Text view

FM11_32_1

Recording date2007-07-22
Speaker age65
Speaker sexf
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
wartayi Ngantu-warla nyawa xxx Yeah, wayi-rna malu jarrakap-parla? ngantarla kan kangani ngamayiluma jayingani ngu-rla karu-wu-ma yalu-wu-ma, nyampayila yarrkurla. tamarra-ngarna yu nou pirna. +"kangku ngu-rna-rla ngaji-wu ngayiny-ku. ngunkurla yuwarru ng ngama +"yujuk parru ngu-nku-rla ngu-rna-rla kangku. ngu-nku-rla jalak yuwarru. kangani ngu-rla kamurra-rni ngarnani. ngamayi-lu-ma nyanuny-ju nyamu-rla jayingani-ma ngaji-wu-ma nyanuny-ku-ma. kamurra-rni wayita-ma nyampayila-ma ngarnani, tamarra-ngarna-ma nyila-ma yirrpan-ma. ngarnani jartkarra purrp, kamurra-rni. yala-nginyi-ma ngu-rla yanani, ngaji-wu na nyanuny-ku. +"ngaji. +"ngaji, ngu-nku-rla yujuk parru, ngamanti-wu, ngamayi-wu ngayiny-ku, nyampayila namawurru. +"yeah, liwart karra kutini liwart karra-yi +"ngu-rna parru nyawa. tikap nganta yuwanani ngu-rla parnngirri-la, ngaji-ngku-ma nyanuny-ju-ma. parnngirri-la yuwanani, kangani ngu-rla ngamayi-wu. kata-nga ngamayi-wu ngu-rla kangani. maiti kamukamurra-rni purrp-karra nganani, yalu-ngku-ma karu-ngku-ma. yanani ngu-rla ngamayi-wu. nyamu-nga nganani purrp-ma kamurra-ma, namawurru-ma nyila-ma. ngamayi na yangki panani. +"kangku ngu-rna-rla ngamayi. +"ngamanti, kangku ngu-rna-rla. +"ngaji-wu ngu-nku-rla, jalak yuwarru, wayit an nyampayila, yangunungku. yirrpan, nyanawu tamarra-la nyamu-wa pilykipilykiya karrinyana. nyila-ma-rla kangani ngaji-wu-warla nyanuny-ku. kula-rla kanya ngaji-wu. kamurra-rni purrp ngarnani, yalu-ngku-ma karu-ngku-ma. yala-nginyi-ma purinyjirri-la na. ngu-wula-nyanu nyampayila na meet-up-ma manani ngumparna-lu-ma nyantu-ma nyanuny-ju-ma, kirri-ngku-ma yalu-ngku-ma. yangki na ngu-wula-nyunu pani. ngu-wula karu-ma yala-ma kurru nyanya, majul-ma turlurlup-karra. +"wayi-ngku kangani-warla, murlu-ngku-ma? +"lawara, kamukamurra-rni purrp nganani.. ngaji nyanuny-ma yangki pani yalu-ngku-ma kirri-ngku-ma. yala-nginyi-ma kirri na yangki pani. wayingku kangani namawurruma nyamurna ngku jalakma yuwani +"lawara, kamurra-rni nganani purrp. marntaj, kuya na. purrp na nganayirla-la bush bus-marraj
• Interlinear Glossed Text • Utterance view