Waveform view

NE080825-01_A

Recording date	2008-08-25
Speaker age	65
Speaker sex	f
Text genre	personal narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

**** allright, jy kan nou praat, **** ǁʼuin a ko ke xa si ai, Afrikaans **** nee, jy kan ook op die Nǀuu taal **** begin, **** ǁʼuin a ko a si xa nǃari ǁʼaa Botswana, si ǁʼaa sii, nǀa ǀoeke ǁʼng ǀqoqon, a si ǁʼae, si ǁʼaa, si ǁʼuin a ko si khuuǁʼng, dyaqnn tyiin, dyaqnn tyiin, dyaqnn tyiin, a ǀoeke nou ǀqoqon, ǁhaa eers nǁngǂee nǁngǂee ng koke ǀqoqon, a, Schmidtsdrift se nǁngǂee ǀqoqon, a hng kxʼuu tya koedoe ǀqoqonki, maar ki xa ǀhaqoka, kinn ǀqoqon, kinn ǀqoqon, nǁngǂee ni nǃona ǁʼng, ǀqoqon, ǀqoqon, ǀqoqon, ǀqoqon, a eland kama ha ǁʼae dyaqann ha ha aan, ha aan, ha ha kiin, a ǂaan ng koke nǁngǂee ni ǃʼuu ja nǁngǂee ni ǃʼuu dyaqnn, ǀkxʼoan, ǀkxʼoan, ǀkxʼoan, ǀkxʼoan nǀa ǂhunn, ǀkxʼoan, ǀkxʼoan, ǀkxʼoan, ǀkxʼoan, ǂhunn hoo, ǂhunn hoo ki ki ǂhunn ǂkhaake, ǂkhaake, ǂkhaake, ha hoo ki, ha baqoke, ha baqoke, ki ʼuu ki ǂaoa [ki ki] ki ǃʼhuun, ǂhunn, ǃʼhuun ǂhunn, nǁngǂee saa, saa, saa, saa, ǂoo a ko nǁae ǁqann ki, ǂoo ko ǂauke ǂhunn, ǂoo a ko ǁqann ki, ki kiin, kinn ǁqann ǀhaa ki, kinn ǃkxʼao, kinn gǀoe ǀqoqon saa, ǀqoqon saa, ǀqoqon saa, a nǁngǂee huniki ǀqoqon, ǀqoqon, ǀqoqon, ǀqoqon, ǀqoqon, ǃʼoakekerake ǃqoeke, ǃqoeke, kinn ǀqoqon, ǀqoqon, ǀqoqon, ǀqoqon tyoa, a ng ǀoeke xa gǀoe ǀqoqonwa, hng ǀqoqon, ǀqoqon tya ǀqhuisi ʘuun ǀqoqonki, ǀqoqon, ǀqoqon, ǀqoqon, ǀqoqon, a hng ǁʼng ǃqoeke, hng ǀqoqon, hng ǀqoqon, a ǁhaiǀaa ng ǀai ǁhaiǀaa, ng ǀʼee ng nǁng ǁaʼen, si ǀqoqon ǁquu ha, si ǀqoqon, si ǀqoqon, ǀoeke ǀqoqon, ǀoeke ǀqoqon, au ǁquu ǃxaisi ng ǁhaiǀaa si nǀaa a ǁhaiǀaa ǀqoqon, ǀqoqon, ǀqoqon, si ǀqoqon, ǀqoqon nǀa ǁhaiǀaa, ǀqoqon tyoa, nou ǀqoqonke huniki xa nog nǁaa tyoxoe, ng ǁu ǁxaea, [ǀqoqon] ǀqoqonke ng koke se ǀeen maar ǀqoqonki xa kebeke he kinn ǀqoqon

Edit utterance

Text view • Interlinear Glossed Text • Utterance view • Help