Text view

043_cut

Recording date1998-09-29
Speaker age80
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
Neu kin nawesien nen kin upa tkos Esanr Plisman upi ralim utiuti me apak Esanr pa Esanr ruta to sisi me natam̃ool ruta to tmer sir Nlaken komam utu Kanal reki nam̃er ni SakPei me PotLori me ruto oof polet mai pak hospitel Go komam upan malen kin manpus ruta to tmer sir me ipi mal kerkerai Malen kin utkos kin pam̃orki TotelPei pak SakPei Ipi em̃ae top me malen ana kafa Ana kawes natus pa Runrik wou ki Malen p̃afa p̃awaalu sot ni plisman p̃aweslu pulp̃ou p̃aweslu polet p̃afaai naal P̃akaro me p̃afa Nlaken ipitlak manpus nmaotao ni TotelPei pak SakPei Ale apa Rusi natam̃ool rupam natam̃ool panpanpanpan pan pak SakPei Malen kin apu ni Kulon nen to Kulon nen iplak Toumer to Apu ga Kami Kami Kulon Malen ito SakPei Go ina Boy yu kam olsem wanem Nlaken ana panpan apak plantesen ga go apo oof nkal O me kuur naor nen to mai Me kutap piatlak trabol mau Ana Itiik Malen amai asrakor sot asrakor pulp̃ou asrakor strap ale amai Ilek wou trau muur me ina Yu laki Ale pan pato p̃og go amatur p̃ulp̃og go amer ler mai pak Kanal Ipi em̃ae Malen nafkal ito na kemai Komam Inglis polis uta matur mau Kanal pak Fenue Fenue pak Kanal p̃og go kusiwer Me itapi napu ni natam̃ool taos napu ni loto mau Napu Napu nen kupa kupu na serpaal ni naniu Ne p̃afan kemalik p̃atp̃ili leele kin Pan pak Fenue pa Polisman ni Inglis Upi teni nam̃er nam̃er ni Erakor Me rutu Inglis Me rutatsman pak Fenue Kunrogo rumai pak Kanal Mal ni nafkal Ito paareki sa
• Waveform view • Interlinear Glossed Text • Utterance view