Text view

PKZ_196X_FingerBoy_flk

Recording date1964
Speaker age70
Speaker sexf
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
Amnobiʔi nüke büzʼezʼiʔ. Nüke davaj dʼagarzittə kapustam. I müjət sajjaʔpi. Dĭgəttə dĭm sarobi, dĭn embi stoldə. Dĭgəttə kuliat bar, tʼorlaʔbə müjət. Dĭgəttə dĭ kubi: dĭn ešši, (nerer-) nereʔluʔpi, dĭn ešši iʔbəlaʔbə. "Măn tăn nʼil! Tăn müjəzeŋdə supsobiam!" Dĭgəttə dĭ ibi (dĭm). Dĭ măndə: "Măn kallam abandə (talə-) tarirzittə". (Ga- šu-) Šonəga, šobi, abat tarirlaʔbə inetsiʔ. Măndə:" Abam, măn tănan šobiam". A dĭ mămbi:" Gijen šində dʼăbaktərlaʔbə?" Dĭgəttə kuluʔpi dĭ eššim. "Măn tăn nʼil! Amnaʔ, amoraʔ, a măn tarirlam". Dĭgəttə (i-) inən kunə păʔlaːmbi i tarirlaʔbə. A dĭ büzʼe amorlaʔbə. Dĭgəttə šonəga koŋ kuza. Kuliat: ineʔi mĭlleʔbəʔjə. A kuza naga. Dĭgəttə măndə: "Ĭmbi ineʔi mĭlleʔbə, a ĭmbi ej (kullial)". "Dĭ man nʼim tarirlaʔbə". Dĭgəttə: "Sadardə măna dĭm!" Dĭ sadarbi, dĭ iʔgö aktʼa mĭbi. Dĭgəttə embi dĭm kărmandə. Dĭ kărmandə bar sajnʼeʔluʔpi. Kalla dʼürbi. Dĭgəttə šobi, šobi. Aktʼigən kunolluʔpi. A volk (tüj) šobi, dĭm amnuʔpi. Dĭgəttə ularəʔi bar pastux măndəlia. Dĭ volk ularə tolʼko năčʼnʼot izittə. A dĭ nʼi kirgarlaʔbə:" Uʔbdaʔ! Ular amnaʔbə!" Dĭgəttə kondʼo amnobi, dĭ ugaːndə pujolia volk. Dĭgəttə măndə: "Kanaʔ, supsoʔ măna!" A dĭ măndə: "Kunaʔ abanə da ijanə!" Dĭ dĭm deʔpi abanə da ijanə. Turandə dĭ barəʔluʔpi. A bostə nuʔməluʔpi. Kabarləj.
• Interlinear Glossed Text • Utterance view