Text view

nalta094

Recording date2016-04-17
Speaker age42
Speaker sexf
Text genreprocedural
Extended corpusno
Javascript seems to be turned off, or there was a communication error. Turn on Javascript for more display options.
iʔen inetanem ʔo ʔen inaʔda ʔo ti tapeʔ-i iʔiʔe lata-i saka ine <<wip>> tanem pero iʔen ay maganda ʔen a halaman ti paleta-i kaya binudi ʔen a kulay na-i, pink, maganda iʔen ay Gumamela ngo-i sen Gumamela puwede ʔen a iggamot ri ti uwah-i ti busadi-i busadi iʔiʔe ay uwah ʔen kongoʔan mi ʔen ay Coronang ti nik dahil ado te may buddeʔ a in buddeʔ na sid mendoon pa balo menbuddeʔ da gumanda paleta mi-i iʔen te butol sela ʔen pag uwah menbutol sela ʔen buddeʔ na-i iba in seedlings na pag mineʔanaʔ ʔen tiʔsen o tiʔsina alapen mi saka mi itanem mannen iba hela in butol na obram siya a ibudbud ti tapeʔ-i para mendoon iʔen ngo mi-i Coronang Tinik mensangasanga sina ti ado-i tapos memudde sela ti uman-i sen kulay-i niʔnen dilaw diʔaw hela ʔen a doon na-i kulay na-i green hela abdeʔ na-i Koronang tinik iʔen man ay puwede ʔen a iggamot ti talengoi talengoi pagminatalengo ʔa ap pero awon siya bumudde awon awon siya mamolaklak uman na siya sina kong angoʔan mi ʔen ay Dogong siya ʔen ettawagen-i a Dogong pero puwede siya ti talengo-i pag minatalengo ʔa ti sundang-i, obraʔen obram ʔen a ikatas pag talengo ʔena idleng mo ti damet mo-i sakam ipges mo menuwad in talengo, menhilom siyad awon siyad momatlem para iʔina magaling ina ti talengo ni Alta-i, herbal ina iʔed man ʔe kase, doon na iʔe pagka iʔen ay minateʔnag ti tapeʔ-i tumotubo luway iʔen iʔiʔe doon na-i awon sela siya memuddeʔ uman na sen o siya dla ʔen tumtubo in luway pag minateʔnag ti tapeʔ-i tumubod la siya o kaya ti Hitler-i iʔed man-i puwede ʔen ti ugʔug ni anaʔ-i hangan ti uwah-i mennaʔem puwede siya in katas na iʔen iʔen in ahenod in a uwah ay uhhh doon nad la iʔe, awon na ina buddeʔ doon buddeʔ ina buddeʔ bat? oʔo, buddeʔ itan miyu baʔik te buddeʔ awon ina dumedʔel basta uman na sina baʔik na siya iʔen hela ittanem mi sen a uwah iʔen na-i pag intol mo ena ayuh na-i iyuwam siya ti tapeʔ-i awon budde, awon doon, basta in tangkay nad la (what is his name?) Cactus (Instructions: can you tell the names of these plants?) iʔen iʔen ay in uwah, iʔen man Dogong Baka basta in ngadden na ibbidem sela diya para annolen na iʔen man Coronan ti Nik Gumamelad man iʔe siya selad la iʔen in ngoʔ mi sen in Rose pero iʔen ay memolaklak ti a kulay pink te bulaklak pink na pink bulaklak ngoʔ mi-i American Rose, deddeʔel te ittanem mi helad la say uman hela sen kong budim man in ayuh na iʔen ay iyeʔuwah mi mesmaganda ittanem mi sina ay in biʔen ti talbos na-i iʔid man ʔe Ok Okra ʔen ay iʔen ay puwede a iggamot iyeggamot ʔen ti uwah-i agtay iʔen en a aseno sep puwede na a ikkagamotan agtay a oʔo in in matam ay meliʔbet nen te iyelseng kong puwede ʔa a manggan sen ti mata-i in mata annem mo awon mod inluto basta-i inad a ulasan mo siya (can we eat it raw?) oʔo ulasan mo mengalap ʔa ti bagoʔong-i tapos aʔdan mo ti Kalamansi-i puwede meʔaʔannen para mensoli in l linaw ni mata mi oʔo, iʔen obra a annen appetitas mo sep la, ulasan mo ti waget-i annen mod kong kayam a annen kase iʔen pagka in uwad a maiwadde a awon a mo kaya a annen kase pagka in mata kase ado te buduh in uwah na te set in uwah na in uwah na iʔan uman na sid sen allallaʔ awon a budubbudu siya babbaʔik a set pag kaya pag awon mo kaya, diʔaw a meʔuwah ti dilah-i meggetel kong awon mo kaya ina a eʔannen pag mata kaya, kaʔilangan uwan mo siya ti siggem mi o asin iʔyad man ʔe iʔin a iʔen botol a inalap ʔo tapos inebudbud ʔo sen tinumubo pero iʔen gamot ʔen tu busadi-i in uwah, in ti Tagalog-i "pigsa" tapos iʔid man ʔe Apaya iʔen pag dinomʔel siya ti uman-i ʔe membuddeʔ membuddeʔ siya tapos mengiyan inad a ʔelan menʔiyan nen iʔen man puwede ti appendix-i in may butol siya in butol na awon mod a egʔangen anem mo yay pag minalom anem mo yay in ulit nad la iyebbut mo-i tapos iʔid man ʔe iʔid man ʔe Bulalla Bulalla ʔen, iʔen (instructions) iʔen ay kongoʔan/ kungʔangoʔan mi ʔen diyaʔyay ay iʔen ay iyettanem/ ittanem mi ti oma-i iʔen ay mengiyan ʔen a annen mi in butol na a aʔalagaʔan mi ʔen ti isa-i a taʔon, mengiyan nen obran obrad siya a eʔeharve oʔo iʔen iʔen ay pammatagalan a puwedem siya a, habang bulan bulan mengiyan siya bulan bulan matangʔal te precio ti issa a kilo sena ay pag minsan eighteen 18 pesos issa-i pinakamantangʔal ti bulalla-i bulalla ʔen, butol na ʔen a inetanem inalap mi ti mudung-i inetanem ni ineponla ni bimbi inelipat na ti Polybag-i iʔina ittanem luway aʔegʔangen ina pag ittanem luway aʔegʔangen mod ti pangasʔan naʔi mangutʔut ad ti tapeʔ-i itanem siya taʔbunan mod diligdiligen mo ti melamig-i a waget obra mabilay siyad hangan awon mid aʔdan ti pempataba na-i basta matabdeʔ tapeʔ-i obra siya a tumubo ti maganda-i ay bulalla ʔena diʔami kong angoʔan ʔen ti Tagalog-i Rambutan iʔiʔe a pon butol ʔen siyad iʔe iyan na-i saluyod ʔen ti ngoʔ miyi ngadden na-i Saluyot iʔiʔe pag ʔen ay m minalom in butol na siya yay ibudbud mo-i ti tapeʔ-i tapos iʔen ay gamot sela ʔen puwede a gamot ʔen ti agtay sela ngi iʔen tapos iʔiʔe kakaʔiba ʔen saka iʔyay iʔen ay angoʔan mi ʔen a Kutsay Kutsay, gamot sela ʔen ti sipon ni anaʔ-i ad saka in talenga na a in awon meʔettibeng iʔen pwedem ʔen a ipges obra siya a ipges mo meʔegʔang nen in tuleng mo meʔetneʔ ʔad itebeng mo ʔelan-i a dapat a itebeng iʔid man ʔe, Talong butol sela ʔen a ineponla sen iʔen dyaʔyay pag pag awon umʔudden awon siya puwede a illipat ti tapeʔ-i kase mati dapat, pag minentanem a sena a meʔudden may udden melamig tapeʔi dapat siya a illipat awon siya obra a, pag maʔinit, a ilipat kasi, mati siya iʔen iʔen butol ʔen a inetanem ʔo dyaʔyay ginomapang issa sep la ʔen a iʔen dyaʔyay ginomapang siyad ʔen iyan na-i iba in bulaklak na in buddeʔ na iba sela in pengiyanan na m membulaklak siya pero ibaʔin pengiyanan na para iʔen ay eggapangan na ʔen, kaya siya inasʔan ni bimbi ti ayuh-i para may eggapangan siya maaa medali ad la a meʔeppitas isay na siya meʔebbitin awon siya annen ni hayop-i egem siyad la yay sen tapos sed aka, Patola-i isay itam sinad ʔe leledom-i iʔiʔe ay siya ʔen in engadenan mi a Turu a Sitaw iʔen apitti pero butol siya butol a inetanem ʔo butol diyaʔyay tinomobu siyad ʔen minaging iyan na-i obrad siya a eʔannen, eharbessen eʔʔannen mam melanislanis pag inelutom ti asin at bitsin-i tapos siyad ʔen in engada ʔo diʔaw a mayʔiyan ten Amoti a lanut iʔen dyaʔyay ittanem mo ʔena pitasen mo iʔe ittanem mo ʔena menuwah ʔa, meʔipon ti tapeʔ-i sakam siya itanem sina a umansay u umansiʔe ittanemo mo ʔen a umansen para mengiyan umansina dyaʔyay di ado ʔen a tapeʔ a mantanod a ti tanodam mo ʔen ti tatlo-i o epat a bulan saka siya mengiyan ti deddeʔel-i ina mengiyan obramme a harvesen pag ti tatlod a bulan iʔiʔe inetanem ʔo ʔen a butol inetanem ʔo siya diyaʔyay awon sepla siya te duwa a bulan pero pag may epat nen a bulan mengiyan inad mengiyan siya ti deddeʔel-i dyaʔyay iʔen mi in engʔoan mi a Alobasa ngadden na-i Alobasa Alobasa mengiyan ʔen ti ado-i iyan na iʔiʔe siyad ʔen iyan na-i dumedʔel obra hela iʔiʔe, buddeʔ na-i buddeʔ na uman siʔe eʔulamen mi ʔen iʔen tapos geteʔan mo ti Niyol-i a puwedem siya a iggisa, haluwan mo ti dilata-i sardinas, umansay tapos, pag dinomʔel ina iyan na-i masmasarap a eggateʔan iʔen in gamot ni Malaria-i puwede ʔen a gamot (how to make the medicine?) iʔiʔe, doon na-i iʔen ipeʔunam ʔen ti asin-i asin tapos, idton mo siʔe tiʔsen tiʔsiʔe, saka tiʔsiʔe, liʔod mo-i epat a doon ti liʔod mo-i tapos (you have to use it one time or several times?) tatlo a beses a gagawin mo (4 times in 4 days?) oʔo, tatlo a sinag iʔina-i Kardis ina siyad ʔen in ineʔated ʔo iʔiʔe siya ʔen in engoʔan mi green peas a ti ngo ni Alta-i siya ʔen in Kardis dyaʔyay pag dinomʔel ʔen ti tatlo a bulan deʔel siyad siyad yay mengiyan nen in ʔelan a uwah na ado a mengiyan ado iyan na meʔeʔalap ʔa ti issa-i a basket o issa a palangana a a uwah na iyan maganda siya masʔado a te paʔinabangan pag minangiyan oʔo, iʔen Kardis ina butol sela sina, aka, ittanem mi-i siya ʔen i in iyedton de ti latai eʔengoʔan a green peas iʔen in ebbilen tam namud siya oʔo siya ʔen tanodan mo ti tatlo-i a bulan mengiyan nen siya ti ado-i iʔen, siya ʔen in engoʔan a Bayabas maʔapsut siya meʔ ado te butol pero meʔʔan iʔen dyaʔyay pagka may panahon sela ʔen bisad la a sapulo a taʔon kaya bisad la a sapulo a taʔon mo siya ettanodan puwede siya a gamot ni meʔʔettay-i iʔen pag umettay ʔa a ettay a ettay ti waget-i obram ʔen angangalen mo itlem mo in uwah na, in sapal na in katas na, para tumigil in peʔettay mo siya ʔen siyad la issad la a oras pelipasen mo-i Bayabas ʔen adip man? isay itamme iʔiʔe butol ʔen, Mais te ngadden pero butol siya a inetanem ʔo tanoda ʔo sela ti tatlo-i a bulan bago bago mengiyan tapos i iyan na puwedem a illaga at puwede rin siya puwede siya a gamot ni kidney-i oʔo, puwede iʔen in iʔen buh na in buh na maiwadde ʔena a buh ti iyan na-i, siya yay ilagan mi a inomen para magamot in kidney ʔen ango-i sen Mais iʔen (can you also eat it?) o, annen illaga ʔo a annen in iyan na eʔʔannen iʔen mata o? ilotum melanis melanislanis pag mata oʔo aheno kulay in mais? mepoti oʔo mepoti ʔen melagkit diʔami melagkit ina a mepoti a mais iʔiʔe meʔʔalaʔawi iʔen man inomalang ʔen ta asenod iʔe inomalang ʔen ta tiʔsa-i pinenseminaran-i ni nanay Tikkay iʔen ineʔated na ni bimbi ineʔated na diʔen inetanem ʔo diyaʔyay, tatlod a bulan na minangiyan ti meʔʔalaʔawi-i mesarap ʔen a eʔadobon sitaw ina? sitaw a meʔalaʔaw oʔo pag ina ay maganda te tapeʔ maʔuna ʔa, maganda ʔena a tanem pagka maganda iʔe pagkaka uwah na-i umansina wadi-i mas melaʔaw sep sina mas melaʔaw sep ʔen kong uman wadi sena te ganda iʔe inaʔy na-i aʔbangen mas melaʔaw sep iʔen inalap ʔo ʔen para may uwah, sina iʔiʔe inalap o siden kong adidino sena Tiʔel kong angoʔan mi ʔen Tiʔel obra ʔena ti peltag-i eggamiten ʔen pagka in iyedtom mo in ginelat mo a panghulim ti igdet-i iʔiʔe tangkay na-i matandas kase a pempeltag pag may ti'el kase me'tog? oʔo, meʔtog ʔen obra siya ti peltag-i hangan saʔano a bulan mo a gamitin a pempeʔunam sina puwede iʔen obra tiʔsay itam aka iʔen ay in iʔiʔe sid ay iʔen ay tatlo a bulan sela pero kakaʔiba laʔaw na-i apit mas apit-i ten demo siyad la ʔen laʔaw ni iyan na-i mmm iba say iba ʔen ngo na-i sen Salayosay a Sitaw ngadden na-i Salayosay a Sitaw iba yay iʔyay in angoʔan mi a Banur iʔyay aheno in mesmasarap? parehas na sid parehas na kayad appiti appiti ʔen melaʔaw yay oʔo parehas na sid a tatlo a bulan a mangiyan basta minatanodan mo siya ina ay obra hela in talbos niʔnina oʔo talbos, mesarap ʔen a menpalbot a ti waget-i o kaya aʔdan mo ti bagoʔong-i o kaya awon mo budi bagoʔong-i, asin, bitsin tapos, ulasan mo idton mod ten kaldero a mellebut a waget mesarap, melanis in talbos ni sitaw-i? oʔo, talbos ʔen ni sitaw-i meganda ʔena a ulam massustansia ti abdeʔ-i oʔo meʔellakas ti resistensia-i iʔiʔe inalap ʔo ʔen a suhi anaʔ ni saging-i dyaʔyay, inetanem ʔo a six months balom siya metanodan a mengiyan pero iyan-i niʔnen mesarap a talaga siyad ʔen in engoʔan mi a Loria iʔen Loria pag dinomʔel siya menpusod siya pag obrad a ʔegʔangen in pusoh na alapen mo obra sela a ulamen in pusoh na niʔnen a saging pusoh na saka in iyan na meʔʔan a lahat ʔen obra hela ʔen a ubuden mo obra siya a egʔangen mo iʔe uletan mo uletan mo ʔen egʔangen mo siden in ubud na haluwan mo ti sardinas-i mesarap sep a ulam mmm iʔid man ʔe ipeʔunam sina ay siya sela ʔen iʔiʔe malungay-i o, iʔen man, in angoʔan man malungay mengalap ʔa ti ayuh na-i itanem mo tapos, pagka ʔin ay dinomʔel ti epat-i sela a bulan lumlaʔaw sidiʔe tangkay naʔi a siden umʔado siya ta tangkay iʔen, tapos, pag mangalap ʔad ti ulam mo-i siyad la iʔe, iʔen sanga nad la alapen mo-i alapen mo in doon na, obram siya a ulam tapos pag illutom ʔed ipeʔunam siya egʔangen mo in doon na sid ipeʔunam siya o siyad la yay meʔʔani iʔen inetanem ʔo ʔen a ayuh na dyaʔyay tinumubo a ettanoda ʔo ʔen ti tatlo-i a bulan pweded ʔa puweded siyad a alapen a ulamen tapos pag mangalap eʔ nen ti ulam ʔo-i uman na siʔe iʔyay tangkay nad la tapos pag illutom nen egʔangen mo ya-i ipeʔunam sina o tapos iʔen obrad siya a ulam idton mo ten uwah mellebut a waget, isalang mo sakam say idtoon obra hela ina, aka, ti talengo ni tiʔed-i o kaya in ana-a ti ʔugʔug ti ʔugʔug ni anaʔ-i a baʔik sela patakan mo ti baʔik-i a katas ni Kalamansi-i ipges mo ti Kutsara-i ipaʔinom ti anaʔ-i a baʔik meʔegʔang sipon na-i saʔit ni uluh na-i iyuta na in plema a ʔelan ti uwah-i mapepet kase ina pag sariwa siya tapos iʔen man ʔe iʔiʔe bulaklak sela ʔen pero Amarilio siya iʔiʔe pag minatuyo ʔen minalom a egʔangen mo iʔe egʔangen moʔen tapos ina ibudbud mo ti tapeʔ-i tumtubo tapos iʔiʔe doon na-i gamot ʔen ti taʔon ni anaʔ-i, subisubi iʔiʔe peggesen mo ʔen idton ti Kutsara-i tapos tapos ipenom mo ten anaʔ a hangan matid siya hangan matid, awon nen te bilay hangan siya in piptyppiptid te bilay kaya sepla niʔnen a bilayen iʔen Amariliyo Amariliyo ooo, amarilyo iʔen man Tongkod ng langit Tongkod ni langit-i tangkay a inetanem ʔo in ayuh in ayuh nad pero tinomubo tumtangʔal ʔen ti umani sena umʔado in sanga na iʔen pwedem ʔen a in in pito a doon na pwedem ʔen a illaga pwede sela a it pwede ti kidney sela ngi oʔo isay sad awon ʔad iʔen gamot sela ʔen ti UTI-i iʔi apat a oras umenom ʔa ti ine mangalap ʔa ti waget-i a apat a baso iyaseʔ mo ilagam ina atdan mo ti epat-i a baso pag duwa namud a baso minabway-i ten waget na minaʔalap siyad say obramme a gamot iʔina doon naʔi pito a doon na dla illaga mi para maʔegʔang saʔit ni sapang mo-i saʔit ni UTI mo-i a iyesbom a iyesbo in sigem na sid diʔaw a asin minaʔuwah, minaʔipon ti disalad ni abdeʔ mo-i diplet ni abdeʔ-i diplet in in meʔʔan tam sid a diplet ti disaladi a abd eʔ maʔegʔang maʔegʔang pati ʔen ay awon siyad man ʔen pwede sela ʔen ti minapaso-i in minapaso ʔa pwede sela in doon na-i Katakata sela ʔen te ngadden pero iba Katakataka sela siya pero maslet in doon na Katakata a green te doon iba ʔen ad maslet siya aheno in kulay na? maslet pero in doon, aheno in kulay na? violet violet! oʔo, siya ʔen in violet Tigre kongʔangoʔan mi iʔen obra hela in doon na a patobon obra hela in abdeʔ na a ittanem oʔo iʔiʔe ayuh na-i iʔiʔe obrad ina a alapen mo iyuwam alapen mo ʔena ay siya ittanem mo-i iʔen madalid la siya a mebilay awon anig nen adowan a metget a tumtubo eppeʔena bangan mapabuddeʔ medalid la a memuddeʔ Katakataka ina a te ngadden oʔo adino sep iʔiʔe butol ʔen a inetanem manga ʔen kong in ngadden na manga pero inetanem mi sen in butol na inetanem sina tapeʔ-i dyaʔyay matanodan mo ʔen ti sapulu-i a taʔon balo mengiyan deddeʔel deddeʔel siya te iyan pag minalom, melanis pag mata, meʔapsut o adino in prutas dya'yay awon sep la gul mengiyan limma sep la ina a ta'on awon dapat limma sep a taʔon balo mengiyan bali sappulu a taʔon siya balo obra iʔe, talbos na mangalap ʔa sen talbosen mo himayen mo ʔen mangalap ʔa ti kamatis-i alamang mesarap a ulam oʔo mata? oʔo oʔo, mata kinilaw siya kinilaw ʔen melasa a eʔulamen pag minaʔinnaman mo ʔena, aka melasa baka aleʔaliyoʔen mo adino kayad in manga a talbos nga? adino kayad in ulteʔ nen manga iʔiʔe mangod melasa ʔen ettabasan ina, maʔuna ʔa tabasan mi in pon na linisen para ado te iyan kayadla sappulo a taʔon balom matanodan te pengiyan mmm iʔyay na proceso na-i iʔiʔe a ineponla ʔen Guyabano te ngadden Guyabano dyaʔyay iʔen ay ettanodan mo sela ti five years siya a ettanotan mo limma a bulan hela balo mengiyan pero deddeʔel hela te iyan, Aka mesarap ʔen, melanis gamot siya ti highblood-i gamot siya ti UTI ʔelan a karamdaman ti abdeʔ-i obra ʔin iyan na obra hela in doon na a iggamot ilagam sela a umansina inebidde ʔa herbal hela ʔen apat a baso doon a pangegʔang ʔen siden diplet toksit ni abdeʔ-i meʔegʔang na kaya na a ʔelan ʔelan a karamdaman a meramdaman mo ti abdeʔ mo-i pag minangalap a ti doon na-i iʔen illagam siya yay inomem mo-i pagkatapos mo a menggan ti pamaʔas-i obra siya iʔen pag matangʔal matlem mo-i mangalap ti doon na-i ilagam madalid la a tumepde in matlem mo awon siya ma high high blood meʔegʔang na kaya na a ʔelan lalod in iyan na melasa ʔen te iyan, melanis obra sela siya a iggulay, Aka iyadobom in iyan na a mata o in mangod sep matged sep a melom mangod sep gayatgayaten mo iyay ti menepis-i o kaya adobong mo bagoʔongan, gateʔʔan mo mesarap iʔyay isay itam say iʔen Santol kongʔangoʔan mi pon na-i deʔelle peros, kong balo siya mengiyan mentanod a sela ti sappulo-i a taʔon balo mengiyan dyaʔyay kaya ʔen uwah kase, minabagiyo dahil, minaʔtol in ayuh na awon dumedʔel kaya in sinomopling luway siyad ʔen in uwah na in selbud na in pumpalit luway a mengiyan dilaw ina te iyan uman na nidiʔe bilogbilog te iyan ina dilaw may butol sela siya hangan epat o tatlo obram iyay a annen in may butol na-i pag minammod in kulaput na isay ti butol na-i obram ay itanem in butol na in atad nad man obram siya a ipenʔapsut ti iʔan-i pempaksiʔuw ti bangus-i in aheheno a uwah obram siya a iyapsut obram melanis sela pag minalom a iteg pag minalom nen a annen, melasa hela pagmatad man mepakla pero melasa te iyan o, tapos, adino itam mannen iʔen iʔiʔe iʔen ay tinumobo ineʔtay ni mano-i sid a umebbel ineʔtay de tiʔsen tinumobo kong baga umebbel inomiput sid inomtay in manuʔ siyad ina tinumobo innan ded ti addiyoi a ( oma ) inomalang ʔen ti adidino-i a oma kong addino de minatagpoʔan ʔen a pon ni Amsi-i pero iʔen meʔʔan melasa o iggulay melasa a gulay iʔen iʔen man siyad ʔen in talong a inomalang say a inipon siyad siden m, inomalang say ineponlaʔ ina ti tapeʔ-i a dinilaga ʔo ti waget-i dinomʔel tu uman-i say inilipat ʔo kaya siyad ʔen mmm ten meʔʔudden melakas udden-i siya ʔen in kaya tinumobo siyad ʔen talong ʔina talong tiʔsay itam Dragonfruits-i iʔen iniponla sela ʔen butol ni sili-i iniponla ti tapeʔ-i ten melakkas udden-i inepenlipat ʔo sid kaya siyad siden iʔen in angoʔan de a Sili a Taiwan iʔen ado ʔen pag mengiyan siya ado iʔen a adon meʔeppitas ʔad sen ti mga limma-i a kilo pagka minangiyan ʔen a ʔelan mahal ʔen te kilo a tiʔsay ʔan May Maynilai eight hundred 800 php, isa-i a m kaya mahal kaya eʔalagaʔa ʔo siya para baka pag dinomateng sinagi baka siya iyeʔayama ʔo-i iʔen mahal kase ʔina isay itam sa-i, may uwah-i iʔiʔe iʔen in angoʔan a Dragonfruits melasa ʔen te iyan ado ʔen a uwah ado a oʔo, pag ginomapang ado siya pero pag minangiyan deddeʔel deddeʔel a meslet iʔen meslet iʔen ay tanodan mo ʔen ay ti anim-i a bago mengiyan balo mengiyan siya umʔaʔbang inad sina ti a ado siʔe diʔaw inad a uwah pumpeʔunad ina iʔen umansela sina ellaʔawen meʔellawit inad tangkay siyad la ʔen tangkay na-i dahil sangasanga ina mensanga te sanga ano? oʔo diyaʔyay iʔidman ʔe ubi ubi a pagka ʔen ay pag uwah itanem mo umʔaʔbang sela a umʔanig ti patola-i pagka uwah mengiyan in gapang na mengiyan sep ti pon na-i doble harvest mo-i mahal hela o mahal sela ʔen o iʔiʔe ubi gul, ubi ʔena obra hela a igulay in talbos niʔnina obra siya hela aʔehhalayaʔen kong aheno, gagawin a tinapay halaya, mesarap ihalo ti palamani pinakang uwah na potcolor siya ʔina o adino etam sep? minamin nen iʔiʔe ay iʔiʔe in angoʔan mi a halaman a eʔalapen ti mudung-i a memolaklak siya a ʔelan iʔen tangkay na-i bulaklak ina memuddeʔ a ʔelan ʔelan pero iʔen me mepalitan ʔen maiwadde siya a anaʔ a tumtobo tapos memolaklak nen a ʔelan ina tangkay na-i ʔelan ina bulaklak inad a itammo a ʔelan awon nen te uwah oʔo iʔen man ten minabagiyo ami ta mudung siyad ʔen in uwah mi remembrance mid ʔen a petsasawa siyad ʔen ineʔated ni mahal-i sigudo a panginoʔon diʔami para remembrance mi tapos iʔen ay minetuʔad ten bagiyo melakas pagod-i intol nen ela-o indenan na, ineʔusol mi sen binelay ʔod man ʔen pen pendiligeʔo papaʔas, pulab, tanghali, papaʔas, pulab, tanghali awon ʔo siya olayen ti dilig iʔid man ʔe Orchids ʔo ʔen iʔen minatid ʔen minati siya peros pendiligen ʔo, pendiligen pendiligen minabilay siya luway iʔen minabilay minatid ina minatih siya pero minabilay dahil pendiligen ʔo penbebuʔbuwa ʔo ti melamig-i a waget pero meganda siya te bulaklak ado a bulaklak siyad ʔen in angoʔan a orchids Sangumay man iʔe Sangumay Orchids, Sangumay siyad la yay iʔen man siyad ʔen in pengamas ʔod ʔen hangan deddeʔel a ayuh mepapatih niʔnen iʔen pengamas ʔo ʔen adino binili ina? ginagawi na ʔen ginagawi papeno eggagawin? inetangkay ʔo ti ayuw-i ne <<wip>> sulpak ʔo para may polowan siya pero iʔen bineli iʔen o iʔen ay iba ʔen saka iba te polowan dahil pakabig mm umansay proceso-i niʔnen a iʔid man ʔe aheno in ngadden na? gamoon, gamoon iʔen iʔid man ʔe sundang ʔo-i pag mentabas eʔ ti uwah-i iʔiʔe ay umansay panguwah ʔen panghawi pangawid 'o kawit o, kawit, siya ʔen in sundang dyaʔyay siyad man ʔen in gamoon siyad man ʔen in pengamas pag minatabasan nen siya ʔen pag minatapos mod a minatabasan siyad man ʔen gamit mo-i umansay para may tanem man para may ettanemme ʔad puwedem sela ʔen a pengtanem pentanemo mo ti sitaw-i umansay pengʔebud ado ʔen a proceso sundang iʔen gamoon iʔen kawit iʔen sundang a pen pentabas siyad la yay
• Waveform view • Interlinear Glossed Text • Utterance view