Waveform view

ik_cs_kulagha

Recording date	2008-07-16
Speaker age	25
Speaker sex	f
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

Kapisitu toneo. Kerekeredongao. Pa magnigha lae, pa daki mapae te pale Pa daki mapa zu kova gnuba ighia gnubagha. Ze ota patu patu bua bua ze ota patu patu bua bua zeva mama ko ka pozogho kao daki mapasa isangaghue. Daki mapasa tulola, ko bua bua ko zaka teighue ko gnubagha. Ko gnubagha zaka teighue ma. Me ma aiva ave kia, meva me kulagha laka bo paleghue tei. Tulola, ze mama ko ave tulola ze kama zeghajia ota ze mama ko tuvi mane la qilughighue. Qilughi tulola, zeva ota ze mama ko magnigha (la) zeva pozogho patu bua bua Zeva kobakobaghue. Kobakoba tulola, ze boghue ze kulagha zalali teze laka palei tei. Teze bo ze kulagha zalali tulola, ze bo sodoalighue zu lo zeva kulaghae ghoi ae sua. Tulola bo tulola ze kulagha laka teighue ma ave na kati naka pale tai ata Teze kulagha na tei daisa Tulola ze kulagha laka patu patu bua ze kulagha lo madakie te oma dai Ma ko samu kuroli tuka ko memere samu pono te popo la lovughue tuka ze lou tuka ze oma Tulola, ghoi tei bua zepo ze kulagha lo ropo tulola lo ka boghue Bo poi Roko sarili ta boghue Sarili ta bo tulola, lo madaki ko samu kuroli tulola ko ghoi ma memere samu pono. Ghoi popo la lovughue teze loughue tuka ze lou tuka zete ghoma ghoi Tulola kova to tova pade gnubae mane lova samue ko lau seghe sua Pozogho telo ka lou kapu teizu. Lo papaleghae te ghoma. Teze ~~bua~~ bua ko lo ighia totoagha te toma ngai totoa ko na te tei. Pe na ata palei tegne bo ngai jai la Tulola, ko ka ghau lau tulola ko ka boghue kama. Bo tulola ko bo ngai jai la sara tulola ko ka Ulula tulola, ko pa ngai keokeomi laughue kama. Lau tulola ko ghoi ba pa edo sua mili lau tulola ko ghoi ba ululaghue ghoi Ulula tulola ko ghoi pa ngai keokeo ghoi laughue pozogho edo sua keokeomie. Tulola ko ghoi bo tulola, ko ghoi pa mili bo lau tulola, ko ghoi ba ululaghue. Ulula tulola ko pa ighiva sua ighiva sua keokeomi laughue. Ko mi lau tulola ko ka liazaghue magnigha Bo tulola, koko totoazalo bo taka teighue ma pe lo la ngei avetu lo mi ai la Ma laulu kiape ka levoghue kia peva kuroghue ka tei; kiape ka samughue tei. Ze ka kuro tulola ze ka samughue ze ghajia omaze ghoi zeva kulagha lo madaki kumai ghoi. Samu kapu tulola, ghoi izi iva tulola, kova gnari totoa lo ghoi tei ma bua ghoi bo ulula ghoi tei. Ma aghe kama dai toa mi loughu matalie tei. Ko ghoi ko ghau lau tulola boghue ghoi. Bo tulola, ko bo ulula tulola, ko ghoi ma ighia keokeo migha ghoi kakaughue. Kau tulola ko ghoi liaza baghue. Liaza ba tulola, ko ba taqighue ma kurolilu zepe levo tei. Tulola zeva kulagha lo zaba tulola, ko ngai ko ka maremareghue. Ma ~~em-~~ ko ngai ko ka savulighue ma Ma nova madaki kova samu kuroli tukagho oma ave ngai samu te lamevigni soma memere samu pono. Memere pono te popo la lovu tuka ave loughue Ma lovua no na daisa patulo ko adaki gnuba ko Tulola ko izi iva tulola ko ka boghue na; bo tulola ko ka pade oloe boghue omagho kati ghoi liaza ba Ko bo ulula tulola, kova pa mili lau tulola ko bo ululatu lo kova pa keokeomi ghoi laughue Lau tulola ko ghoi bo edo sua mili lau tulola ko pa keokeo lau segheghue. Tulola ko ghoi pa ighiva sua pa mili lau tulola ko ighia keokeogha ze segheghue. Lo te lo ngai muzi amughu na Ba tulola, gho sasi ma kola lo lo legheghu ma tegho pozogho ko mane bo m- ma bo teitu lo magnigha la Tegho sasi ma muzikavili. Tulolagho ota lo ngai piva mane la aluatu, lo ~~ngai~~ poi. Jai na raghei kaotu raghe kuli ba tulola, lo kaba komaqatu Kuli tulola ko kulo jai ghobu la pa ngai katoe pale sua zu lo majali Tulola, ko kuliagho te ka ko majali kato ka te ka bo alui. Ko bo ko majali kato ka alu tulola ko ka ota pade alughue ko kama sasighue kama ko ka Tulola, ko kama lo mi zu lo ghau ka late ota alualeghue Aluatu bua ko kulagha lo mane lo binabina bo ~~sa-~~ ei roko. Bo sarili kuli ba tulola, kova totoazalo ba zuati. Ma ala tegho pema ngai totoa kona tulolagho tei malagho boi ululai ngai jai Lo la, lo ka saka Bo tulola lo bo jai karula pono kova malabo leghei. Malabo leghe tulola lo tei kulo qele tulola tulagho ma leghe lau kabai ko ave soma Qele kaba tulola ko laka teighue ma liaza tei. Liaza keno ai totoazalo pono bo tau kia, me ka ota paleghue tei. Ma agni kama ave zu agni na Tulola lo bo liaza tulola lo ka ngei ave tulola lo ka liazaghue Liaza tulola, lo bo lo madaki, tuvi la sara tulola lo madaki Kali tulola lova bo kao lo rock erili lau kulitu lo la lova lova edo kulaghazalo Tau tulola paeta lujati tulola ze ka lo ngai piva la ghavi Ze kama lo kama oma lo madaki kaka palegho ko madaki lo madaki ko ko ota ko magnighala boghue ko Lo kama ze ka ngai piva la bo ghavighavi kuli tulola, ze ka tei tei bua kulo kama lo ngai piva ghobu toala sara tulola zeka komughue. Komu tulola, dulo ze ka ave zuighue kama. Dulo kulaghagha ~~gha~~ ze ka ave zuighue Aima kapisie teighu pono.

Edit utterance

Text view • Interlinear Glossed Text • Utterance view • Help