Waveform view

NG071114-01_A

Recording date	2007-11-14
Speaker age	73
Speaker sex	f
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

dya mos nǀaa kagǃaeke kagǃaeke ǀaeki ʘuun he ǃxooa, a ha ǁʼaa, ǁqunnǁkhaa a ha ǁʼaa, a ha ǁʼaa, ku ku ng koke ǂaan [ngǁ] nǁang-ǂee koke ǂaan koke, "jong, na nǀai ǁaiǀqaa he ǁu gariki ǀhaqoka, gǃae, gǃae ǀaake ke, a ng ku ng ǀaeki, ng si vanaand ke [ng si] saa, ng ǀqoqon", a ha ku, "kiʼa siia, dya ǀqoqon, vanaand ke i ǀqoqon", a ǁqunnǁkhaa a ha ǃae, ha ǁʼaa ku ng ko ǂaan koke, "tyuin xa", "gǀu ǁxaea, na nǀaa ǀaeki ʘuun he nǁaa [he nǁaa] kagǃaeke kagǃaeke ke ki ǀaake jong he kebeke, dya si vanaand nǃuu, nǀa i ǁʼae, i ǀqoqon", a hng kxʼuu tyoa, hng kxʼuu (gare), hng ǂaqe, ǀʼee, [~~ngke~~] a ha mos xng [~~mos~~] nǁang-ǂee, gǃae ǀaeki hng saa, ng a hng saa, "ǁqunnǁkhaa", "ja", "siiuwe, ba si saa, u ǃʼhaun ki a, a ǂaan ng ke si ǃxaeknn, knn ke si ǃxaeknn ǀxoo, knn ke si ǃxaeknn ǀxoo", ǁqunnǁkhaa ha soo, "jong jong gǀa nǀai, ku ke ku ke ǁʼngʼa", <<id>> jong dyisi xa a ǁu aa na ku", a, jene, na si ǂamʼa a, [ng] ng kaǀeen ke ng ǁqunnǁkhaa, [ǁqunnǁkhaa]", nǁngǂee ǀxoo, a hng (ǀqoqon), a hng (ǀqoqon), a hng (ǀqoqon), a hng (ǀqoqon), a ǁqunnǁkhaa ǀai, ǁʼaa ha ǀai, "oo tiitsee, tyuin xe ng si kxʼuu ng ǁhaiǀaa a he ǁu kareki ǀhaqoka", a ha si ǃoon dyaba, a hu ǃʼuri, a hu ǃʼuri ha blomsi, nǁae [a [a hu, a [a hu] dyaqnn ǁaa blomsi, "jy, nǀng si dyee kxʼuu, jong, a si aa na ǀaeki a", "hetse gǀa ǂʼainka, ng si kaǃkxʼora nǀa a, na si ǃoon ǀai a, ke ng si ǀhaa a, so xuua ǁhaiǀaa, ng si ǃxaeknn ǃʼai ha", "tyuin xa a kxʼuu, siia ki a", "ng kaǀeen ke ng ǁqunnǁkhaa", "na tyuu, ǃxae [ng] a ng ǃxae eers aa nǁngǂee ngkea aanki", "ja, dya si ǃxaeknn ǂxoa", a ǀaeki ʘuun gluip, a (hng) ǁʼaa, ha ǃaa, "ǁqunnǁkhaa", "tyuin xa a ka", "nee [na si] na halfbooi u, [a si] ba si ǃoon ke u si ǀqxʼae na, kie u ǁʼaa, [a a nu saam bietjie halfbooi u, maar i ǁu si ǁʼae haru, a i se xauke si ǀʼaake", ǁʼaa nǁaqaki, (nǀa), a hng ǁʼaa, (he) "gǀa nǀai, na ka ng nǀau a, gǀa ka a nǀau ng, na ka ng (nǀau) a, a ǁu kareki mooisi, [a a mos ǁxaea, (~~k)e~~ i nǀau, ke a nǀau, au ǁʼaa xuu [a] a nǁngǂee", "kiʼa", (a ha) ja, "ǃxaeka ke i ouke si ǂxoa, nǀa i nǀau, a dyau tyuu, knn dyee ka, maar a ǁxaea mos, dya si mos nǀau ng kerk, nǀa ouderling ǀqxʼaea ia", "ja", ǃxaeka [n] [ǀ] "gǀu dyee ka", "na ǂaoa ǀaeki", "ǀaeki dya", "gǃae gǃae ǀaeki", "nou sii, i ǃʼuun, i ǁʼaa, i tyuuʼin tyuin xe ǁqunnǁkhaa gunn, nǁngǂee ke si ǃaan, hng si tyuu", "tyuin xa u ǁaaʼin", "dya ǁaaʼin ǁhaiǀaa", "gǀa ka, ǁqunnǁkhaa", "gǀa si nǀaun ku", "na nǀaun ku nǀa ng hunike ǀee", "ba mos ǁxaea, ke ng nǁaa pansi, pansi a soo tya versi soo", "ǁqunnǁkhaa gǀa dyee ka, oh jene, gǀa nǀaun ǀaeki "na ǀai ku", "maar u si ǃaa, dyisi xe ng ǂxoa", "ng si tyuu", "ǁqunnǁkhaa [~~gǂii~~] gǂii, a ǁu si ǂaqma ǁʼaa ǀaeki ʘuun a, gǀa ǁxae, ki dya xa a kanǁaai", "na kanǁaai berge", "gǀa kanǁaai berge", "kiʼa, na kanǁaai berge", nou "ku dyee ka", "nee, kua si kanǁaa, kua saa, kua si saa, ku kanǁaa ng", [a mos dya knn ke ki dyee knn, "gǃae gǀa dyee ka", "nee, dya mos nou ng ke si mos nou ǁʼae a, of tyuin xe a ka", "nee, ja", "na ǁʼaa, ng ǂaqe [u] u ǃuu, na ǁu ǁxae, u ǃuu, [a ng] ng ainki gǃai soo ǃʼaun, nou u ba mos nǁaa kaǁuruke, nee, maar xuu, gao ǁu nǁaa tyoxoe", "o, nǀaun, nǀaun vandag", uu, gǃae ʘuun gǃae ʘuun gǃae ʘuun kaǃkxʼora, a ǁʼuin a ǀhee ǁʼnga, ha ke ka, ha ǁʼaa kaǃkxʼora, [a [a [a [a [a a hu kaǃkxʼora, a hu kaǃkxʼora, a (x) kaǃkxʼora, a ha kaǃkxʼora, a ha kaǃkxʼora, "o, ǁqunnǁkhaa dyisi xae u ǁu kaǃkxʼora", dyisi xae ng si ǁʼaa, ng kaǃkxʼora, na mos ǁu ng ǀoba, a ng mos ng nǁngǃui", "o, maar ng [ng] na si ǁʼaa, ng ʘunn, a nu ǃxaeka ǀqxʼaea a", a ha kxʼuu ng kxʼuu, ǁʼaa ha ʘunn, ǃxaeka, "ai, "ǁqunnǁkhaa na ka ng ǁʼaa, ng kaǃkxʼora", "ja, siia, na si saam ǁʼae", saam ǁʼae, saam ǁʼae, "gǀa nǀai, ǁqunnǁkhaa, ki a ke i ng kaǃkxʼora, want ǃʼaun i nǁaa ǃʼaun he groeia, gǀa ǁu nǀai ǃʼaun, ng nǁaa ǃʼaun, ǂaq(ea) ǃʼaun", "nou, kaǁuruke a ǁu kaǃkxʼora ki, ag, a ǃauka ng ka ǁuruke "kaǁuruke ke si kxʼuu tyoa ng ka ǃuu", "nee, na si mos ǁʼamaa a", "nee, man, a ǁu si ǁʼamaa ana, ǂaqe ng kaǃkxʼuu, ng kaǃuu ke si tyoa, hʼn-ʼn", a ha suin, "tyuin xa a kxʼuu ǁqunnǁkhaa, gǀa kxʼuua na kaǃuu, na ǁu si ǀai tya kaǃuu, want daai kaǃuu ke hʼn-ʼn, [ke] na si xuu a", "tyuin xa a ǂxoa, tyuin xa a ǂxoa, a ng nǀng ǀaeki, na ǃʼhoeʼa a ng gǀa xaukuke, so gǂii tog kxʼuu ʘʼuiʼia ng ǀee", "na si ǁaua a, ng si ǁʼae", ǁʼuin nǁaka ha ǃare, ha ǁʼaa, ha nǁaa "nee, siia, a saa, a nǀaa ng kaǃkxʼora", a ha ǀai, uu ǁqunnǁkhaa nǁaa, ha nǁaa, (ha) ǂaqe a ha kaǃkxʼora, a ha kaǃkxʼora, [a a ha ǃʼuri tya tya blomsi, ha ǁxoo ku, "na ǁau a, na nou ǁʼaa ng ainki ǃuu, ng ainki ng xainki nǁng, nǀa a nǀaa, gǀa ǁu nǀai, ke ng kaǃkxʼora, na ki ng blomsi", "ng ǁu si ǁhuu u blomsi", "a u ka nǁaen, u nǁaen ke ng ǃoo, u nǁaen ng berge, na ǁae ǁxaea berge, ng ǁxae i xainki nǀa i ainki dya nǁaa berge, (i) ǁu nǁaa panke", "eh", "dyisi xa a ǁu nǀai, i kaǃkxʼora ǁaa i ng ǂaoa, ng i kaǀeen, u ke ǀaia ng, (ba kanǁaa) ba nǁaa berge, u si ǁʼaa ǁain kaǁuruke, na mos nǀaa a ng ǃaea", "ai, jene, ai, jene, ai, jene, gǀa rêrig kxʼamki xuu (ng)", "na si xuu a, want a kanǁaai kaǁuruke, a kanǁaai kaǁuruke, na nǁaa groen ke ng nǁaa, ǁu kanǁaa kaǁuruke berge, kaǁuru ke kike, so ng ǁʼarua", [a ha a [a [a [a a ha ǃao ha, ha pronk, ha pronk, ǁaa blomsi, ha ǃʼuri tya blomsi, a saa ha ǃoo, a ~~gǀa~~ [~~gǀa~~] gǀa ǁu nǀai, a mos nou nǀai, ke ng ki blomsi, so ng ǁʼaa", uu, ǁʼaea, (ung) u ǁxae, "a ǁu si uin, a ǁu si gǀoqe dyaba, a see ng, want a ǂaqbea xuua ng",

Edit utterance

Text view • Interlinear Glossed Text • Utterance view • Help