Text view

NG091103-01_A

Recording date2009-11-03
Speaker age73
Speaker sexf
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
(a ǁabe) a ǁabe ku [ng ng] ng "môre" "môre" tyuin xae a kxʼuu" "na siinsnn ng nǁang siinsnn na mos ng ǂoo" "ai jene ǁabe na ǁxaea ke e a mos ng ǂoo" "a mos ǁxaea a mos ng ǂoo" "ja na ng ǂoo tyuin xae a ka a ǂxoa" a "na mos ǁxaea ke a nou ki dyaa xae ǁʼaa" ee na maar ng siia ng gǀa ng saa ng nǀaa tyuin xae a siinsnn van u ǁu gareki dyaqnn ke ng gǁaa ǁaʼen ng ke maar saa ng saa ng ǂaqe of a a mos ǁxaea na uina tyuu xae si ǀhaa ng ǁu ǂa si ǀhaa ng nee na ǁu ng ka jong xuu (a) gunn ngke a mos ǁxaea ke a i nǁaa i ǃuu i ke si mos ǃaa i nǀaa i ǂaqe nǁangǂee want hng xng ng voore tyd ke knn xng knn ke ǀhii ǂi u u hey ǁabe gǂii gǀuua gǂii gǀuua na mos ǁxaea ǃxoo ki ke a ng ka want a ǁxaea tyuin xae a kxʼuu nǀa nǁangǂee koke nee na mos ǁu ǃʼhoe a (e) si kxʼuu ǁaa a nou ng ǂxoa ke a ka a ǀhaa ng gǀa siia nǀa (tya tya) tya plansi na ǁu siia nǀa tya plansi" "ng ǁu ǃʼhoe a planke a ng saa ng ǂaqea gǀa dyee siinsnn nou ja na siinsnn tyoa ng siinsnn ja, jong, gǀa siia a saa a ǃaa tyuin xae ǀʼii soo ng" "nee ǁabe gǂii ng kua" a ng ng tier na ng tier" mm "na mos ng na mos kua a saa nǀa a ǂxoaki "gǂii ng kua nǀng na mos ǁu ǃauka ǃui ng ǃauka ng van ng ǁxaea tyuin xae ǀʼii soo ng" "oo gǀa ǁxaea tyuin xae ǀʼii soo a maar na ǁu ǁxaea van ng ǁu ki maar ǃui si gǀoqe saa ǀʼee ng ǀqxʼaa dya si ǁxaea ng ǀeen hey ǁabe a gǀuu a gǀuu a ng si ǃoon ǀii a na si ǀii a nǀa ǀqxʼaa he ǁʼoe ke ng si tyxaa ǁhuu a xuu <<id>> [hh] ǁabe a gǀuu man a gǀuu" "jong gǂii ng kua" na si ǂamʼin a wragtig ook na si ǃoon ǃʼaauu ki a ke ng si ǂamʼin a" tier gǀa gǀa ng ka ng ke ng ǁabe ng ke ng ǁabe tog saaa ǀii ng saa a ǀii ng van a ǃxooa (hot) jong a ki ǃʼaa uu a ki mos kamma nou ng ǃqhoeki, siia ki a siia ki a ha saa, ha tyhann a ǁabe ǃʼaa uu, kamma dyaqnn ǁʼaa ou tier ha soo, ha nǁaka ha ou ǁhoo ha ǀqxʼaa a tier ǀii ha ǀqxʼaa tyuin xae a kxʼuu, gǀa kxʼam ki kxʼuu gao a (he a ǂ) he ja nou ǀii ha ǀqxʼaa a ǃoon ǀii ha ǀqxʼaa a ha dyaba ǁabe ǁabe ku "oo dankie a a dyaba ng, nou ke a si ǂʼiin a ha dyaba (a ha) ǁabe nǁaka ha kamma dyaba gǀoqe ǁaa tier here tier nǂai a ha gǃai suina a ǀii ha a tyxaa ǁhuu ha nǀaa (ha nǀaa) ǀʼee ha kaǀqxʼaa ng nǀaa, a ha tyxaa ǁhuu ki a ha tyiin ki a, ǀii ha nǀaa ha ǂaqma ǁhuu ki nǀaa nǂaa maar kika dyooke ke ǀʼii tyaa ha xuu
• Waveform view • Interlinear Glossed Text • Utterance view