Waveform view

NG060718-02cA

Recording date	2006-07-18
Speaker age	73
Speaker sex	f
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

a knn kxʼuu vergadering, "jong, kama dyaa xae i si kxʼuu sports", "nee, a si mos ǂxoa nǀa i, ǂxoa nǀa nǁangǂee (ng) knn ke mos ki nǁangǂee ngke he si ǃae", "ja", a knn suin vergadering, "nou gǀa dyee ka tyuu gunn xae si ǃxaeka ǃae", "nee, i ke na mos ǁxaea ng, a gǀoqe ǁxaea a, a mos ǁxaea a ng [a ke mos] a ng sports ǃuu, a kapeinsi suin", a knn ǀʼee vergadering, knn ǂxoa, knn ǂxoa, a knn ǂxoa, a knn ǂxoa, nou ǃoqeke hoeka klaarsi a hng si mos nou ǃxaeka ke, knn si mos nou ǃae, nou ja, knn ba si hunike sii, a bau saa, u klaarsi nǁaa, [ng nǀnga] ǂaqe, u mos ng ǁxaea sportsi ǃoon ǃaauu, ke knn ke mos kanǁaa agtermekaar, ke u si mos nou nǁaa, [a] a [ng ke he ǃxooa, ke si nǁaa, gǀa ǁu ʼng ǃae ke u si ǀhee ǂʼaa ǀhee ǀʼii, [~~angs~~ ku si ǃae ǃare ng ǀhee, a knn ng kxʼuu, ǁʼuin nǁaka ha, hoenderke nǁaka hng kxʼaa tyoa, a knn kxʼuu tyoa, knn nǁaa, ǁʼuin ǃoqe ǁʼuin, maar ǃoqe nǁaa ǂqhaa, a ǂann ngke knn ke ǃʼuu he ǃxooa, "gǀu dyee ka", "dya si mos nou tien uur ǁʼangʼa i [ng] nǁangǂee xaoke, xaoke, xaoke, staan, a hng nou ǂaqe sports, si nou ǂaqe, ja, knn ǁʼaa, knn nǁaa, ǂann ngke ǃoqe nǀa ǂhera, a mos ǁxaea ha ǃaeki, ha si ǃoon ǁʼaa ha ǁhooa ha [ha ha [ǀ] a ha ǂquu gǃai tyiina, [ha] ha [ha] ha [a], knn nǁaka knn ǁʼaa, knn nǁaa, "gǀa tyoa, ǃoqe gǀa tyoa", "nou gǀa dyee ka", [ng] [au aia] a i mos ki ng ǃae, dya mos ǁxae motorkarsi ke ǁu ǃae ǀʼee ki, a knn ǁʼooke mos he ǀai ǃuu, ki nǁaka ki ǁʼaa, ki [ng] suin a ha mos ǁxaea ki, ha si ǃoon ǁʼaa ki suin, ke ha ǃae, ǃoqea gǀoqe ǁxaea, ha ng ǃae, maar kia ǁu ǃae, ǃoqe kia ǁu ǃae, a ha (jee) kia nǁaa, kia ǁu ǃae, a ki nǁaa, ki si ǃoon ǂhuun ǃʼuu ng ki a, ke kama tya gao ke ki nou nog ǀhama ǃoqe nǀa nǀa dinges, (knn) knn ke ǁu gareki ǀhama kxʼuua, knn ǁʼaa, knn nǁaa, "gǀa dyee ka", "ng ki a ng", "gǀa ǃae", "na ǃae, na nou ǃae", knn ǃae, ǃae ǀʼeea, ǀʼeea, ǀʼeea, ǀʼeea ǀhee, dyaba knn ǀʼee ǀhee, a tyoe ǃae a ǃuu koa ǃoqe he nǁaa ki a, tya ǃoqe kia ǁu ǃae, a tyoe tyoe, tyoe si ǃoon ǃare ng ki, a [~~tyoe~~] ǃoqe ǀʼee ǀheesi, ki nǁaa, tyoe a ha ǁʼanna kia ǃae, ki hoo ǃooke ng, (ǀʼaan), "ǃoqe gǀa dyee", "ng ki a ng, na ǃae, nou ǃaea, a ng ǃae", ki nǁaka ki ǁʼaa, ki ǁxoo ki nǀaa ki [ki nǀaa ng ki kaǂaunke, ǃoqe ki a ha nǁaa [ǀʼee], [ha] ǃʼuni ǃʼuun, ha ǀʼee a tyoe (ǂhui) gǀoqe ǃaea, (ǃuu e he nǁaa ǁqhaan ke), [a ke a knn, knn ke mos nou ǃae sports, a ki ǃae, ki nǁaka ki ǃae, ki soo ki ǃae ki, ǃoqe ǂqhaa ǃoqe [ko] ke nǁaa ǁqhaan ke, he a ki ki a soo, kia tyoa, ki ǀʼumsi ke ǁʼanga, kia nou tyoa, kia nou ǀʼaa, ǃoqe ǃae ǁʼanga ng ki, volstruis kia nou tyoa, dis draai hy dis maar het (ǀom) (tra) (ǀhunu) sunn ng ki, ǃoqe kaǃqxʼuu (ʘoni) nyaa, kia gao ke ki kaǃqxʼuu ǁu ǀʼaan, ǃoqe ǃoqe kia net so (ǀʼhooa) koa, ǁaa kia ǁʼnga,

Edit utterance

Text view • Interlinear Glossed Text • Utterance view • Help