Text view

08-24-11_Andri

Recording date2011-08-24
Speaker age30
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
sok ih nge Andri Andri Taho nam longbini ka nap pune punen ot okelé mane Lalinda meerin meerin meerin Lalinda mane Langievot kolore wuwuó ne koloo kolom bweebaa baalen kevene wobuong kevene wobuong kevene wobuong kolom baa baa baa baa vaa vaa leng soo yaapuo soo ne ot Lonbelaa yaapuo soo ne ot Lonbelaa koloo woróló kolom kuo lamwiye kuo lamwiye van van Pesyak okiye baalip ne ot Lalinda lam mee ka lap ta lokuo lam vini vanten soo monok, lam mee lap ta lokuo ka lap van lap pwili ne ngale baalip pwet mwe dumuo sepsap mu dumuo san vanten ngyee lam du lam lóko mu du to lam du lam punguo me yaapuo ne ot Lonbelaa mwe kie mane neknak, gon mo pwet mo punguo mee le punguo me me mee ka te sopsop lamwiye yaapuo [yaap] ne ot Lonbelaa kiye me le [lingkobyene] koduvo mane mo só pán velan okelé baalip kiye mo muot soró tan me meemelip van koloo kolom kingyee Lalinda lam seene vih byen koloo lam oró koloo oró koloo vaa vaa vaa vaa lam lingi koloo weren ke Abel ko ot mwe teta óó weren lam kie me e Lansele a ngyee lam kuoli a koloo kolom van van saa Lonbelaa kolom van kie kingyee Lalinda lam van du pon baalen baalen baalen me mee me mee mwi yah lam notselaane ka lap gone baalen abwe van lantan bobe van kiyee Lonbelaa kiyem van du lon sayee emee kiyem sóró usilii vaaa vaaa kiyem kiyem kie ka adyep mas seseatgóló timaleh desoo ke me mesaa mu adyep idi van kiyee Lalinda kiyem tabini a kiyem téévan lehe timaleh soo tere e timaleh mwe van mwe e mangee soo mwe mee maagee monok timaleh kiye lam kie byen mwe piipili byen me mesaa lam seseat góló timaleh kiye, timaleh kiye san ih nge Daaluan lam seseatgoló Daaluan kiye monok, lam idi lam van lam vaa vaa vaa vaa vaa vaa pwisyah Lalinda kingyee Lalinda lam non ne ngyee kyem kie ka, ngelé timaleh kelé kidyem idimee ka kap tabini ngale monok, baalen abwi dyanga a kap tabini byen kidyee kidyem kidyem tabini samdyee baalip kiyem van sengane lon vele kingyee Lalinda kingyee Lalinda lam tabini timaleh kiye lam saane van lam ane gone timaleh kiye ngye syubuen gon mo gone ke baalen mwi dyanga me tangale lonla kelé lam du mu wuó tangale lonla kelé baalen mwi dyanga kiyee Lalinda kiyem longbini kiyem mee Langievot kiyem mee ngale kiyee Langievot kiyem longbini kiyep van Lalinda, kiyem gone momiye vaa vaa vaa tangale lonla kelé ke wuóen mo pwet pwet pwet tangale misinari me mee tyenem mwi idi gospel me mee tyenem mu gone ke lonla kelé Yaapuo san gyehen mu wuó lan vele kolole gone ke koloo kolom du mu wuó tangale lonla kelé yaapuo ngyee kiyee gon nam longbini ka nap kie mane et sadyee punpunen monok okiye ten
• Waveform view • Interlinear Glossed Text • Utterance view