Text view

PKZ_196X_GoatSheepCat_flk

Recording date1964
Speaker age70
Speaker sexf
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
Amnobiʔi nagurgoʔ poʔto tibi i ular tibi i tospak tibi. Tospak (ug-) uge tojirbi. Uja amnaʔbə. Oroma amnaʔbə. Dĭn net bar münörlaʔbə (ujubə s- ujubə) münörbi, ujut ĭzembi. Dĭ šonəga i dʼorlaʔbə. A šide, ular da poʔto, iʔbəlaʔbə. "Ĭmbi dʼorlaʔbəl?" "Da măna münörbi dĭ ne". "(Ambiz-) Ĭmbi tăn abial?" "Da örömem ambiam." Dĭgəttə dĭ mănlia: "Tuj bar oromam ambial Nada măna poʔto băʔsittə. Măn tuganbə šoluʔjəʔ. Nada amorzittə mĭzittə". Dĭgəttə dĭzeŋ măliaʔi: "Kanžəbaʔ nagurgoʔ. Šaʔlaːmbaʔ". Dĭgəttə onʼiʔ măndə ulardə: "Toʔnardə uluziʔ varotaʔi". Dĭ toʔnarluʔpi. Ej (mo=) ej karluʔpiʔi. Dĭgəttə poʔto toʔnarluʔpi bostə uluziʔ. Varotaʔi karluʔpiʔi. Dĭgəttə dĭzeŋ nuʔməluʔpiʔi. Nuʔməluʔpiʔi, nuʔməluʔpiʔi, dĭgəttə šobiʔi, dĭn noʔ iʔgö nugaʔi. Nudʼi molaːmbi. Nada šaːsʼtə. Dĭgəttə kĭrbi kuba sĭri pagən. I dĭʔnə amnuʔtə šerbi. Dĭgəttə măndə: [toʔnar=] toʔnarlaʔ. Onʼiʔ onʼiʔtə dĭzeŋ toʔnarluʔpiʔi. I (šud-) šü nanʼiluʔpi. Dĭgəttə amnolbiʔi i ejümneʔpiʔi. Kabarləj. Dĭzeŋ ejümnubiʔi. Dĭgəttə urgaːba šobi. Amnolbi, tože ejümnubi. Dĭgəttə kambi noʔdə, dĭn iʔbəbi. A tospak nʼuʔnən amnəbi. A (š-) dĭ ular i poʔto šügən iʔbəlaʔbi. Dĭgəttə šobiʔi volkəʔi. Onʼiʔ sĭre volk. Dĭgəttə tospak măndə. Miʔ kagam iʔbəlaʔbə (dĭn), (stogugən). Dĭm (ejümneʔbəʔ). Dĭgəttə dĭ urgaːba onʼiʔ ibi volkdə (i). Onʼiʔ udandə. I onʼiʔ ibi baška udandə dĭ. Dĭzeŋ bar kak neröjluʔpiʔi i (ujmə-) üʔməluʔpiʔi. Dĭgəttə ular i poʔto i tospak nuʔməluʔpiʔi bazoʔ. Dĭgəttə dĭn bazoʔ volkəʔjə. Dĭ tospak sʼabi panə. A dĭzeŋ edöbiʔi. Dĭgəttə dĭ măndə: "Măn kagam. (Ši-) Măn šidem ilim, a tănan kumən kereʔ?" Dĭgəttə poʔto saʔməluʔpi da volkəndə (naʔamzum) amnosʼtə. Dĭgəttə dĭ (nen-) nereʔluʔpi. Dĭzeŋ nereʔluʔpiʔi i nuʔməluʔpiʔi. Kabarləj. Dĭzeŋ dĭgəttə kambiʔi bostə (a- aktʼit-) aktʼizaŋdə nagurgoʔ. Kabarləj.
• Interlinear Glossed Text • Utterance view