Text view

015

Recording date1996-03-07
Speaker age80
Speaker sexm
Text genrepersonal narrative
Extended corpusyes
Javascript seems to be turned off, or there was a communication error. Turn on Javascript for more display options.
015-001 Or kafo mer nriki ki iskei . Iskei natrauswen knen § 015-002 komam Limaas . Kineu amai alak esan kaito esan to , § 015-003 pan pan pan apiatlak nmatu go teesa . Naliati iskei , § 015-004 amroki tmak go raitok . " Kafan saofir Ertap ." Go kaipa . § 015-005 Apan pan paakor go ranrik wou kin nag , " Suker nigmam inom ." § 015-006 Anrikir kin , " Matool p̃ulp̃og kafo gamus sol suker mai ". § 015-007 Ana , " Ato kaipa pan lek taata Sailas ." Apan alemsir raito traus atraus pan pan § 015-008 Go kailer mai lek tmak go raitok . Kainrikir kin na , " Kafo pan me matool p̃ulp̃og , kafo gamus sol suker mai ". § 015-009 Amai na asaiki raru , sak ki Ear , raru ito . Me anrikir kin na , " P̃afo ta mai puet raru mau [[ corrected _ to ] Me atli nag , " Kutap mai pa raru mau .] § 015-010 Raru nen kefo to . Me matool p̃ulp̃og me kafo gamus sol suker mai ." § 015-011 Amai anrik mtulep neu ki , " Apu go ati ratiki suker ." § 015-012 " Rapo gar pregptaki suker pan inom rasol tete pret . **** § 015-013 Pulp̃og rik go kaitm̃alu Erakor pan sak Egis § 015-014 panpan pa raru Ear apan tuer ki suker . § 015-015 Kafan go iak mana rana , " Me ag kupan lek maarik Sailas ? § 015-016 Me inriki ki tenamrun ko ?" Ana " Itiik ". § 015-017 Go ranrik wou kin na , " Ipreg nafamwen p̃og rulau panpan ialiat ." § 015-018 Go atok kaisos , Jemis . Ita sees ilakor piatlak ntau atap tae mau isees perkati . § 015-019 Asoso hemia nao Jemis , " P̃afiit mai ." Imai ilauto anriki kin nag , § 015-020 " P̃afak Elaknaar pa . Go p̃alek apu go ati go p̃anrikir kin nag , ' Awo ni Erakor ipato § 015-021 me kina imuur tuluk iskei m̃as itap mur inru mau . ' Raktuok tuluk keskei m̃as , Raktuok tuluk keskei . P̃awesi mai , neu , kefo wesi pan . P̃awesi mai . Kafami ." § 015-022 Maarik go mtulep rato panpan go taata Sailas kinriki kin mtulep nega kin na , " E tete tuluk itok ko ?" § 015-023 Mtulep ita pes mau me ipnut to . Ito panpan go maarik nen ina , maarik ito inrik mtulep ki na , " Kanrikir ki nafsan ni tiawi iskei . § 015-024 Faat sees itp̃ofu raru p̃ur ." § 015-025 Mtulep ito ipan toto uum panpan ipam̃or tuluk inru . § 015-026 Ina ito kaiwisi ina , " Tuluk wan rato ki ." Inrikir kin na , " Malfanen kafo pan lek nafit , go ipato , ni Erakor go ifato . § 015-027 Nafsan matu ni tiawi . Itok kaiwis tuluk nen mai imai mai mai itu esum̃ to . Esum̃ Ertap § 015-028 Imai na isil , kainag nafit nen to , " Kuto preg nafte panpan kin mer mai to faoskin tuluk ." § 015-029 " Amai apregnrogo kia nlaken komam ratok fkaar ipi temak , me kineu afiarkin , kat natrauswen ga inrak laap ito neu traus ." Sup̃ ni tiawi . **** § 015-030 Go ito neu traus itraus iteflan kin na , § 015-031 Natrauswen ni tiawi nen inrik Jemis ki . Ina Jemis , imai itap inriki ki tenmatun mau ? Ina , " Itik ". Go ipo neu traus natrauswen nen kia atraus silua . § 015-032 " Faat sees itp̃ofu raru p̃ur ". Ser nrak natam̃ol imurin nag kefak namoos . Kupan saiki raru gaag ito slaor . § 015-033 Kusaiki raru . Kulek faat faat ne . Faat nen itop . § 015-034 Me faat nen isees perkati . Selwan kumuur na p̃afan kulek faat p̃ur ne . § 015-035 Kulelua faat p̃ur nen kupan lelu teflan pan pa raru gaag kaipak namos pan . Me kusertep̃al faat sees nen . Selwan kuler mai nag p̃anroos raru gaag kefak § 015-036 euut faat sees nen kin kefo tu tp̃ofu raru gaag . Go p̃afo mer kano pa raru . § 015-037 Raru gaag imap̃or p̃afo sm̃oli p̃afo pan . Ipi nametp̃ag natrauswen nen agaag trausi malfanen . Tangkiu .
• Interlinear Glossed Text • Utterance view