tete nrak , tete nrak . Masta nen kin iwi , ipes kerkeraiki ag m̃as . § 087-052 Me masta nen isa , tete nrak ifseiki stokwip . § 087-053 ( NT ) Me malnen ita piatlak polis mau ? § 087-054 ( KK ) O polis ito me , ipi nawesien ni planta . § 087-055 Tenrak ipregi usak hos kukop teem̃ol , taos kau mana . Kusraf tete , itaf tp̃er . § 087-056 Inom . Ipes kerkraikik , tenrak ism̃anri ki stokwip me tenrak ipes kerkraikik m̃as . ... ( KK ) Itiik . § 087-057 ( NT ) Me itap krakpun tete naat ? ... § 087-058 Amrokin tete mal kin . Mal sikskei m̃as tete nen ipreg israf nafietwen ga . Go ipregsaki boy . § 087-059 Me tewan ifisktofi boy ikano pregsaki . Me naskon kefo miel nlaken stokwip ikerkrai . § 087-060 Me ita pi nrak laap mau . § 087-061 ( NT ) Ipiatlak natam̃ol iskei nen ipi sup̃ ni naat nen ? Sup̃ kerkerai ? § 087-062 ( KK ) Mista Ena . Ga kin . Me ga ipitlak skul wi a ? Iskul wi me selwan kusraf itaos skul masta iskei ipo sm̃anri . § 087-063 Ipeiki kin teflan kulekor kau kulekor hos , nanan , sipsip . § 087-064 Me selwan kuta satsoki mau kefo pes kerkerai ki , tenrak usraf , ism̃anrik . § 087-065 Me nanre kaaru ipregwi kutae sernale . § 087-066 Itilm̃ori ipitlak sup̃ kerkrai , me ipitlak ... iwelkia itu ag ntaewen , itu kineu ntaewen . § 087-067 Go ru , rupreg boy rutae weswes nanre ni planta . **** § 087-068 Telaap ruletae go teflan kin ruwesweski tp̃er , go tete , tete rupiatlak , na § 087-069 tete sup̃ nen kin gar me rumer tae pregi nen kin runrus ki ntan . Ruto puet ntan sees , a ? ****
• Interlinear Glossed Text • Utterance view