Text view

08-24-11_SaelasJeramae

Recording date2011-08-24
Speaker age40
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
<<bc>ok> sok ih nge Saelas Jeramae nam longbini ka nap pune pun soo usilii famili [vale] ke me van lon anap kie stat en me e sok pun pun usilii vaven soo mane yaapuo soo kolom le, nareloo mwi dyanga vaaa vaaa vaaa san vaven me met ngale me van, me met me van lon bolongli temát bolongli temát kiye woróló, sen san vaven ngyee, sen san man a yaapuo kiye me e yaapuo ne ot Lonbelaa ngale vaven te Lonbelaa yaapuo kiye me pwet vaa vaa vaa vaa mo longbini ka bwe lehe san vaven ngale me van mwe te óó mwi syivye mayop kiikyee mane we ne óó kiye bon me sek ngale me kahe ngye ne monok, me van mu su an óó me van lon san aróówóó mu mu syungane mwe pwet mwe tangele ne mwe pwet lan mwe teli mu usilii woo mu mwe usilii woo van vaa vaaa vaaa vaaa, me van mwe kye mwe kye temát mwe kie ee, nam longbini nap van temát, mwe neknak be van ngye mwe deme ka te met temát ngyee mon lam deme ka te met byen bon me sek ngale me van van van mo soró pán em bolongli tiri kiye mwe sengep me van saa pán em me van van van van yaapuo san temát ngyee me wisi mwe kie, te mee nangeh mwe kie, te mee doma gon ngale me van, me van mwe van lan ke woróló en mu mu mwe kie te mee nangeh, mwe kie te mee doma ngale me van vaa vaa vaa lan ke worósyee en san vaven mwe pwet weren san vanmoro mwe pwet weren mwe tahpwet me lehe san yaapuo me van san van vanmoro mo longsóró ke san yaapuo tere met ngale mwe kie mane san yaapuo, mwe kie ka bili kie ka kop mee kop mee saane ngyo saka kon tangale ngyo saka kon mee peete ne ngyo kop saapwet sorón nane ngyo gon ngale ka nga et dap en lonmalek akop tahtusyo ne ngyo kop ane am meleh ngale kemem akemep ane emem meleh meleh kiye lam kie me e taten ngale bili ke kolom du du du van, wik soo lon bolongli temát kiye kolom du lon bolongli temát vaa vaaa vaaa vaaa mo longbini ka bu utliline san vaven bu kuoli a mo gone yipyep soo mo pwet lan bokorap weren ke me vaa weren van pán em weren ngale mwe kie mane san vanmoro mwe kie ka doma lonmalek adop pwet palen adop kuoli van tyenem ngale kolom pwet lonmalek baasi ne san vaven mwe titisii ngye mwe pwet taali ot en a ngye mwe pwet taasi ot kolom du van van van baasi en ngyee mwe tisii lon limalek kiye mo mo longane, mwe kapupwet a san myuulen mo longbini ka bu utliline san vanmoro mwe kuolimee kolop du akolop lingling ngale kolom du vaaa vaaa kolom kuolilimee mwe kie mane san vaven mwe kie ka kop dumuo a ngyo anap du to ne ngyak san vanmoro mu dumuo ngye mu dudu to kolom mee mee mee saa yaapuo ke tobo mwe mwe wisi koloo kolom kie ka, akolop mee akolop kuoli kolom mee mee mee mee lan ke woróló en mwe wisi kolom kie kolom kie da kie mane ke mu dumuo en gon kege mwe kie ka kolom mee mee lan ke worósyee len kolom mee lan bokorap yaapuo kiye mwe kie ka mwe tipse san vanmoro be mee lan bokorap a san vanmoro me mee mo soaa lan bokorap bokorap bokorap ne temát kiye mu kóókóó mwe kahe ne yipyep bili ke mwe kahe ne yipyep mwe téé lan bokorap mwe lehe kege nono nono kege non non ngale mwi tisi mwi tisi lan vot bili ke kolom mee, mwe kahe ne yipyep kiye san vaven me mee me vanten ten ngale kolom mee mwe tisi nono kiye lan tan kolom mee mee mee mee soró ot tyenem vanten ngyee lam du lam dengdeng se san vaven lam non byen kolom mee kolom soaa kolom mee kolom soaa lam longane mu wuó byen san vaven lam gone pyang soo teteh san vaven me mee lam tah sógóó byen kolom du van van van mwe te nono kiye vanten ngyee lam du lam idi mwe van soró ot Tasa mwe kuolimee lam du lam te Pán ngale punen kiye gon nam longbini nap kie bwe mwetmwet mane me e pun te me e pun soo ne sememdyee famili mane kiyee Lonbelaa kiyem van kiyem utliline sayee vanmoro me mee me mee sayee generation [elingling] me mee sipa kiye gon nap kiye
• Waveform view • Interlinear Glossed Text • Utterance view