Text view

PKZ_196X_FireBird_flk

Recording date1964
Speaker age70
Speaker sexf
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
Onʼiʔ koŋ amnolaʔpi. Dĭn ibiʔi nagurgoʔ ((NOISE)) Dĭn sad ibi, jabloki amnolaʔpiʔi, kuvazəʔi. Šindidə bar tojirlaʔbə. Dĭ bar kuliot šindidə (tojirlaʔbə). Nuldəbi iləm măndərzittə. Dĭzeŋ măndliaʔi, naga. Dĭgəttə onʼiʔ (nʼi) (mən-) mănlia: "Măn kallam!" Dĭ kambi. Kunolluʔpi. Ĭmbidə ej kubi. Dĭgəttə baška nʼi (ka-) kambi. Tože kunolluʔpi. Ĭmbidə ej kubi. Dĭgəttə Ivanuška kambi. Ej kunolia. Kunolzittə axota, dĭ bar büziʔ sʼimabə băzəlia da bazoʔ mĭlleʔbə. Dĭgəttə kuliot, kulaːmbi bar: nendluʔpi šü. Dĭ (ku-) kulaːmbi: (Süj-) Süjö amnolaʔbə. Šü dĭrgit. Dĭn (müʔluʔpi). Dʼabəluʔpi. Onʼiʔ pʼero (de-) deʔpi. Dĭgəttə šobi abanə. "No, ĭmbi nʼim?" "(D-) Măn kubiom, šində tojirlaʔbə. Dö, tănan deʔpiem pʼero. Dĭ Žar-Ptitsa mĭlleʔbə i tojirlaʔbə". Dĭgəttə abat stal amzittə. Dĭgəttə tenöbi, tenöbi:" Kangaʔ, nʼizeŋ gibər-nʼibudʼ. Bar dʼü mĭngeʔ! (Il mə- mə- mə-) Možet (gijən= paim- ku-) gijən-nʼibudʼ dĭ süjö (dʼapia - dʼabiluj-) dʼapləlaʔ. Girgit šü". Dĭzeŋ (ka-) kambiʔi onʼiʔ dibər, baška döbər. Vanʼuška tože kambi. Kabarləj. Dĭgəttə dĭ Ivan Tsarevič Šobi, šobi. Inebə körerluʔpi. Ambi, (amnoʔ-) iʔbəbi kunolzittə. Inet mĭlleʔbə. Ujubə sarbi. Kundʼo kunolbi. Dĭgəttə uʔbdəbi. Kuliot: inet naga. Măndərbi, măndərbi. Tolʼko leʔi iʔbolaʔbəʔjə. Amnolaʔbə da dĭgəttə nada kanzittə üdʼi. Kandəga, kandəga, dĭgəttə tararluʔpi da bar amnəluʔpi, amnolaʔbə. Dĭgəttə volk nuʔməleʔbə. "Ĭmbi amnolaʔbəl, ulul edəbiom?" "Da măn inem amnuʔpi". "A dĭ măn ambiam. Dak (măʔ-) a gibər tăn kandəgal?" "Da kandəgam (süjö=) süjö (măndəzi-) măndərzittə, abam măndə: măndəraʔ süjö! Šü dĭrgit". Dĭgəttə dĭ:" No tăn bostə inelziʔ dăk, nagur kö dĭbər ej kallal. Amnaʔ (mănnə-) măna! Măn tănan kunnaːllim". Amnəbi, dĭgəttə dĭ deʔpi. "Kanaʔ! Tuj bar il kunollaʔbəʔjə. Iʔ dĭ süjö! A klʼetkabə iʔ it, a to Dĭgəttə dĭ kambi. Ibi süjö. Măndərlia. Klʼetka kuvas, nada izittə. Kak dĭm mĭngəluʔpi bar kuzurluʔpi bar. Dĭm dʼabəluʔpi. I (kundlaʔ- kun-) kumbiʔi koŋdə. Kabarləj. Dĭgəttə dĭ šobi koŋdə. "Tăn (ĭmbi=) ĭmbi döbər šobiam, tojirzittə. Šindin tăn nʼi?" "Măn Ivan "Dăk tăn tojirzittə zăxatel?" Dĭgəttə dĭ măndə. "A dĭ miʔnʼibeʔ mĭmbi da jabloki ambiʔi". "A tăn šobial bi̮, a măn dăre tănan mĭbiem bi̮, a to tojirzittə No, măn tănan ĭmbidə ej alam, kanaʔ, ine deʔ zălatoj grivazʼiʔ". Dĭgəttə dĭ kambi volktə. Volk măndə:" Măn mămbiam tănan, iʔ üžəmeʔ. A tăn (üžəmbiel), a tüj … amnaʔ măna, kanžəbəj". Kambiʔi. No, šobiʔi dibər. Dĭgəttə:" No, kanaʔ! Da dʼabit inem, a uzdam (ej= uzu- iʔ= užum- iʔ u-) iʔ iʔ! A to bazoʔ dăre Dĭ šobi. Inem ibi. A uzdat ugaːndə kuvas. Ĭmbi inegən, nada šerzittə tolʼko. Ibi dĭm. Dĭ bar kirgarluʔpi. Il suʔmiluʔpi, dĭm ibiʔi. (Kam-) Kunnaːmbiʔi koŋdə. "Ĭmbi šobial ine tojirzittə? Šindin tăn?" "(Măn=) Măn Ivan "Dăk, tojirzittə (s-) šobial? No, kanaʔ, măn tănan ĭmbidə ej alam. Dĭn ige koʔbdo Ilena Prĭkrasnaja. Dettə măna dĭm!" Dĭgəttə dĭ (šo-) šonəga. A volktə:" Mămbiam: iʔ üžəmeʔ, a tăn üge üžəmneʔpiem". No, ĭmbidə (emnajaʔa). Dĭ măndə:" No, amnaʔ, kanžəbəj!" Šobiʔi dibər. Dĭgəttə volk măndə dĭʔnə: "Tăn (am-) kanaʔ, paraʔ, paraʔ. A măn kallam bostə". Dĭgəttə suʔməluʔpi sattə. Dĭn šaʔlaːmbi. Dĭzeŋ mĭnzəleʔbəʔjə, ijat, nʼanʼkaʔi. Dĭ Elenat maluʔpi. Dĭ dĭm kabarluʔpi i nuʔməluʔpi, vot nuʔməlaʔbə i bĭdəbi Ivanəm. "Amnaʔ!" Amnolbiʔi. Dĭgəttə šobiʔi dibər, gijen (in-) ine pʼebiʔi. Dĭgəttə dĭzeŋ šobiʔi, a dĭ, tenöleʔbə üge, Ivan Ajiria dĭ koʔbdom. A volktə surarlaʔbə: "Ĭmbi tăn dĭn nulaʔbəl?" "Dĭ dĭrgit kuvas koʔbdo. Măn ajirbiom, (mĭzen-) mĭzittə". "No, šaʔbdəlbəj, a (măn alaʔ-) măn alaʔbəm (dĭ-) dĭʔnə". Dĭgəttə bostə bögəldə suʔməluʔpi. Dĭ dĭm ibi, kunnaːmbi. A dĭ ibi dĭ koʔbdom. (Dʼansaʔməj) ara bĭʔpiʔi, suʔmileʔbəʔi, inebə mĭbi. Dĭ inebə ibi. Elenabə amnolbəbi, bostə amnolbi. Kambiʔi. A nüdʼin (iʔbibi-) iʔbəʔi kunolzittə. (Dĭ= uʔ-) Dĭ Elenat (mo-) molaːmbi volkziʔ. I dĭ nerölüʔpi i saʔməluʔpi. A dĭ nuʔməluʔpi. Dĭgəttə bĭdəliet Ivanuška (Elenuškaʔiziʔ). "Ĭmbi tăn tĭn nulaʔliel?" "Da nʼe axota mĭzittə ine, kuvas". A dĭ măndə:" Šaʔlaːndə inem i koʔbdom". Dĭgəttə dĭ aluʔpi ineziʔ, dĭ dĭm kumbi. Dĭ ibi süjö (nenʼinuʔ), (kak) šü. I bostə parluʔpi, amnolbi. I koʔbdobə amnolbi inenə, bostə amnolbi, kambiʔi. Dĭgəttə dĭ koŋ:" Da deʔkeʔ dĭ ine!" Dĭ ine šobi, volkziʔ aluʔpi. Dĭ neröluʔpi i saʔməluʔpi, a dĭ nuʔməluʔpi. Bĭdəleʔbə, Vanʼuškanə măndə: "No, tüj măna kanzittə tănziʔ nekuda, maləm dön". Dĭ suʔmiluʔpi, dĭʔnə nagurgoʔ dʼünə saʔməluʔpi. Kabarləj. Dĭgəttə (dĭ-) dĭzeŋ šobiʔi bostə (dʼü-) dʼünə. Măndə:" Davaj amorləbəj". Amnobəlbiʔi, amorbiʔi. I (iʔbəʔi-) iʔpiʔi kunolzittə. Dĭgəttə kagazaŋdə šobiʔi. Dĭm kutlaːmbiʔi. A bostə ibiʔi koʔbdo. I süjö, i ine, kambi. Kandəlaʔbəʔjə. Dĭgəttə volk šobi, (kul-) kuliot: dĭ iʔbolaʔbə. Dʼaʔpi süjö, vărona, üdʼüge süjö. "Da deʔ, kubi bü i tʼili bü!" Dĭ süjö nʼergölüʔpi, deʔpi. Dĭ dĭm bazəbi (ku-) kule büzʼiʔ. I dĭgəttə (dʼilʼuj) büziʔ. Dĭ suʔmileʔbə:" Kondʼo măn kunolbiam". "Kondʼo kunolbial, (kak-) kabi̮ ej măn dak, tăn uge bi̮ kunolbial. Tănan (kutluʔpiʔi) tăn (kagazaŋ-) kagazaŋdə. I bar iluʔpiʔi, koʔbdom, i süjöm i inem". Dĭgəttə:" Amnaʔ măna!" Amnolbi. Dĭzeŋ bĭdəbiʔi dĭm. Dĭ volk kagazaŋdə (sajnožuʔpi). I bostə ibi koʔbdo i bar ĭmbi dĭn ibi. Dĭgəttə dĭ Ivanuška dĭʔnə saʔməluʔpi üjündə. I parluʔpi maːndə. Šobi abandə, bar ĭmbi nörbəbi. Dĭgəttə abat dʼorbi, ajirbi. Dĭgəttə dĭ koʔbdom ibi. Monoʔkobiʔi. Ara bĭʔpiʔi. I tüjö uge amnolaʔbəʔjə. Kabarləj.
• Interlinear Glossed Text • Utterance view