Text view

067

Recording date1998-09-30
Speaker age40
Speaker sexm
Text genrepersonal narrative
Extended corpusyes
Javascript seems to be turned off, or there was a communication error. Turn on Javascript for more display options.
067-001 Histri neu malen kin api teesa mai tkal mees . § 067-002 Papa neu ga ipi evangelist iskei teetwei , go ito siwer ur naur ur preg nawesien tap . **** § 067-003 Ipi nlaken kineu apo paakor naur nig Erromango , § 067-004 malen papa neu ipato weswes ur Emlakul . § 067-005 Nafioson ipan nag keler mai pak naur Erakor . **** § 067-006 Go malnen imai tkal naur Erakor § 067-007 go rumer soso nen kefak naur nig saot Erromango § 067-008 ipreg papa go mama go p̃aluk iskei , nagien kin Ashael . § 067-009 Go ga kin ipi taklep neu . Ruitol tm̃alu reki naur nig saot Erromango . § 067-010 Go 1950 kin rutao naur Erakor paareki Erromango . **** § 067-011 Go rupato ntau iskei nom , go kineu apo paakor § 067-012 1951 , 8 § 067-013 Go uler 1952 kin uler mai pak naur Erakor . **** § 067-014 Go kaipees pak skul naur sees , § 067-015 1958 tkal 1959 . § 067-016 Go amer pan skul Bahai . **** § 067-017 Go 1959 go nlag p̃ur iskei iwat naur Erakor , § 067-018 go nlag nen rusoso ki Kristof . **** § 067-019 Go ipregsaki sernale laap § 067-020 go ipregi maarik naot ipregi unrookot mai naur p̃ur . § 067-021 Go amer ler mai skul natkon pan tkal 1967 . § 067-022 Go apan skul Iririki Distrik Skul . § 067-023 Go apato skul ntau inru . **** § 067-024 Malen atao skul , go apan weswes British Ofis , § 067-025 atlag ralim iskei atmat iskei . Mer tao British Ofis kaimai tu esum̃ tu . **** § 067-026 Panpan nafioson imai 1971 nen rukfan weswes Nume , § 067-027 go kaipan pus nagiek . § 067-028 Go kaitm̃alu pak Kaldoni , pan pato ntau inru . Inom . **** § 067-029 Go amer ler mai 1973 , § 067-030 Amai tu mal sees mer pan weswes UNELCO mal sees , imer nom . **** § 067-031 Kaitu p̃al tu pan , kaipreg tete sup̃ kerkerai Hotel Lagon , § 067-032 kaipak nasum̃ malik ntau iskei go atlag itol . § 067-033 Malnen ataf nasum̃ malik , mer mai , mer pan weswes Post Office ntau fiftin . **** § 067-034 Rumer preglu kineu nawesien § 067-035 go kaimai tu p̃al tu ntau ilim inom . **** § 067-036 Go kaipreg natus neu pak provins reki nen § 067-037 kamai pi sekreteri go rumer trok wes . § 067-038 Go apo mai pees nawesien neu atlag ni Jun 1998 . § 067-039 Go ipi tesees wan inom esan .
• Interlinear Glossed Text • Utterance view