Text view

PKZ_196X_DaughterAndStepdaughter_flk

Recording date1964
Speaker age70
Speaker sexf
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
Onʼiʔ büzʼe amnobi, dĭn nüke kulambi. Dĭ ibi baška nüke. Dĭn nüken koʔbdo ibi, i dĭ büzʼen koʔbdo. Dĭ büzʼen koʔbdot bar ĭmbi (togonor-) togonorleʔpi ĭmbi. A dĭʔnə üge ej jakše ibi, măndə:" Tăn ugandə i̮ri̮, ej togonorial". Dĭgəttə dĭ büzʼenə măndə:" Kondə boslə koʔbdo dʼijenə i dĭn (amn-) bar dĭn amnoldə". Dĭ konbi, dĭn amnolbi. (Dĭ=) Dĭgəttə dĭ tura dĭn kubi, šobi turanə. Tumo: "Deʔ măna ipek." Dĭ dĭʔnə mĭmbi. Dĭgəttə kuza šobi, nüdʼi molambi. (Nünnə) dĭʔnə koŋgoro mĭbi. "Tăn nuʔməleʔ, a măn tănan (dʼap-) dʼabəlam". Dĭgəttə tumo šobi, koŋgoro ibi i turagən bar nuʔməleʔpi. Dĭ (bəl) dĭm dʼabəluʔpi, dʼabəluʔpi, ej (mom-) mobi dʼabəsʼtə. Koʔbdo saʔlambi. Ertə molambi, dĭ uʔbdəbi. Dĭʔnə mĭmbi aktʼa, oldʼa iʔgö. Jamaʔi mĭbi, plat, iʔgö. Dĭgəttə dĭ nüke:" Kanaʔ, koʔbdol dĭn (kostăčkaʔi iʔ). Oʔbdəlil də deʔtə. Dʼünə tĭlləbeʔ". Dĭ kambi. Šobi, koʔbdon bar aktʼa iʔgö, oldʼa iʔgö. Dĭm ibi, amnolbi inenə, šonəga. A men bar kirgarlaʔbə: "(Büzʼe=) Büzʼen koʔbdo šonəga, aktʼa detləge i oldʼa iʔgö detləge". A dĭ nüke măndə:" Iʔ šamaʔ!" Dĭgəttə büzʼe šobi, iʔgö deʔpi i aktʼa i koʔbdobə deʔpi. Dĭgəttə măndə:" Kundə măn koʔbdom, dĭn amnoldə". Dĭ kombi dĭ koʔbdom. Tomo (piebi), (ipekdə) ej mĭbi. Dĭgəttə nüdʼin kubi tura, turanə (šo-) šobi. Dĭn kuza măndə: Teinen nüdʼin koŋgoro (mubin), (tonoʔ) măn tănan dʼabəlim. A tumo ej šobi. Dĭ koŋgoro ibi, nuʔməluʔpi, nuʔməluʔpi, dĭ dĭm dʼaʔpi da bar amnuʔpi bar. Dĭgəttə (bü-) (măndə):" Kanaʔ, măn koʔbdo ile!" Dĭ kambi. (Bura) ibi. Šobi, onʼiʔ kostăčkaʔi iʔbəlaʔbəʔjə. Oʔbdəbi i deʔpi. Dĭgəttə (man-) men bazoʔ (kürüm-) kürümnaʔbə:§ "Nüken koʔbdot bar kostăčkaʔi (ko-) detleʔbə büzʼe". "Iʔ šamaʔ, a to münörləl Dĭgəttə büzʼe (s-) šobi, onʼiʔ kostăčkaʔi deʔpi. I (dĭ-) dĭ koʔbdon (dʼü-) dʼünə embiʔi i tĭlbiʔi.
• Interlinear Glossed Text • Utterance view