Waveform view

NM080903-01bE

Recording date	2008-09-03
Speaker age	72/75
Speaker sex	f/f
Text genre	conversation
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

[ng ke [ng ng xainki xng hooa ng ha xng hoo ng ng ǃqhaa kaǀeen he kaǀeen ng Aremagam, a si ǀʼhoa Aremagam, si ǀʼhoa Aremagam, ng noxoba ng ǀoba, na kaǃkxʼora, na kaǃkxʼora, na kaǃkxʼora, a hng gǀoe ǂqaan xuu Aremagam, hng ǂqaan nǀa Ou hm Gert, a, ǀʼhuunsi haʼa, tyuu xae, a hng ǂqaan xuu tyoxoe, hng sing ǂqaan see Aremagam, hng ǂqaan xuu hng ǂqaan xuu Aremagam hng hng ǂqaan, hng ǂqaan, hng ǂqaan, si ǂqaan, si ǂqaan, si ǂqaan, si gǀoe ǂqaan saa, si saa si ǀʼhoa ǃqhaa he ku ǂunn ǂxoa nǁaa, na noxoba ng ǀoba ʘuun, "nou ǀʼhuun ngke ǁu ki aanki, ng si ǁʼng ǀhuu bekersi ng mieli",, hau ǀhuu bekersi a meel ʘuni, ha aa ng xainkia ng xainki hu ǀai tya guuke ha ha ǁʼaru, ha ǁʼaa kxʼuu, ha kxʼuu, ha kxʼuu, ǁʼaa kxʼuu, hng nǁauka hng ǁaa, a ku nyaqnn si, si ke ǁʼannʼa si, si ǁʼaa, si ǁʼaa, si ǁaanʼa ǀaake, ng xainki ǁʼaa kxʼuu ǀaake, ha kxʼuu ǀaake, ha kxʼuu ǀaake, hau ǂaqe hau dyaqann hau ǃuun ǂaqe nǁaa ng ǁu si ha hoo ǂau hau hoo ǂau, ǁhaa tsʼinn, ha ǁkxʼoo, hnʼng, tya tyhaaʼi, kua ǀʼee ng ǁxaan ǀʼee ng ǁxaan hau saa ha saa ǀaa, ha kaǃaqa ǁhau, ha kaǃaqa ǁhau ǂauǁaa, ǂauǁaa, [hau] a hau ǁhaa kxʼuu ǀʼii, nǀa ha (ǃxao) hng ǁhaa ǁoo, hng nǁauka nou ǁoo, ǂu kxʼuu ǀʼii, ǂu kxʼuu ǀʼii, ǁxobaʼum ǀʼii, ǁxobaʼum ǀʼii, ǀʼee ng tyoxoe, ǂu ǀai ǃqui ʘuni, [ku ku kxʼuu ǁaa gǃai tyiin hngke ha kxʼuu ǁaa hngke kxʼuu ǁaa hngke a ku ǀai tya gao, tyuin tsʼaku, Oupa Andries xng dyee ng ǃʼaia kua xng kua xng ǃʼai tya ku ng kxʼuu ng nǁngke, a hau ǁhoo knn kxʼuu kiriʼi a hau ǀai tya [ǂau] ǂauǁaa, nǀa ǀaake he au ha ǂqau, ha ǂqau, ha ǂqau, ha ǂqau, ha ǂqau, a hau ku ng ǀoba, ǀoba a ko, "tsʼaua na miri ng ki ki", a ǀoba ǃae, ǁʼaa tsʼau, ǀoba ǃae [~~sing~~] ǁʼaa ǁʼaa a hau ǂqau, ǂqau, ǂqau, ǂqau tsʼau **** ng ǁxaea, **** a hau ǀʼee hngke ng xabasi, ǁxaea hau nǁauka ha ǀʼee tyoa hngke ng xabasi, tya ǁhaike see, a hau saa ǂhaun ǀʼee ng tya ǁhaike, ha huni, ha aa ǀoekea, sa aa sa, si aan, si aan, si ain, jy, si ǃqainya, si a si aan aanki ni tyhaaʼi, ǁari si ǃqain si ʼaan aanki ni tyhaaʼi, a hau ǀai tya ǂauǁaa, [ha kxʼuu kxʼuu] kxʼuu kiriʼi, hau ǀai tya ǂauǁaa, ha gǀoe ǁara, nǁauka hu ǁara tyoa hngke, ǁara a, a hau ǀʼee hngke ng xabasi, a hau ǀai ǃao, ha saa ǁhoo, a hau ǂqau hngke hau ǂqau hau ǂqau hau ǂqau hau ǂqau hngke a hau ǀai sifsi, ha sif hngke, ha gǀoe ǁara kike, ja, ha sif tyoa kike a hau ǀai ng tya ǀaake he ha xng ǂqaua ha saa huni ki, ha saa huni kike, hau kxʼuu kabolletjieke ʘuni, huni, ku rollo [a si] si pree pre esi ke a hau aa sa, si aan, ai si kxʼunn si ǃʼhoonkinn aan, maar ǃxaeka si ǁu ain gao, khinn ǁqann, "ai, ma sii, i ǁʼae ou nooi, ǁʼng ǁaanʼa preesi ng ou nooi", "hey ǁʼaea, ǁʼaea ou nooi", ǁʼannʼa ng ǁʼaa, "tyuin xae meidsi ʘuun a ǁaanʼi", "ou nooi, ng khinny ǁqann", kua xng darem lekker [si] ons ~~kom~~ nǀa kaǁhau "ai, ai, ai, ai ou nooi ke xa aaa sa aanki, aaa sa aanki", hau ku, a nǀa ǃxaeka see, nǀa ng sing aa a, aa a [~~roku~~] rokesi ʘuun", "ja, ǁʼannʼa ǃae ǁʼaa ng, ng ǁʼng ǀqxʼae "ma, ou nooi ha nǀa [ha sa a nǀa rokesi [nǀa broekesi ng ke kxʼunn ng gǀoe ǃxaeka ǁʼae "nou a ke [a] ǃuun, a ǁʼae, nǀa a ǁʼaa nǀaa ng tyuin xae ku si aa a", ǁʼannʼa ng ǃaea, [ou ou "gǀa nǀai, rokesi ʘuun ke a", "ja, "nǀaa, gǀa nǀai gao a, ha ng pantysi broekesi he ǂi "au saa ng kadyama a", ǂaasinn gǀa nǀai a ǂannʼama nou", ǁʼng kadyama ng xainkian, ǁʼannʼa ng ǃaea, ǂkhaake ǁʼaa, ki a ke si xng ng ǀʼhoa ng Klapin, Klapin ha xng ki baie daardie en Ester, Ester, a si ng ainki gǀoe ǂqaan, a gǀoe hoo Ou, gǀoe ǂqaan ǁʼae Ou huu tyoxoe ke nou si xng ǁʼaa si ka ǃxoo ǁʼaa si ǁʼaa ǃxoo nǁaa si ǃxoo si ǃxoo si ǃxoo a si nou ng ǃʼoakekerake, si nou ki gunn ngke ǁhain, si ǀʼhoa oa kxʼain ǁhaike, a si gǀoe gaake ǁhaike, ou nooi si ǃxae ǀʼee ki a, si ǀai emmersi ʘuun, "nee, "ai, gunn ngke, dié meidtjies, ǃoe ku ng nǀng, hng tyhann gǀu tyhann ǁqann", "ja "hey aaa knna aanki, knn ke tyhann ǁqann", ǀʼhuunsi ǁʼorake ǁʼaa ǁhaa ǁhau ng preesi, ha ǃxau, a ha ʼaa na ʼa hau gǀoe ʼaa ng ǁaaxea he nǃaaǁʼa ʼng tsʼiin sau ʼain ain, ain, ain tyoa, "meidtjies ǁʼaa, nǀa u ǁʼaauwe ǁxae mirike nǁaake", si ǁʼannʼa si, si ǃae ǁʼaa, nǀa kanǀoake ʘuni, (o) a si nou ǃqainya ǁʼaa si, si ǁʼaa ǁxae, ǁxae, ǁxae o, ǁʼaa si ǁxaea, si ǁʼaa, si ǁxaea, ba nǀa u see, ba nǀa u see, ng ǂaoa (ng) ng dose kamirike ng ǃxaeka, aha "nǀa u sii ǀai ǃhaqm ǃʼuu kamirike", ǁʼaa, ǁʼaa si, si hui, hui, hui, ǂu nou aa sa mari, tyoaa, tyuin xae gǀunuka, halfkroonsi, a ǁʼannʼa, ǃxau ha, a ng ǃae ǁʼaa nǁang, "ma, sa hooa mari", "au saa ng ki a, au saa ng ki a, au saa ng ki a", ng xainki ǀai, "au nou ng ǁʼngke, "gǀu ǁxaea mari", ǁʼngke, "tyuin xae u gǂunn kxʼuu", "sa xng siinsnn nǀa ng kamirike", "o ba si kxʼann ǁʼaa, u hui "ja, ja, ja, si ǁʼannʼa si, [ng] ǁʼuin a ko ǃxaeka, ng ǁʼaa, ng ǁʼaa wanis, ja, ǁkxʼorexa ng ǁʼaa ǁʼaa ng ǂaqe [o ng ǁʼaa, ng ku ng "ǀaaʼa nǂona, a ng nǀaa, ng "ng nǀaa kalaake ng wanis", ja, au saa nǂona ǁʼaa, ai, sny, ǀaa ǁhuu, saa nǁang, "ma, sa hooa sa rokuke ni ǃxaeke, [ng ng ng] "hey kidya xae u hooa kike nǁaa", "kalaake ke ng, si hooa ng wanis", "tyuin wanis", "ng ki nǁa", "gǀu ǁʼaa u ǁkxʼore ǀʼhuun guuke", "nee, ǁu nǁaa ng ǀʼhuun guuke, a si ǂunn, ng xa nǀaa tya kalaake ng ke xa aa Grieta laasi a ko, ha kxʼuua ha rokusi, ǀʼhuun [ǁu] ǁu a ǀʼhuun ǁu ǂaoa kike, nǀa knn kaǃaa wanis", ng xng kxʼuua na Griet se kxʼuua ha ǂaasinn, si ǀʼhuunsi ǁhoen ǂoo ke ǁʼannʼa, ǁʼann, ǁʼaa ǀʼee wanis, ǀʼhuunsi ǁhoen ǂoo, "na xa nǀaa, a ǀoeke ke xa nǁaa wanis ǁaʼen, knn ke xa ǀaia, knn ǁʼng, [~~knn~~] knn tyxaa ng ng karetjie se kaseatke ni xng kaǃaa wanis ǁaʼen", "jy au saa knn ke nǀa ku see nǀa ng tyuu "gǀu xae xa ǁʼae, u tyxaa ǀʼhuun guuke", "haʼa si ke ǁae, si ke ǁae, si ke ǁae, ǁu ǁxaea, ǁu ǁxaea", su ǁʼuni skuldiga, hnʼng, ǁu ǁxaea, ng ǁu ǁxaea, ǁu ǁxaea, ǁkxʼorexa, "hey, ǀoeke ngke", ng ǁu ǁxaea, ou baas ng maar betaal kike nǀng si maar si kxʼainʼin, i ǀʼhuunke, i ǀʼhuunke, i ǀʼhuunke", ǂaasinn tya rokuke ǃxaeke, ǂi ǂaqe, huu, gǀa rokesi dyee a, gǀa xa dyee ng ǁqanna ng gǀa rokesi hey, rokesi nǀaa ng rokesi, ǀhaqoka, ou baas, tyuin xae ou baas noxoba ha nǀai dya tyoanʼa klereke en en nou en en en maar ǂau ja, ǂau nǀa ǂauǁaa, nǀa nǁaa, nǁaa wat my ma of ǃxaeka si nǁae ǀhara kxʼain hngke, ǀhara kxʼain hngke, ǀhara kxʼain, ǀhara kxʼain, ǃqain, maar jy ~~moet~~, [ǁaa ǁaa ǁaa kia xng ǀhuua ǁxann ni ǃʼuua ng tyuin, [ǀʼhuunsi] ǀʼhuunsi ǁhoen ǀhuu ǁxann, kahoenderkea i ǂau ke, o hier vir die hotnot, "ǀaia ǁxann nǁngke, ǁʼaa ǃoo ǀʼee ja sit daar ku nǁae gaake kua i katsamake, ǂauke, hm, lekker **** tyhaaʼi **** [ek nǀa ng kiin, nǀa ng aan, en in ǀhuu ǂʼunn ku jas se ǁxann, ku see nǀa, ǁʼaa ku ǀai ǃoo a ko, ku ǀaa [ku] a [sit] en en en en [j] "o **** nou jy moet die selfte **** nog ʼn keer op die Nǀuu taal vertel vir ons, jy moenie Afrikaans **** praat nie **** **** as jy Afrikaans praat jy moet die dinge nog ʼn keer vertel **** ja, [ki] ki gao a ǁqxʼaqaʼi, ǁkxʼaqla, [ku] ku kama ka, [ku] lekker soo, ku maar ku gaaka ǁkxʼaqla, ku nǁae gaake ǁkxʼaqra, [ku ku ki] ku maar nog ~~soo~~, kua breek "[na na na] na waatlemoenke ʘuni ǂʼainke tsama, ng nǁaka ng ǀaa, ng aan, nǁae tsʼinn, ǁqxʼaqaʼi, (a) as skoonpa khaʼua ha, Ou Gert khaʼua ha, "[knn ke] knn ke ǁu a ǂinn ng koke tyhaaʼi", tyhaaʼi", a ǂinn ǁu huni [na na] na soo na ǀkhii ng ng nǁngǃui a ha ng ku ng Babe ng ku ng ku ng [ng] ng tyuin guuke xae u ǁʼae u dyoa uu ni ǁu ǁxaea aanki", ja knn ǁʼng gaake gunn ni ǁqxʼaqaʼi, ni ǁu ǁxaea tsʼinn ki hng ǁu ǁxaea tsʼinn ki, tsʼinn, [ku] ku, [ku ku si] ku ng ki tyhaaʼi, ja ǂau ǃoon tsʼinn ki, hu ǁqxʼaqaʼi, ǂau ǂaqbe ǁʼae ki, ǂaqbe ǁʼae ki ǁaanʼa ǃoo a ko, nǀa ke ǀqorosi ja, ǀqorosi ke gǀoe ng tsʼaa, ǁhaa tsʼinn Nigel ke xng katyuuʼa "dyisi xae a ǃuun tsʼinn guuke nǁaa, au ǂaqbe ǁʼae ki", tya ǀqorosi ke daar so ǁkxʼaqla, ǀʼaan (Ou ja, hierdie, se groot en en ǁkxʼaqla, en Nigel gunn na ku ng ku, ja [en en en en maar ǁkxʼaqla, maar hng ǁqxʼaqaʼi, ǁkxʼaqla, maar hng ǁqxʼaqaʼi, **** Nǀuu **** [he] he nǀuua, nǁ aa nǀuua, **** nǀuua, ja daardie **** TsʼiiǁXauke [daai] daai wat ki kaǀeen ke ng TsʼiiǁXauke, o ja ons Ts TsʼiiǁXauke, auke TsʼiiǁXauke, ǁkxʼaqla, ǁkxʼaqra, kia ǁqxʼaqaʼi, ʼn vliegtuig ke xng sii ng ǀʼee suin ng ki ki tya ǁqoe, [nǀa nǀa nǀa] [ni] ni [ni] ni ku vlermuiske, tyuin xae, gunn ngke ni dyaqnn tyiin ng ki a ha, ni ku vlermuiske ǀqhuisi xae; <<bc>> o hierdie na ka a knn knn zeqe tyiin ki a o [ng ng Koeitjiepan ek en [en ǀqoro si ǀai kike, ǃʼhau kike, ni tyhaaʼi; nou die ǃoo a hau ǀai ǁhau ki ng ng ǀʼii, a hau ǀai ǁhuu ki ng a neti ǁxom ki nǀaa, nǀa a ǀai ǁhau ki kroon a ǂqau ǀʼee ng ǀaake, ai kia tyhaaʼi, o kia tyhaaʼi, kia tyhaaʼi, tya ǁu gareki ǀhoqo ke tya, ha ǃʼai (ǃʼui ǃʼui) ng ǃuun (ǂee), (gǀa) ǀai ǀai [ǀai] ǀai ǁhaa [ki] ki nǀa ki ǀhuike, ki suin ǂxubi ng tyuin xae, tyuu xae ki ǃʼai, ǃʼai ǀkxʼabaǂʼaoke, hng sing ǀai ǃhaqm ǃʼuu ng, gunn ngke, gunn ngke ni ǃʼhaunwa ǀhoqoke ka ǁʼorake ni ǃʼhaunwa hng ǂxubi ng nǀaa ǂxubi, hng ǃʼhaunwa ǂxoa, hng ǁʼuni nǀai na tyaa, ǀhoqoke ngke ni ǃʼhaunwa ǂxoa, tyuin xae knn ǂxoa, nou [~~tya~~ ~~tya~~ ~~tya~~] tya ǂxai ng Mamatjie he xng ain ǁkxʼaqra, ǃoe ke ku ng nǀng, ku xng ǃae ǁʼaea ku ǃhui, [ku ku kua nǁaa, ja **** okay, dankie, dankie, ****

Edit utterance

Text view • Interlinear Glossed Text • Utterance view • Help