Text view

036

Recording date1998-10-12
Speaker age50
Speaker sexm
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
036-001 Natrauswen ne ipi natrauswen ni , menaal . Menaal go katom . **** § 036-002 Menaal ga ipi naik go katom , rato panpan go § 036-003 menaal inrik , menaal inrik katom ki na , § 036-004 " Takfo res ." Menaal inrik katom ki na , " Rakfo res ." Ale , katom ina , " Iwi ." § 036-005 Ale rato panpan ratil sef naliati kin rakfo stat , rares . § 036-006 Me katom itae na ga ikano kraf pelpel , taos menaal , menaal itae spit . § 036-007 Itae sef pelpel me katom ikano . Naliati nen rakfo reswes me katom ipei usereki ser nagis . **** § 036-008 Ipestaf aslen nen kin ruur ser nagis , ipestafir na , " Naliati tefla , § 036-009 kofo , kofo redi me konrogo na menaal kefios elau , go akam kofios euut ." **** § 036-010 Naliati nen rana rastat , rareswes go , menaal inrik katom ki na , § 036-011 " Takstat nagis ne , takres panpan na tafak nagis kaaru . P̃anrogo kana , " Wananatajo ". § 036-012 Go kutae na atkal nagis nen kia , go ag if wel kin kutkal nagis nen kin kineu atkos go ana " Watetjo "." § 036-013 Ale menaal , rastat , menaal ina go ipan na itkal nagis pei . Ina , " Wananatajo ". **** § 036-014 Go katom ina " Watetjo " § 036-015 Rapan panpan ramer kop nagis kaaru panpan rapak nagis kaaru , go katom kin ipes kina , § 036-016 " Wananatajo ". Menaal ina , " Watetjo ." **** § 036-017 Panpan na rapak nagis , me katom nen kin mai ina , § 036-018 Katom nen ga ipi katom p̃tae . Nlaken katom p̃tae kin ito nagis kaaru , katom p̃tae kin ito nagis katol . § 036-019 Me menaal ga iskei m̃as . Menaal isef panpanpan na ipak nagis kaafat . Katom ina , " Wananatajo ." § 036-020 Go menaal ina , " Watetjo ." Me nmar menaal kipe to m̃it . Ipan na ipak nagis iskei go katom ina , " Wananatajo ." Go § 036-021 nmar menaal kipe m̃it , ina , " Watetjo ." Pan na ipak nagis iskei , go katom ina , " Wananatajo ." § 036-022 Go menaal ina , " Watetjo ". Rapreg panpan nmaron im̃it . Nmaron im̃it , katom itae na menaal nmaron kipe m̃it . § 036-023 Raen pan , ipak nagis iskei go ina , " Wananatajo ". Go menaal ina , " Watetjo ". Nmaron kipe m̃it . Panpanpan pak nagis mlaap § 036-024 katom ina , " Wananatajo ". Go menaal ina , " Watetjo ". Panpan nagis mlaap . § 036-025 Go katom ina , " Wananatajo ". Go menaal ina , " Watetjo ". § 036-026 Go katom itae na menaal , nmaron kipe m̃it . Ale ipak nagis mlaap wi go katom ina , " Wananatajo ". Go § 036-027 menaal ina , menaal ina ito trau , kipe mat , kipe ta pes mau . Nmaron im̃it go kipe mat . Go katom itae na menaal imat go katom iwin . § 036-028 Kin iwin na , nareswen , ale katom ipreg nafsan , ipreg nafsan ur ser nagis , nen kin katom runomser mai pak naor iskei , runa rusu pak elau ki menaal imat me itaasak to natik ntas . § 036-029 Ale katom ru- , runa rupak natik menaal ki , kin go rupo preg lafet kin go rupo pam silu menaal . Natrauswen nen inom esa .
• Interlinear Glossed Text • Utterance view