Text view

074

Recording date1998-10-12
Speaker age80
Speaker sexf
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
**** 074-001 A , kagaag traus nmatu iskei , § 074-002 go nanwei iskei , rato . Me ratiiki teesa . § 074-003 Me ipiatlak teesa iskei ipaakor faat elau . § 074-004 Teesa nen ipaakor faat , malnen gar rapak elau pa , rapam̃or teesa nen itu . § 074-005 Go rapauskin ki , " Gaag tmam go raitom wa ? ' § 074-006 Teesa nanwei inrikir ki na , " Kineu apaakor faat ". § 074-007 Go ratli na , " Komam ratiki teesa , me ag kutae skot komam ? ' Go teesa nanwei ina , " Kineu atae skot akam ". § 074-008 Go rapo plake pa , rapregi ipi teesa gar . § 074-009 Rapo lekor wes pan go ipi teesa p̃ur . § 074-010 Rapregi ipi teesa wi gar , ranromi . Me nrak iskei go papa ga ifsei . § 074-011 Ipuet nkas me ifsei . Teesa ina ikai go kiler mro pak esan ga itkos mai . § 074-012 Ina ito , kaistat siwer raki elau , go tmen ipios . § 074-013 Nagi teesa ne , Koaisen . § 074-014 Isiwer raki elau , ga imroki esan ga ipaakor wes . § 074-015 Go tmen ileka go imrotae . Isiwer raki elau go kipios , " Koaisen p̃aler ". § 074-016 Koaisen isiwer . Go imer pios , " Koaisen p̃aler ." § 074-017 Koaisen , isiwer panpan go kikam ntas . § 074-018 Ikam ntas go tmen imer pios , " Koaisen p̃aler ". Ipan kam ntas go ipo lag ipreg nalag § 074-019 " Koaiseno koaiseno seno , nato wawa nato wawa meremo , koaiseno seno ." § 074-020 " Koaisen p̃aler ." Koaisen ipan ikam ntas , go ntas ipaamau nap̃utwen . § 074-021 Tmen imer pios , ' Koaisen p̃aler mai . ' Go inrus pak elau , ntas ipaamau esa . § 074-022 Tmen kipe nromi itop . Tmen inromi itop imer sos , ' Koaisen p̃aler mai '. § 074-023 Koaisen inrus pa , go ntas ipaamau esa . § 074-024 Me ileka na , tmen inromi itop go isursur tmen . § 074-025 Inrik tmen kin , " E nasum̃ gakit isor ." Malen tmen itmen nrea , ilee pak euut . § 074-026 Go Koaisen itut pak ntas , go kipuel . **** § 074-027 Go temen ipo lag , " Koaiseno Koaiseno seno , § 074-028 Nato wawa , nato wawa , meremo , Koaiseno seno ." **** § 074-029 Olsem singsing ia , hem i olsem hem i krae , hem i krae , hem i sori long hem hem i krae , hem i toktok long hem olsem § 074-030 Nafuserekwen ne inom esa .
• Interlinear Glossed Text • Utterance view