Text view

040

Recording date1998-09-29
Speaker age70
Speaker sexm
Text genrepersonal narrative
Extended corpusyes
Javascript seems to be turned off, or there was a communication error. Turn on Javascript for more display options.
040-001 Ale , nam̃olien neu , askul naur . § 040-002 Askul naur inom , apak IDS . IDS malen kin rustat wes . § 040-003 Ito Iririk , esum̃ ni dokta Frayter elag . Go misis ni dokta Frayter kin § 040-004 iplaksok mom . Ale uto to to panpanpan unom . Ale kaipe nom , kaipe mai tu . § 040-005 Panpanpanpanpan tupreg nawesien seserik . Panpan 1941 , § 040-006 go apak plisman . § 040-007 Ni franis polis . Ato 1941 , § 040-008 inom apak Esanr . Ato atlag iskei Efil , apak Esanr pa , kaipe pato Santo to , me seken wol wo ipo maag . § 040-009 America rumai me apato Esanr . Go kineu kin apo tu plak America ur § 040-010 ser naor , upreg napu me upan . Askotir atlag itol , uto Suranta . § 040-011 Pan pan runrik wou ki , " Kufiar nen p̃afak Solomon ?" Ana , " Idipen ", § 040-012 nlaken kaipe saen reki Ami . Nafkal me apa . § 040-013 Ifpi nmaten , amat kat kantri . Ale Franis kafman inrogo , § 040-014 ale imai msag wou Suranta . Apiatlak sot plisman , § 040-015 kamer plake ler . Ale amai tu , § 040-016 tu tu panpan 1945 go anom . § 040-017 Anom na amai pak Efil , atlag iskei inom go amer pak Tanna . § 040-018 Tatsman pak Tanna . Apan pato Tanna , ntau inru , go atlag ilates . § 040-019 Go amer tao Tanna mer mai pak Efil . § 040-020 Polis . Atutu panpanpan 1948 kin go apo lak Liaal . Ga ipo mat ntau ne . § 040-021 Ale uto Lamelis to , 1948 nen alak , me ato plisman lak . **** § 040-022 Inom ale upato panpanpan 1949 , 1950 , § 040-023 1952 pak 1955 go anom plisman . § 040-024 Amer ler mai pak naur . § 040-025 Uto naur to panpanpan nlag iwat 1959 . Nlagwat p̃ur . § 040-026 Go umuf mai pak menlan . Mai to menlan to . Tototo panpanpan . § 040-027 Ale rumer wou apan lekor skul etan sanie . Alekor pablik skul etan sanie , § 040-028 ntau ilaru apan , me 1973 to pan 1980 malen ruindipenden , ale komam unom . **** § 040-029 Nlaken iwelkia Franis kipe to muf ale komam unom mai pak elag sa , § 040-030 mer lekor Sante skul esa . Nafet tija plak Sante skul , § 040-031 amer lekor wer ntau ilaru , nen amer lekor teesa skul esa . § 040-032 Go api tija ni devosen , tija ni devosen ato mal mai . § 040-033 Iofa ntau ralim inru , kin ato moning devosen . **** § 040-034 Apan pan pan ntau naentin § 040-035 ntau pei nen pa , 1994 . Ruling elda imer mai lek wou na , § 040-036 " P̃amer sel nawesien nega . § 040-037 Kamarmar nlaken tupiatlak tefsofus rulaap ." § 040-038 Malfanen tefsofus rusel nam̃le kit . Neu kato me askot mus nafte weswes ki . § 040-039 Askot mus . Kin ato esum̃ to . Tototo panpanpan go olfala neu ki np̃aun ita leg mau . § 040-040 Ale rato esum̃ ntau inru rata pak tenaor mau . Rato esum̃ to , ato lekor nmatu neu nlaken np̃aun ita leg mau . § 040-041 Ito esum̃ to , ipi tenen ito fam m̃as . Aga preg nafnag kefam . Panpanpan ntau ne . § 040-042 Maj namba faef go ipo tm̃alu . Rato esum̃ ntau iskei ntau inru . § 040-043 Kin ga kipe mat ga , me neu kin kaipe kano kaipe pi tiawi , kaipe kano pak talm̃aat . § 040-044 Ato lek nawesien me kaipe kano weswes . Nlaken nafitiawian totur namsaki nlaken neu me apo to su nmarom̃it . § 040-045 Asmok teetwei me mai mai pak malen ato lekor skul etan . 1977 § 040-046 apak hospitel pa go dokta itp̃okor wou sikaret . 1977 mai pak mees atap smok mau . § 040-047 Ale naminwen kineu api natam̃ool iskei nen amin . § 040-048 O , natam̃ol itiik nen itool neu naminwen . § 040-049 Malen ap̃elgat botel tefla alaokin nkanrok , anpa ki botel . § 040-050 Nmalok ato mingi , me atli reki alkol nrak pei . § 040-051 Nrak pei ga naat ita tool kineu naminwen mau . Amin me asmok , paket inru naliati iskei . § 040-052 Me malen amin , paket itol . Me 1977 dokta ina , " P̃ata smok mau ." § 040-053 Go atao sikaret . Me nmarok , itapi tenen kin ata tae naftekin ipreg nmarom̃it mau . § 040-054 Ilakor pi sikaret , ilakor pi nai , me nrak pei ata sua mau . Me nrak pei ata su nmarom̃it mau . **** § 040-055 Me mees ne , naliati iskei , kafo mas sol mersin , § 040-056 mersin ni nmarom̃it . Ipiatlaken itu , atu panpan malen anrogo iwelkia ato pam , § 040-057 kaimer pan wesi iskei . Amingi kaimer tu . § 040-058 Sprei , rutraem nrik wou kin me amalki . § 040-059 Nlaken sprei ipi tenen kupilo p̃ulp̃og . Kefei pak paket . Me tete nrak apak talm̃aat pa me ametp̃akro ito . § 040-060 Malen ipaakor ki wou talm̃aat , ipi malwan apato talm̃aat to . § 040-061 Dokta ipo nrik wou ki sprei . Ipo tao ki . § 040-062 Amai atu tiawi neu ki . Tiawi neu iskei ipato sanpe . Kalon . Harry Kalon . Atua ki . § 040-063 Ale kalo Meibel imai , ga . Anrik Meibel ki , " Apiatlak sprei inru , me amal to iuski . § 040-064 Nlaken kafak talm̃aat tenrak , ametp̃akro me apato talm̃aat tu me ipaakor ki wou go amat talm̃aat ." § 040-065 Me taplet iwi . P̃ulp̃og asol taplet atae pak sap , sap ko sap apa . § 040-066 Malen aler mai kotfaan welkia anrogo astat pam ale wan taplet . § 040-067 Ipi nam̃olien neu nen atu wes tu mees .
• Interlinear Glossed Text • Utterance view