Text view

2017-06-30_Ilsong2

Recording date2017-06-30
Speaker age30
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
ok punpunen kelé, punpunen san timaleh ngyee punpun mwi usilii am bye em bye mane mangki bye mane mangki mangki soo kolom kolom du mame biibilen mangki kiye san tyenem mwe pwet lan liióó liióó mwe pwet berae teh gon liióó mwi myuu berae teh, mwe kevat ngale mangki mo pólopwet lam la liióó kiye kevene wobuong, bye abwe teli lon teh, abo yong lon teh mwe bwengbang mane saa saa ngyee diri ngyee bin diri ngyee van, abwe mee abwe (visitem) téélehe san biibilen abwe mee, abwe téélehe san biibilen mangki kolom me van kolom leng musyoo mangki abwe mee abe mela me van tah gumgare bye kolom van kolom kukuoli lon teh a kolom kuolimee mwi lingtahe teteh mwe van kolom gone biibilen me meerin van kolom mee a biibilen kolom kolom longbini koloo kevene (taem) wobuong bye abwe mee be leng soo yaapuo ko tobo yapuo ko tobo san mal san bye ngyee mal san bye ngyee me mese mal san bye ngyee me mese, me van, lam kie mane ka, akop mwe sane vovyoh ne mangki desoo akop longane bu wuó mwe kye saabine bye ngyee me mee kie nam mese nam mese nam mese ne ka nap met ta lam kie mane ngyo ka nap ane vovyoh ne mangki desoo, anap myuu lam notnot okingyeeye ka lap sókorine mangki desoo byen mangki ngye ngye me myuu mwa myuu lan bele tan gon tere tere pwet pwet lon teh kiyem deme ke o Bye muru lé gon bye ku muru lé gon a san biibilien soo me e mangki a ngye gon, abwi idi mangki kiye mee samdyee mal aba ane ka aba ane bonok, abwe lam kie mane ngye mon mo notnot mo longane ma sanga byen ke san biibilen soo kemah ye gon me e mangki kiye abo gone bo be abwi idi mangki kiye mee saa tobo saa mal ke tobo aba ane vovyoh en van mu mu kuo van, mo mu mu kukuo van, mwe lehe mangki betontenok lan wobuong soo mwe kie mane mangki mwe kie Mangki kop mee dop bwengbang muru4 mon dop lelehe ot lon lon teh anap idi ngyak, dop kukuo lon teh, kop lelehe ot mangki mwe kie, mu wuó gon, adop van byen ke ngyak kop e sok biibilen ke mu wuó ten mangki mwi siling lan liióó me mee lantan mwe tahpwet lan madon bye gumgare bye kolom kuo kolom kuo lon teh lon kuo kolom kuogolóó lelehe ot kolom kuovan van van tabwiyo teh mwe kie mane mangki, mwe kie, mangki! kom kiibele sówe? byen sówe nam mee nam idi ngyak dom kukuo lon teh mangki mwe kie, sok biibilen, mo be? bye mwe bye kie mane mangki mwe kie ka sememdyee mal ke tobo me mese me mese van, abwe met, a lam kie mane ka akop ane vovyoh ne mangki desoo, monok, akop longane bu wuó nam idi ngyak ka dop van semem semen mal ke tobo ane vovyoh ne ngyak mwe kie ka, bye! dom e biibilen ke tu wuó ten! ka kop kie mane ngyo bu wuó, anat idi vovyoh ne ngyo, anat mee mane mwe gerehe mwe gerehe san biibilen ngiye mwe gerehe san biibilen ke bye bye mwe kie ka mo be a kom lehe ngyo nam omelé, ngyo ka nat ka nat teli, nap lingi vovyoh ne ngyo bwe saapwet lanóó liióó bye mwe kie, kom peten! yan biibilen, vovyoh ne ngyo nam lingi mo pwet lan liióó ngiye do-m mee lé ka kop longbini ka dop van dop idi vovyoh ne ngyo be mee samdyee mal ke nam pólo van idi lan liióó bye mwe deme ka, te petenen mu ut <<wip>> liline san biibilen mangki kolom vaa me mela van pwet kuo van pwet lan tabwiyo liióó mwe kie mane mwe kie ka bye, doma me e (las) wobuong ke sadoo bwengbangen, sadoo biibilen monok a nam gerehe ngyak gon vovyoh ne ngyo mwe pwet pán em ne ngyo gon, a nam gerehe kop van, nare longbini nan met, doma nam nok, saka nare san biibilen nok mangki mwe kuovan lamwiye bye me van mo longane ma sayee mal ke tobo me met byen tere ane vovyoh ne mangki kiye gon me e samdyee me gie punen sipa ten
• Waveform view • Interlinear Glossed Text • Utterance view