Waveform view

07-30-13_Bong

Recording date	2013-07-30
Speaker age	50
Speaker sex	m
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

a pun soo usilii yaapuo soo són san vaven kolom du lan vele kekeli soo kolom du van, kolom idi aloo wiri pamken soo van, kolom tiine pamken kiye mu mu du mwi syep ngale mu du mu luk van, van a kolom du kolom... a bili ke me mee lo pamken mobo kolom vaa kolom kolom sengsengaane vaa kolom páne ngale kolom ane wobuong kevene kolom du kolom sengaane lo pamken kiye van leng soo kolom sengaa van, kolom nonmorone kiikyee soo mwe pwet lon wuó lo pamken ngale kolom weleloo mwe nekne, kolom kie kolop syivye a kiikyee mwe kie ka, E-e-e, saka kan syivye ngyo a a kap sesa lan buruk kap lese tiri ke mwe deedaapwet lan buruk kap idi ngale kolom donga sesa lan baren kiikyee kolom utkuu tiri ke mwe deedaa pwet lan mwe mwe daapwet lan baren kiikyee kiye ngale kolom idi kolom van tyenem kolom van pán maloo em bili ke kolom van kolom soaa tyenem, kolom lese maloo em me pyah mu wuó sógóloo ngyee mu wuó ke mu wuó tere omane ke kolot du meerin ngale kolom idi van, kolom tah pán em ke mu wuó, kolom du kolom longane mu wuó, kolom en mu wuó kolom du lon longane mu wuóen ngale kolom lingi tiri ke mwe deedaa ye mwe pwet lon kemee mwe pwet lon kemee glas soo kolom lingi mwe pwet lon glas soo ngale kolom du van van timaleh man soo mwe pwet mo lóko momiye mwe van van van mwe lese koloo ngale monok, me van mwe pwet mane koloo pán em bili ke me van mwe lese ke saloo tyenem mu wuó maloo em mu wuó me van mu kiyem du pán em kiyem du van van van kiyem pwet kiyem pwet a ngye mwe téé lan saloo saloo syee mwe téé lan saloo syee, mwe lese tiri kiye mwe pwet lon glas mwe deedaa mu wuó ten, mwe pwet lon glas ngale kiyem pwet van van mwe lese ka koloo kolot pwetmalek mwe sesa van mwi idi tiri kege mwe deedaa pwet lon glas ye mwi idi mu mu kuo me mu kuo kuo kuo vaa vaa vaa van mwe pwet koró buluu we soo mwe pwetkoró buluu we soo, ngale me van van van tyenem san bili ke me van mo soaa tyenem san, mwe lese ke tyenem san mwe pyah mu wuó man em mu wuó ke mu wuó ten mwe lese ke an meleh ngyee mwe pwee ngale mwe pwet, me van mwe pwet mwi lingi tiri kiye mwe pwet mwe pwet van koloo kolom tavela kolom lese ke o maloo em mwe sanga ten maloo em tere mon pyah mu tyenem saloo mo sonsone ke mo sonsone a kolom tééne tiri ke mwe deedaa ye, mwe pwettoot a tiri kiye me e tiri kiye me e gol gol ngale kolom kie ka, kolore kiibele ke kolom kiibele ke timaleh man kiye mwe lahne mwi idi me van ngale kolom lówe aloo boosu soo mane kulu soo kolom du ngale kolom bili ke kolom kie ka saloo saloo gol mwe pwettoot kulu són boosu kolom kie ka, akomop tééne ngale, ngale monok boosu són kulu, kolom tééne kolom lóko usilii yen timaleh man kiye kolom van van kolom lóko kolom vaa vaa vaa mu mu tukoró buluu mu mu tukuoró buluu ngale kolom kie ka, abo kuo bo be? kulu mwe kie ka, adop yongkoró buluu we adop van taasi ot ngale kolom seene koloo lon buluu we kolom yong kolom van taasi ot kolom van kolom usilii yen timaleh man kiye van kolom van, van, kolom lese ke mwe pwet tyenem san ngale, kolom van bili ke kolom vaa kolom kolom van pán man em kolom lese kege mwi silipne tiri kiye me van mwe pwet lon beleng koson a mwe pwetmalek mwe pwetmalek gon, boosu, boosu mwe sengane gien me van lon beleng koson gon mwe kisimkuu mwi kisimkuu tiri kiye mu muet mwi idi, kolom kuo kolom kuoli kolom kuoli kolom mee mee mee mee kolom tukuro buluu we mee, mee, kolom mee tyenem kolom idi van, kolom sengane mane yaapuo kiye són san vaven kolom lese kege ot mo sóósóógee teteh tyenem me mesaa mayee em ngyee mu wuó ayee meleh ngyee mo bo kiyem du pán mayee em kolom kie sipa mane kulu són boosu a kiyem du pon kiyem du mu wuó pon kiyem du tyenem sayee kiye gon me e gie punen kiye usilii kemee a yaapuo soo son san vaven kolom mee utkuu gol nane kiikyee sipa

Edit utterance

Text view • Interlinear Glossed Text • Utterance view • Help