Text view

20151125i

Recording date2015-11-25
Speaker age95/61
Speaker sexm/m
Text genreconversation
Extended corpusyes
Javascript seems to be turned off, or there was a communication error. Turn on Javascript for more display options.
axamisâ ee gorwaa booloodáʔ ta kahiyíʔ Yaaʔeér Qantsaar Yaaʔeér Qantsaareê Yaaʔeér Qantsaar iiʔaa-qamiimee a axamiís Yaaʔeér Qantsaar a wák ari ayasí kuwa hootiyiʔ kurmo kaahh ta dooslasliitiká gár ta ʕaʕaayiyîʔ yiikwa matlatleeroo birna tiʔiitiyíʔ lootooroo ka hheʔeés kin geemáy damay kin ilaaʕ aga axasî a axaás damay kin ilaaʕ yiikwa aqo kin geemay heé deʔeéngw awu i kaahh aga axasî a axamiís kuungáʔ yiikwa birna tlayiyíʔ naʕiʔihúng isa warqamaʔ in tsegaʔ kuúng oo doʔowók in tsek Buʔú kós ngin tseek aní kweʔeéʔ in tseek naʕiʔí muukoo xay ee gár kis warqamaʔ tsegiiti a milá ga ngi ooʔ kuúng karra iiʔaa-qamiimee inós kuúng in gaanslín axweesani ma tligimisaar sleeme mu babawaar aga axasî warqamaʔ in tsek koqáʔ un tsek warqamaʔ kin tseek gawá isoó naʕiʔì asma loʔaa bira daláʕ dirqáʔ ee naʕiʔi gár ʕaayiyaʔ faʕaa i deeroô naʕiʔi gár ʕaayiyaʔ a uluwa bará maringee naʕiʔi kin geemay alkwi a uluwa u wahanáʔ waweeri ngin amorqaʔwa ohiyaʔ mpaka ire amorqaʔi amorqaʔi kiʕiyáʔ aqo idorí mpaka ire aaxiyíʔ mpaka aqo idorí an axaxind bira qwariitiyíʔ aqo in kiiʕiyáʔ bará maringee uluwa bará maringee aga axasî aga axaás aluwoo loʔaa bira daláʕ ay dirqáʔ dirqáʔ karra an tleeraʔ umó heewoo naʕaywós ngin ileehh ngin wagweedár ay gár ta wagweediiti a naʕaʔwók a gadáʔ naʕaʔwók a yiikwaookáng a naʕiʔi axamisee garmawí a axamiís naʕiʔi in wagweedáʔ kwa kat kweʔeéʔ warqamaʔ kalaywós a kwí Buʔu aga káh kweʔeéʔ kweʔeéʔ kalaywós a kwí aní a káh kweʔeéʔ kalaywós a kwì ina maana warqamasí gasí aáng a alamaa alamaa a gidaba minda qwariyiʔ naʕiʔi aluwoo qwariyaʔakeê birka warqamaʔ konaká birka artlay nee koqáʔ abar warqamosí ʕawaákw una tsek yaaʔee ador kwisí oo gár ee kalaysî aní kweʔeéʔ a kwì hindí ya tawa iwitaán diriyee kuúng garók tisí a mardadirookeê ee ar Buʔu ka ʕawaakweekeê ee teʔeéʔ ka booʕeekeê ee hheʔee Buʔu tós tin ʕawaakw ngin xuuikeê kuúng tók tisí a xuikeê aní teʔeéʔ tin a xuuakeê a idoriheekeê a idosí hayya idodáʔ a idorí uluwa kin lootin kire kuʔuus bará naqimaʔ uluwa bará maringeè naʕiʔi aqo ngin wahan idór yiikwa faʕaa kàhh kuúng bar dooslaslit balaangw i deeroô ayasí ta kahi ayá Haymú Muhanga aga axasî a axamiís ayadáʔ ta kahi a ayá Haymú Muhanga Haymú an uurusumó ayasí xáy aree Haymú ta kahi a uurusumó ayasí Haymú Muhanga gár muukí kas daqaree tas idorí yiikwa kas idorí a Haymú a qwaslarumo ma sasahhaamaar qwaslarumó harge doʔìn qwaslarumó doʔinee xay oo xooroò oo xooroo oo xooroo oo idór xooroór Maandasí ayasí ee oo xooroo xooroór ayasí yiikwasí qawoór ayiyáʔ kiloʔín asma heesí in qawoór ayiyáʔ kiliʔín xweerawoo nin daafiyáʔ kiliʔín yiikwa koká birna daafiyáʔ aqo doʔín ngun alqonáʔ koqáʔ bira daafiyáʔ aqo doʔín ngun alqonáʔ koqáʔ bira daafiyáʔ aqo doʔín ngun alqonáʔ uluwa in tsaqanaʔ afiʔí isamawoo tsororooxì na qaasiyíʔ wa lo ee ki deʔenakáng aqo inʔín kiloʔín in in qayayáʔ qayayáʔ aga axasî kar aluwo muukí hhay leehhowarí ngawa eer ya iwa fuduuʔiyî ee a leehheʔeesiʔeekeê hee barta dooslikáng masoomba makay nga faakiyíʔ tsirʕoo nga faakiyíʔ neer tsuʕuta masoomba gár tlehhit a gaʕale nee lawalaa shiidarín a gaʕale nee lawalaa ta slakaatî hé ta slakaat kara ta doosliká gár ta tlehhiitî hee gár ta dooslî bar ta doosliká ta deʔenaká daqane kuúng gár ta tlehhahhit deeloorí sleemeeroô garʔéʔ toka ni yahasa garʔéʔ toka ni yahasár slaaʔ ya heedáʔ a ma uluwa lootín kire qaas bará naqimó kara kuúng oo doʔowók in lootínd kire qas bará maringamò aní kweʔéʔ in lootiim in qaas bará maringamò maringamó Buʔú doʔowók kós aqo umó heewoo kós in doʔowós maray iga tléhh a waweeri maray aree doʔqáʔ doʔqáʔ koqàʔ kwí i dirí koqáʔ dirí koqáʔ dirí booloodáʔ kila kabila Gorwaa nee hoomaár hatláʔ ti daʔayumiitiyáʔ maray kiwa diyayaaʕiyíʔ asma ʕadui birna hardát sleemee tundu fàk aqo sleemee maray in qomees ar laini kule tam ay sagó Duuru tloomaarqáʔ ar Duuru amór tam ay Hiiyaángw marayká aqo tin idoriwa konaʔ maray aqo idorí xáy mm tisí aga sláw aga andî a axaás tisiyee naʕiʔihúng matlatleeroo bir **** naʕiʔihúng matlatleeroo bira gemeeréʔ isoo iga warqamaʔi tsegagitéʔ iga hheʔeséʔ aqo in wahiyaʔ in wahahaanaʔ ay amorqáʔ in wahahaanaʔ ay amodáʔ bará maringee aga axasî aga axaás ayá ayá dóʔ Haymú Muhanga idór kure hoot a idorí ayadáʔ ta kahi Yaaʔeér Qantsaar Yaaʔeér Qantsaar ma kiʕaar alu hiʔít geerà aga axasî ee hayya hiʔít geerà aga axasikeê aga axaás aluwo Haymú naʕay ngwa laqwaál aree wàk xooroorí a laqwaalikeê kara aluwo ya Haymuwí kwí a hhaayi a heeʔín oo iwaawaʕi ka ur oo ayawí kara naʕay kun luuʕ uga naʕáy Haymú kuna luúʕ aga axasî aga axaás naʕáy Haymú kuwa luúʕ Haymú i kah naʕayʔéʔ slawareʔ inín ta kahi tan bay Haymú i kah naʕayʔéʔ slawareʔ inín ta kahi atén muukú ta slaaqwaan slawang Haymú ku babay Haymú Muhanga aga axasî muukú neetò muukú nee atén ta slaaqwaan slawang neeto hargê Haymú kara naʕaywós ngu slaaʔikeê ʕaʕamineekeê hee bar naʕaywós kodáʔ wák alé oo doʔín ngwa laqwaal koqo kwa luúʕ hee idór ʕiìs xay muutlee kar Haymú awu nguna gaás aako kós nguna gaás awu gaás awu nguna gaás awu gasaroo ngwa hheʔeés aga axasî ee kaharír awu ngina tlakwayi tleéhh awudáʔ nguna fuʔunay ngina humín diʕitadáʔ ta kah duʕú kana baraki kana kuʔuus qwaslín neer kana muguhha qwaslín bará tlakway karra hee Haymú muukí ngi leeleehhitó aykeê daxa muukí tawa kahi nee atén ta slaaqwaán heʔ naʕay burkwa ʕitin idór ta ʕis Haymú ina hiʔimamiít hiʔimamiít bará slaʕa bará darma ina hiʔimamiít bará darma aga axasî a axamiís iwa hardáh tiʔitaangw nguna sláy a idór xaʔanowí tiʔitaangw har dirí ay bará qaaymoorqáʔ nee alú dowí xaʔanó wák ina tiʔiít aga axasî a axamiís loʕoo a páhh loʕoorqáʔ sleeme nga koniká a húʔ yaamù Haymú ire tsaʕán gawaqáʔ ina uʔuú ina uʔumamín uʔumamín uʔumamín uʔumamín hoomaa hayoda ngin na uʔuú uʔumamín hoomaa na tiʔit a Taraa aluwo na hardah hayoda ngin uʔuu hayoda ngina laleé hoomaár na hardát a Taraa Taraa na hardát loʕoorí sleemeeroo ar xaʔanowí a húʔ yaamù aga axasî ina oóʔ heé umó heewoo na hardah dirí looʕír ni ohi wák wák tsár ma kiʕaar kana ohahín hooo loʕoo ka faakî wák wák hheʔe loʕoo a yaamuwa hatsikeê ina oóʔ tlawseʔ waatleʔ kiiʕeʔ muu motloo doogareʔ kunguna doóg kana ohín ka faakî ina oóʔ tlawseʔ waatleʔ looʕi doogareʔ gadáʔ muu doogareʔ **** muu kuna doóg booloo tám looʕi ina muukú alqónd umó heewoo alkwí a wák wàk dír tiwa waatliyiʔ a bará marʔoo Taraa booloodáʔ maray i kahhiyáʔ bará marʔoo bará kan hoot marʔoo kana hoot a idór Hagitee bará aga axasî a axamiís tlaʕe dirihee iwa buʔut Taraa loʕoo nga fák Haymú ire oóʔ gimiseʔ anaga tláw uruwarʔéʔ a tí ordyo muukú neetoór slaaʔ nee kuungáʔ amorí uruwarí na ohareʔ aluʔéʔ delari aní bara tláw aní bara aní hindi aga tláw tláw ni aluʔéʔ tleeráʔ ee motloo ni tleeráʔ ee karra hheʔe Haymú ina waatlikeê amór muukós iwa hardah ina oóʔ naʕayʔéʔ hariisareʔ tana oóʔ muukudáʔ nee atén ta neetaan uga sleerî ina oóʔ ngwa sláw matloo loʔaár dirí loʔaár dirí loʔaár diriyee bar idór garoo gasí a loʔaár tsiyehheekeê loʔaár dirí bara andéʔ teeri dawri nga mút ee tlaraàngw teeri dawri birnga mút mm lawuluhúng otaak ʕéw ni qaytsiitaak ee na hardahiyíʔ ti tsuuʕee karra hheʔe Haymú naʕaywós kuna hariisikeê idorí ngiwa ooʔ hheʔe xweerawookeê naʕaywós kuna hariisî loʔaa darát naʕaywós nguna óh Haymú naʕaywós nguna óh Haymú Muhanga naʕaywós nguna óh hheʔe inʔín tawa qaát Haymú a qaatî ina tláy amór ta káy ka xuuʔî amór Haymú a káy matlatleeroo doʔ a sluhhì xáy dóʔ Haymú a sluhhi basi loʔaardáʔ dirí Taraa na hardát nee Gorwaa tina lalee lalee lalee lalee lalee lalee lalee heé ta bay Naʕaa looʕi ka óh wa idorí ka tsuúnq looʕi nee ka Haymú tsuúnq nee Haymú looʕi ngiwa hheʔeés tsuunqaroo Naʕaa nguna báy looʕirí ohee looʕi ngina óh muukú ta slaqatiis bara ánd muukusí ta slaáqw gár ta lay wa na Gorwaa wa na Taraa hayoda ka oóʔ looʕisí ka kwaáhh tlaʕaángw muukudáʔ tsifirirí a igwaʔ karra tana slaáqw loʔaa kana dáh booloó tsár kana dáh booloó tám Goraa tindina guús Goraa ka baál ka baál asma asltá na leehhiyíʔ asma lawalaár inʔín na firoór ayiyíʔ tindiwa baál hheʔe Goraa an tisíng aluwo nina gwagowiyíʔ ay baraká nire dalaʕiyíʔ dír tloomaasí ar ʕAnaangw hheʔe Gorwaa yiikwaʔín kodáʔ nga geexayikeê baabà aree yiikwaʔín kodáʔ nga geexayikeê hheʔe slami niwa gowiyíʔ Taraa ina dát bará maraydáʔ Taraa maraydáʔ ngina i dát Taraa a kiiʕiyíʔ bará marʔoo kuungáʔ sayitâ sayúw Taraa a kiiʕiyí bará marʔoo yiikwá Gorwaa kire hayóh nee Taraa alkwí oo ari Gorwaa Taraa kire iwa iwiít iwit alkwí uluwa kin wahand uluwa kin andiim uluwa ki tsaaq a xuʔî hheʔe niwa intsahhand ya tsukú uluwa nguwa sleer ee kalaʕa hargeê koqáʔ oo chumbarqáʔ alkwí ari i kahi yiikwaká oo slumatí a kweʔéʔ koqáʔ oo chumbarqáʔ i kahi yiikwaká oo slumatí a kweʔéʔ hheʔe Taraa a kiiʕî hheʔe Gora kodáʔ tindina digir-delaali nee Taraa Gorwaa ay ʕAnaangwsí tindina disi digir-delali tindiwa guús heé ta báy Irqutu heé ta báy Irqutu nee heé ta báy Gormo muukí a magâ heewí ku báy Irqutu heewí ku báy Gormo heewí ku báy Alawumo heewí ku báy Burungumo muukí a magâ tsiyéhh tsiyéhh hheʔe tindiwa gów Gormo Gormo niwa gów ina ʕeét bará hhapeerí Gorwaa ngiwa tsaát alkwí ta kah hhapeerí a gortoʔo hheʔe Irqutu gawá daandó gadáʔ kawa ay oo oo gasí oo Balangda Irqutu ina oóʔ gitlay Gormò ti konaʔ inʔín tsár Irangumo nee Burungumo ta amorqáʔ Alawumo huw Alawumo Alawumo nee Burungumo ta amorqáʔ huw muukusí a muukú baabó wák baabá a wák amorqahee muukí tsiyéhh baabá ni hii a wakeê ee axaasee heewí ta báy Irqutu ina oóʔ Gormo xayge **** a hhiyawós ari ina oóʔ xayge idór ta ʕiisaan hindi tunda lalee lawalaarqáʔ tindar mutatín a tseʔesaanakeê neer awú boóʕ gawá slaqooreneê gawá slaqoorenee Gormo ina oóʔ kuúng aga daʔayút ge asma Taraâ ana tseʔeesaká Irqutu ina tseʔeés aluwo Irqutu ire tláy ina tsaʕán tloomaa ina tsaʕán tloomaa ire hiʔimamiít aluwó Iruqutu heé ta báy Haymú dír ngwa i ay Kuta lawaalimó Haymú ku báy Moyán aga axasî a axamiís tlawi i deer Kutoo karra tana diriwa hoót hoót hoót hoót hoót aluwo Haymú gár ar a xuuʔaká ina oóʔ ina oóʔ Haymú lawaalimó mas kwí ta báy aso da ta báy Moyán nguna báy Moyán lawalaa loʔaa dirqáʔ loʔaa i darát dirqáʔ ina oóʔ Moyán aso tláw Haymú gadáʔ nga tsuúnq baqarumó buʔi ina oóʔ tláw ʕét bara hardát dír tlawi maʔaay mi kalaʕaar maʔaay hardorqáʔ kuúng dirí niwa duqusee gasí kwahhee bará maʔaay maʔaay mutee maʔaay mutee karra aluwó Moyán a dakuusikeê ina sleeʕ maʔaay ay hardorí aga axasî a axamiís karra ina duquús hheʔe kuna artlayikeê nee tlawi Moyán tlawi ina qútl ay Maandá Daʕáw an toqáʔ tawa kahi tlawitá Moyán Maandá Daʕáw an tlawitaqáʔ an umó hee garqáʔ tas kahi Moyán a lawaalimó oo dóʔ Haymú kuna hayóh aga axasî a axamiís hheʔe Haymú aluwó iwa tláy nee hindí amór i diri ka xuuʔî ka xuuʔiká ka xuuʔikâ Haymú amór i diri Haymú Muhanga i amolâ aluwó laatí aang ya Jerman niwa tiʔiít masongó Jerman ee iwa tiʔiít Galapoo niwa áy ee barisee ngina báy disír Masong ala mawee dirí na qoomés tí Gora kiwa gusasín gusasín kire dalaʕa Singe aree Gorwaa kina guús ay dír ʕAnaangw ay dirqáʔ tawa kahi ay dír Endasak dír tloomaadáʔ ar idorí tin ay didáʔ dakwí koká a guús ay ʕAnaangw ay ʕAnaangw gurʔoqáʔ tindina dirqawa tleés dír tí Gorwaa idosí ti kwakon tindiwa guús iiʔaʔ-qaaseʔ mm hheʔe alkwí Goraa slee i deeroô káhh gár ʕaayiyaʔ i deeroô káhh hheʔe ta dooslikeê ee hhansli birka barta qaytsiit hhansli a tleér Taraa bira qaytsit hhansli a tlatleér tlatleér tlatleér a hardát ayá Taraa ta kahi ina doosliyíʔ Taraa nin dóʔ eer ee balaangw a hamaár hayya Gorwaa tindin didawa guus ay Manaxa disí geʕeerkeê oo Duuru mm Manaxa doqáʔ di bara axás Manaxat a Gormo di bara axás Manaxa a Gormo ayadáʔ hee ngwa tsaat Manaxatosí kunguna tsaát tindina disí áy tina guús ay ay Manaxadowí Manaxat kwí oo afkó tlawi tindina dirqay áy dír tawa kahi Ayaʕaben Ayaʕaben gasí a goraa a gorwaa Bagara Bagara a gorwaa kina disiwa guús dír Nakwa kawa áy tuumbó Nakwa kiwa áy ee na malé dirka i deer dirqaʔee ta kahi Manaqa tina mák didáʔ i bayiyí kina didawa guus ay Galapoo kina digir-delalee delalee Goraa Singe na iwiwitikeê ay Singe Singeroo kina didawa guús Singe ngina hootiyíʔ karra Singe hheʔe nee dirí ar Manaqadowí oo Makwa wakekeê ee afkú tlawi mm tina didawa guús ay Tseeʕá Daʕàw Ayamango kuna qixitár áy Ayamango Ayamango hayya amorqahee a idola kiwa ilaóh amorqahee hameeri ina tleér hameeri ina malé tleér Taraa alkwí ari Taraa Taraa gár hameeri ngi tlees aqo Taraa hameeri gár ngi tlees aqo Taraa Taraa Gaʔo a eerakeê dír heedáʔ ta bay Goti ala kawee Goti Hileewoô ee kodáʔ hee ngwa slay didáʔ ta kay dóʔ isowiheekeê sahhit a xeerî karra kuúng mas tisí an kat daqay oo oo Ganay isodáʔ i Ganay oo Baqayó Ganay nee oo Chakó Ganay garmá Ganaysí Baqayó nee Chakó karra lawala nga lehhi aakò malé alé alkwí ari in Taraa birna hardát Goraa birna fiitiyíʔ nee Taraa Taraa nee Gorwaa tan slaaqw daaqáy Ganay in tsuʕuut Goraa kaqo tsuʕuu matloo ta kiiʕiyíʔ Gorwaa kaqo tsuʕuu Taraa ka tsuʕuú Taraa ka Taraa ka tsuʕuu tsuʕuu nee hhaayi Ganay aluwo heé ta bay Ganay aluwo ina oóʔ aamà aamarós ina óʔ daqaywí ya inoʔín slami Taraarí birnga tuʕiyíʔ lawulú Taraa ngin waatliyáʔ ina oóʔ ayoo aní kiíng daaqayrén kwí a tsareekeê aní nee kiíng daaqaywí burtungwa tsuʕuú doʔrén kwí aqo gwaaʔikeê doʔwí a qwaarikeê karra tana báy Chakó kuna gaás tana báy Baqayó kuna gaás kina tsuuʕikeê loʔaár wák aʔa ee Chakó kuna girín Chakó kuna gaás aluwo tana báy deeloo a gwaʔiká Baqayó kuna idah ina oóʔ aní ma baw doʔ a qwarikeê Ganay in tlay neer lawalaár Taraadáʔ tindi wawatliyí neer daaqaywós ay dóʔ Qutadu iwa hardáh dóʔ Qutadu lawalaadáʔ kana idorí wa báy qumbtís kana tsuúnq kana foól yaamù kay qaas lawalaa qoomaasiyeê tsitsihhitá aqo bará gadariheê tsitsihhi ga tsitsihhi kana geeqaqáy gár ta geeqaqay a tsitsihhi aha idór todáʔ ar bará doʔ hindí kare qaás bará boohontó danú nguna tsuúnq Ganay ina oóʔ Taraa nga Duwanqeed as leéhh Taraa nga Duwanqeedo as leéhh dír Qutadu ngin kay ari dír Qutadu Qutadu heesí a qwaslarumo ee oo Maanda qwaslarumó Taraa dóʔ Mageena Qutadu oo Hiláy Hiláy oo oo isodáʔ kuúng axwés harge asma karra garqáʔ axweesani idoriheekeê ngi ohind karra idoriheekeê gár garqáʔ ngisa qaás bare a axweesani ohing ee karra karra idoriheekeê karra kuna báy danusí danú kuna tsuúnq dahhaangw hardorí kuna báy danusí un hubabínd hubabínd mu tlaángw Gorwaar deelar mu tlaángw Irqwár deelar gartaqáʔ an tlaángw ót ar Iraqw nee bará tlaángw gara un ar dararát dararát tare hardát ayá Taraa bara hardát Taraa dír aslà Taraa a iwít dír aslà barta oóʔ malék malék areʔ barta oóʔ malék malék gemawee dahhaangw i gwaaʔi dahhaangós aáng ngu idorir kon ngu kon dahhangw nguna geemáy ina gwaáʔ heé malék ngi ooʔ a mâ Taraà Taraadáʔ a dír aslti ay gwargwe gona malek ihi aha gona ihi maled baba ta Taraa ta kayí kayi gona danú maled a harisang ʕayaan inó ngu kón neer dahhaangw karra nguna waleés koqo karra Taraa ina mahhat danudáʔ nguna ʕáy tana qwatlikeê hheʔe danuʔín kuna ʕáy aluwo Ganay kuna báy danusí bura slax dír Taraa burngwa ʕaayiyíʔ aluwó kuúng birna tleér digirmó Gorwaa nee oo Iraqw bura a digirmó Gorwa nee oo Taraa bura eér uúʔ kuúng tu tseesi ma gasí ma daha ayá Gorwaa aga axasî axamiís aluwó Ganay hheʔe gasí nga tleehhî nina korqoót amosí ngiwa ay hheʔe a ay uuʔikáng Galapoo a uuʔî aqo ina oóʔ bara naʕaʔ daqane i aní kahhiyáʔ heé ni aní gurtlaw heé slami ni oo gurtlâw milâ naʕaʔéʔ ka faakî ana inoʔín gurtláw ki qwareesi karra Ganay ina tláy neer disí ay Tseeʕá Daʕáw Duwanqeéd ina dáh bará Taraa Duwanqeé Taraa ngina tsuʕaʕín tsuʕaʕín kalaʕadáʔ ngina óh disí ta danú Taraa ire dát boohonteʔeerí bará boohonteʔeeri filá aga axasî a axamiís hheʔe iwa qaytsiít Taraa ka faák Duwanqee nina ʕeét neer uruwadáʔ ar Ganay ay Gorwaa hheʔe gár a tleéhh wa Galapoo ka tseʔeesî ka tseʔeesî tseʔeesadáʔ todáʔ tawa qamár Gorwaa nee Taraa bara ʕeét Taraa bara ʕeét kuúng ta uʔ tu tseʔeesi nee Goraa hheʔe inós a daqane ta dat dat ayà ee hheʔe Gorwaa kina lalee aakò
• Interlinear Glossed Text • Utterance view