Text view

escape_de_la_hija

Recording date2002-08-02
Speaker age56
Speaker sexf
Text genrepersonal narrative
Extended corpusno
Javascript seems to be turned off, or there was a communication error. Turn on Javascript for more display options.
loy ij loy ij kenaːpa senyoraKaterine noj tochichikaʔnej majni asnay'łi naj Peru. rimełna'uj papa'ne oj roya, mere' ro:ya. aha mere' ro:ya jirandi:ni oj rimełna'us. bo jayna asko asałepi:na ij majni. bo oj jayna eskwelanawa'i. aha che jayna. Uj kwey ninła noj roya kaj dira chiwa'us. kaj joy salnawaʔus ʔoj joynaʔus ban jayna asko niy'łi oj roya. bo jayna iy'łi kwey rimełna. che kaj chiwa'us, che jayłe... ban usko ya:nikaya kuj papa ij ya:nikaya kuj Ernan, uj kwey "Dokoy", jankwa kuj kaː rey chiwa jankwaʔus "Bo ka'de' naj jayna dumaye:wan koj asnan di' joynan, jayna joycheł", jankwa'us. "kaj rey rujkawawajway'bi. bo ja' ij asu'niy'bi ney." "Dokoy ya:ya'", jankwa uj m jayna asu'ni'is. ban iso' is majniwa'is jayna ney mere'e, obe kuj ona:cho, uj bijawwe. obe kuj Ne:ne, janné'us. jayna rey jo'yaj oj piyesta di' naj, na'ko naj Peru. noj jayna siye:te de otu:bre, che i'ne to'chi' i'ne, jo'mi sota'tino:na'kwi tochi'. jayna ilo:ni, sota'tino:na'kwi i'ne. m che joychełiy'łi noj prosesiyón joychełiy'łi. che noj joyaːłe iʔne che noj jayna imayni, noj jayna chi:chiy'łi noj vayełway'łi jayna noj lo:los. nij juyeni di' te:lo che ij kuyna:na' nej me:sa ba:ra. joychełiy'łi, ela:na 'ne, nonna 'ne, bo di:ra nonna 'ne, jayna po'nay'łi oj rada noj kosi:na oj de:nay'łi, ka: noj mere' roya. bo oj mere' ro:ya kaj raka'dada'as, bo ja' lolra:da. jayłe asko de:nay'łi. che dila:poj oj tawla, mere' ney oj tawla, ya:desna'as. dila:poj noj ra:da nokopa, vika:pin̍ oj tawla. che po'na oj ra:da, jeya oj ra:da o:be mh ney ja' chiri:wan ij. joykałayʔłi si iʔne joroːkwa che di' rey ta:ra 'nej mora'a, ta:ra che joy choy ji:yi che di' usna'ne oj tawla. jampa'ne ney oj tawla noj ra:da. che asko noj di' chiwa'nej dichi:ye. che isno' isnoj bito' di' noj ja' alkwanłey'łi, bito'o, bi:jaw. che asko onawajna'ne chon̍ i'ne, oj asna isnoj chon̍ joycheł noj tochichika'ne. joyłekaya'ne i'nes a:kaya'ne noj asna isnoj bito'o, asko che rey jelewʔiːmas mh jelewʔim kaj payayakaʔas che di' chikała'nej dichiye, i'nej majni, joykała'ne. tojełnaʔne oj aj eney oj kodé eney choraːda tojełna'ne che joykała'ne noj asna'isnoj bito'o, che tojełna'ne. m che jayłe jayna di' usna'ne oj ra:da, di' mere' oj rey tawla. ban di' rey jibal ka'de oj chiwa'ne. joykała'ne. tojełna'ne isnoj bito' di' da' noj alcho noj chora:da. ban alamra:w oj rey asna'uj kompare di' Oskar Malale. che di' to'chołkała'ne. joy choy rey ło'łoki'ne nos jembun̍ oj do'we'ne. che oj alamre, asko ewkaya'ne jayna, ew-, kwey ewna noj do'we'ne. jayna kaj rey tojełwa'ne. ji:yi jayna, ji:yi, ji:yi. jayna pawanaʔisnoj empleadaʔisnoj komare diʔ łusiya oj oj jiwaʔne jayna jankwasne ney łan̍: "Kolwaj dichiye di' jiyi, donya łusiya", łan̍ jankwá'isnoj "Joydi', kolwaj pawana aj jiyi", jankwá'isnoj empleada. "Ona jay vayełki", jankwa. "Jayson̍ rey i'ne majniwakinoj donya Salta", łan̍ jankwasne isnoj joychełisne jayna, vayełe noj suwena'oj łam̍wandi'is. asko ena'ne noj tochi:chi noj alamrawo di' noj asna'is. asko enna'ne bo ewkaya'ne oj alamre. jayna kaj rey chiwa'ne. bo jayna rey sulłe oj do'we'ne, jembun̍. m jayna joychełis. wáyna'is jayna mata łéʔis oj ʔalamre jayna joyáłe'is łám̍na is ki'ne noj ora, noj ney ora pola rey, jayna joy choy las łám̍naiskiʔne bon̍ʔojełnaʔis noj joropojnaʔiskiʔne dayará'is noj de:na'u a:kaya'ne, usko kus la' profesor. asko deːn deːnaʔne jayna joyaj salełey'łi. jayna noj asnay'łi, rey kaj rey dumayeway'łi. che osoʔ oj siłkwa diʔ tomitoːmi mereʔ oj siłkwa che osoʔ oj toːmi asko jemes ij velna oj siłkwa. tawna oj tomi noj kori:di ena'. bo ja' ena' kemaye oj jayna kayniwa'ne. ji:yi jayna inła, jayna n̍ ji:yi. Sale:łe. łe che isko kwalełna'is i'nej majni, kaj kempawa. kilmo isko ij juyeni di' jayna kwey wayna ni'ne. mh ban jayna noj ji:wa, jayna, jayna jibal kempa:kayis jayna. jayna "ka' ji:wa", jankwa isnoj koma:re di' Lusi:ya. "ka' ji:wa komare, bo kino' ney. iy'łi kwey wayna nikinoj majniwan. bo nosdé i'nej Lurdes, i'ne kwey pawa:na noj jiwa'ne. che i'ne joycheł di' ij vayełpojna. che i'ne kilni kilni nakal joro:kwa. bon̍'ojełnay'łi". jayna chuspa:kayisne noj do'we'ne jémbu'un. che bił'i ney ij łari'ne noj alamre, bił'i ij dinoja'ne nij alamre. jayna n̍, jayna n̍ bele:ka noj jayna chun̍chopapa:wa'is ni'ne. jayna wayna 'ne, jiwałe:na'ne jayna noj asnay'łi. kilmo 'nej mora' noj tochichika'ne. iloni:pa, chi:chi, kaj jorowa'ne. mhm disoy noj masełwa łan̍
• Interlinear Glossed Text • Utterance view