Text view

PKZ_196X_Finist_continuation_flk

Recording date1964
Speaker age70
Speaker sexf
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
Dĭgəttə dĭ kambi, kluboktə baruʔpi. Gibər dĭ kaləj, i dĭ dĭʔnə (ka- dĭʔnə kalə- kan-) kandəga. Kluboktə nuʔməbi, nuʔməbi, i deʔpi dĭbər gijen tĭn tibi amnolaʔbə. (Dĭ=) Dĭn už ne ige. Pimnie kanzittə, dĭgəttə miʔnen (am-) amnobi. I takšebə nuldəbi i munəjʔtə (emdəbi) i bar sʼarla amnolaʔbə. A dĭ, tibin net:" Sadardə măna". A dĭ (măna=) măndə: "Mĭləl tăn tibi măna kunolzittə?" ((BRK)) Dĭ dĭʔnə mĭbi. "Kunolaʔ, ĭmbi măna, ajiriam što Dĭ šobi maːʔndə. Amnobi amorzittə. Dĭ dĭʔnə (mĭ-) mĭbi kaplʼaʔi. Dĭ kunolluʔpi. Dĭ dĭm kumbi dĭbər gijen kunollia. Dĭgəttə dĭm dĭbər öʔlubi. Dĭ bar amnobi, amnobi, kürümbi, kürümbi, dʼăbaktərbi, măndə:" Uʔbdaʔ!". A dĭ uge ej uʔblia, kunollaʔbə tăŋ. Dĭgəttə ertə molambi. Dĭ (kajbear). "Soʔ döbər!" Dĭ šobi, kalladʼürbi. Dĭgəttə dĭ uʔbdəbi. Dĭgəttə bazoʔ amnolaʔbə i sʼarlaʔbə. (Am-) Amnobi, (sedendən) tondə. Dĭgəttə davaj ererzittə dĭ kugʼelʼam. Ererleʔbə, ererleʔbə, (dĭn=) dĭ ne bazoʔ, tibin ne šobi. "Sadardə măna dĭ". "Dʼok, măn ej sadarlam. Tibim (mĭne-) mĭləl măna nüdʼi kunolzittə. Dĭgəttə mĭlim". "Nu it, mĭləm". ((BRK)) Dĭgəttə dĭ šobi, dĭ bazoʔ amorzittə amnobi. Dĭ dĭʔnə bazoʔ kaplʼaʔi mĭbi. Dĭ kunolluʔpi, dĭ dĭm turanə kambi, gijen kunollaʔbə. "Kanaʔ, kunollaʔ!" Dĭ dĭbər kambi. (Dĭm=) Kürimbi dĭʔnə:" Uʔbdaʔ, uʔbdaʔ". Dĭgəttə kădedə ej molia uʔbsittə. Dĭgəttə ertə molambi. Dĭ măndə:" Kanaʔ! Kabarləj tănan dön amnozittə". Dĭgəttə dĭ kambi. Dĭ uʔbdəbi. Dĭgəttə bazoʔ (šeže-) (sezeŋgən) amnolaʔbə. Korni̮š nuldəbi, kuvas. Kolʼečkə zălatoj (uda- udandə=) udandə šerie, to dö udandə, to dö Dĭ kulaʔpi da kambi. "Sadardə măna!" "Dʼok, măn ej sadariam. Tibi mĭʔ măna teinem šazittə, kunolzittə." "No, iʔ". Dĭgəttə dĭʔnə mĭbi kalečka i korni̮s. Dĭgəttə tibi šobi, amorzittə amnobi. Dĭ dĭʔnə kaplʼaʔi bazoʔ mĭbi, dĭ kunolluʔpi. Dĭ bazoʔ turanə embi dĭm i dĭm oʔlubi. Dĭ dĭn kambi, bazoʔ dʼorbi. Dĭm bar uʔbdlia, dʼildlie dĭm. Dʼorbi, dʼorbi, kajeldə saʔməluʔpi kadəlgəndə. Dĭ bar šüʔdürluʔpi. Dĭgəttə (kamno-) kamroluʔpiʔi. Dĭgəttə ertə molambi, dĭ šobi. "A, tăn măna sadarbial? Dak tăn (măn=) ej măn nem, a dö măn nem". Dĭgəttə poldə (saʔməluʔpibeʔ=) saməluʔpiʔi, süjozi molaʔpiʔi i nʼergöluʔpiʔi. (Bart).
• Interlinear Glossed Text • Utterance view