Text view

f99Ogoelong

Recording date1999
Speaker age60
Speaker sexf
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
Man a b'au ba / man a kwap ba. Mang wa ya a Naan / lap s'a noe. Naan dok d'e bi ji. Naan lap sharap ji / lap lat / lap Ngan loe nd'ûûn. Ngan nnoehoe / ni toe / mat goemisk'oom yi. To / mat goemisk'oom nnoehoe / dok poeb'it / sai bi goefe ni la kut. So / pûepin mûep / yir d'e bi goe goeme / ndoe Naan. Moejir muk / mûep b'ak jap dwen. To / p'ûûs la t'ong sûûn / Ngan nnoe la la doe goeme kûût / yong s'em muk a Goelong. Goelong nnoe d'e d'i. P'ûûs la t'ong sûûn / mûep la t'ong lang wang tok mûep / Goelong wa wul. **** Goelong la mang nuk ji nnoe / Goenong / Goelong t'ong / p'yaram wang tok / sharap nda ji nnoe dip. P'yaram b'ûap moejap nûûn muk. Ko-mb'it Naan goenang / p'ûûs la t'ong sûûn a shit Goelong toe. Komb'it goenang / p'ûûs la t'ong sûûn a shit Goelong. Sai nûûn muk yong ni / Ngan yong ni. Yin: "Goe a?" Yin: "Goelong!" Goelong lap. Yin: "Sh'ai nd'e goed'e gwa t'ong sh'ai yi nnoe / gwa sh'ai sh'ai doe a / ko gwa sh'ai sh'ai Naan?" Yin: "T'ong ji sh'ai sh'ai pa fa?" "Pa a ngoegan nsh'oon a?" "De ji sh'ai sh'ai pa yi a?" "Ji sh'ai sh'ai nda ji." Ngan yin: "Poenoe a?" Yin: "Mh." Ngan shin shiri doe. Ngan nyap le doe. To / d'ik goe dok poeb'it / a d'ik goentu ba. Goela yo goe t'ong goe mûaan nnde kûût. Ngan nyap le doe p'et. War le doe mûaan d'ik / lu kur goebakwa. Nyet Goelong / ndoe nda ji. P'ûûs la sûûn d'em / Goelong la shin sh'ai ji / su ba doe nlu / mpin ji nûûn ji. Kat nûûn ji ba. Nda muk na / Ngan goe wan / k'oeleng moshi muk ba. Goelong la p'et goe p'yaram wang tok mûep shin sh'ai. Goela ba muk wa wul mûep yin: "Naan d'e nnang? Naan d'e nnang?" Naan t'an Goelong. Dal Goelong. Goelong ba doe t'o mpin nûûn ji. B'it la lin / mûep tang d'em Goelong. Mûep yi: "Goelong doe goe mûaan ntok." Goelong mûaan nsh'ep. Goelong t'ong p'et mûaan goe d'ip tok. Goelong t'ong tang sh'ep / wa nni doe poe sharap Naan. Mûep la shin s'oe nni / mûep poe jap mûep. Mûep mang yitk'ul b'ûet nwus. Mûep la b'ûet yitk'ul / la b'ang serei serei / la de mûep p'en yi b'ûet nd'a. De mûep nak tok yi d'ûe k'a. De Goelong t'ong yi: "Nwang s'a ji nwang s'a ji." La mûaan de-goe b'as shat / shat nyang b'as. La nwang s'a ji / la goezoom / mang yitk'ul b'ûet pûanang / mang tok mûak. Yo goe-goe t'a t'o. La goe k'wal goeshini / a goed'a goed'aar toe. Nyang / sh'e muk k'ut ngoede muk. Ru d'em wa ya ngoede hool gado nûûn muk goe t'a yi t'o. Naan tal goed'e muk ba. To d'em / tangzem / leng lu nk'a muk. Goesem leng lu nk'a muk. T'o d'em de-goe muut. Yam nûûn Goelong yool / wul. Ji mûaan ji na k'en ji. Yo wa doe d'i. Kat goe Goelong ba. Ru doe mpin nû-- / reep nûûn muk. Tang pe tang pe. Sh'ang goede hool gado. Nye goe hool gado goe dok poeb'it / mûep d'ik goe hool gado. Sh'ang goede hool gado. Na-- / goe-- / bi goed'e nhool gado =hok goed'yem d'i goehad'a ndoe shulk'a. B'ûen na b'ûen na. D'alang p'et. Ya wakaam. P'et mûaan lu kur goebakwa / goed'e reep nûûn muk. Goewa muk doe / mûep d'e t'ong shak / uh / mûep shak sadaka / lu kur goebakwa. Ngan kuma a mat goemang. To yin: "T'ong ji shin nd'ang de-- / Ngan k'oeleng d'ûe ji yi?" Akwai t'eng kûûr / nd'yem d'i / goesûe. T'eng kûûr ni toe ba boehaan. Doe haan t'ong nt'eng kûûr nnoe. Akwai ndoe jap moeb'akpe d'e d'i. Mûep p'ûat nk'ong lu. Mûep doe nd'yam nk'ong lu nd'e nk'ong lu nnoe goede kûûr nnoe. Sai Goelong d'yem. "To / t'ong ji shin nd'ang?" "De reep nûûn ji goe k'oeleng d'ûe ji yi?" "T'ong ji t'yam goe d'ûe ji." T'a nni. Yin: "S'em noe Moek'walam Moek'walam. S'em noe Moek'walam ji wul." Yin: "S'em noe Moek'walam Moek'walam. S'em noe Moek'walam ji wul." Yin: "S'em noe Moek'alk'ong / yam Matk'wap / t'ong shak yi poe Ngan." Yin: "Ngan na Goelong / la Goelong muut." Yin: "Ngan d'a yi na lu men sek katanga o lu men tyang Ngan." Yin: "Ngan d'a yi na lu men sek t'eng kûûr o lu men tyang Ngan." "K'ark'u ma moenye yoe wo. Noek'walam ma moenye yoe." Yin: "Matk'wap wum d'a / d'a su la byaap." "Matk'wap s'oe s'am shen s'am s'am de-goe twak byaap." "Byaap fyal t'a nwus." "Matk'wap d'in yong woor yi de-goe tang daas." "Daas yin muut." "Yi wa ngwa yi de bi wa yi tyang yoe." "Yi wa ngwa yi de bi kur tyang yoe de sule tyang. De kur wa ndoe goe de sule tyang. Kur wa [?? toe] wul." Jap nnoe yir d'yam. Mûep yin: "Mh." Mûep yin: "Ndoe yar t'ong b'ak t'ong b'oot gya yi." Mûep yir d'yam yit. T'a goe gya nnoe yit. Yin: "S'em noe Moek'walam Moek'walam. S'em noe Moek'walam ji wul." Yin: "S'em noe Moek'alk'ong / yam Matk'wap / t'ong shak yi poe Ngan." "Ngan na Goelong / la Goelong muut." Yin: "Ngan d'a yi na lu men sek katanga o lu men tyang Ngan." Yin: "Ngan d'a yi na lu men sek t'eng kûûr o lu men tyang Ngan." "Noek'ark'u ma moenye yoe wo. Noek'walam ma moenye yoe." Yin: "Matk'wap wum d'a / d'a su la byaap." "Matk'wap s'oe s'am shen s'am s'am de-goe twak byaap." "Byaap fyal t'a nwus." "Matk'wap d'in yong woor yi de-goe tang daas." "Daas yin muut." "Yi wa ngwa yi de bi wa yi tyang yoe. Yi wa ngwa yi de bi kur tyang yoe de sule tyang. De kur wa ndoe goe de sule tyang. De kur wa [?? toe] wul." Jap nnoe swo kûût. Mûep p'ûat buk. Mûep buk doe kat Ngan d'yem t'ong mang gya yi. Mûep yi: "Kai pa goe shyal dwen de nk'ong lu." Ngan yi: "Oho / gurum goeshyal nwa wan kûût sai doe a?" "Pa goe shyal dwen." Ngan nyet swaal doe goemmang / shyal mûep. Mûep p'ûat yok rwo d'i ngoede kûûr nnoe. Sai yar nnoe na ni. Yam nûûn muk t'a goe gya hok yit. Yin: "S'em noe Moek'walam Moek'walam." Yin "S'em noe Moek'walam ji wul." Yin: "S'em noe Moek'walam Moek'walam. S'em noe Moek'walam ji wul." "S'em noe Moek'alk'ong / yam Matk'wap / t'ong shak yi poe Ngan." "Ngan na Goelong / la Goelong muut." Yin: "Ngan d'a yi na lu men sek katanga o lu men tyang Ngan." Yin: "Ngan d'a yi na lu men sek t'eng kûûr o lu men tyang Ngan." "Noek'ark'u ma moenye yoe wo. Noek'walam ma moenye yoe." Yin: "Matk'wap wum d'a / d'a su la byaap." "Matk'wap s'oe s'am shen s'am s'am de-goe twak byaap." "Byaap fyal t'a nwus." "Matk'wap d'in yong woor yi de-goe tang daas." "Daas yin muut." "Yi wa ngwa yi de bi wa yi tyang yoe." "Yi wa ngwa yi de bi kur tyang yoe de sule tyang. De kur wa ndoe goe de sule tyang. Kur wa [?? toe] wul." Ngan p'et ba. Goeba doe / ba doe doe shin shiri doe. Ngan s'am shen. Ngan d'oot. Ngan shat shat. Ngan b'ap / m'm / b'ap toek'oop goede. Ngan d'oot mûer d'in. Ngan tap yip. Ngan tap / m'm / had'a gwen ko=bi mmoe dip. S'oe =hok / had'a / Ngan p'et wa w-- / nyap le doe p'et wa. Goeyool doe / goewa doe doe nlu / goekat gwen Naan mûep mûen nzam kam ndoe sharap ji dip. Ngan / uh / ru lu. Mang mpat k'um pûepin doe nni / k'um pûepin doe. Ngan / pe ni mûaan goe b'el-- / s'wat d'em s'et / b'el. Ba doe p'en yam doe nhool gado. Pyuur tangzem nk'a muk dip. Goepyuur muk / ni shin mang-- / d'ûaan d'ip ke / ruun nd'ûûn mûer d'in. Mûer =hok / m'n / mûer shen. D'ûûn t'yak la muk nni. Fep t'ong koerem yi t'ong p'ûat. Rwan nk'wam muk. Fep koerem dip p'ûat. Nak haam poe ni Goelong. Goelong s'wa haam. S'up sek Goelong. Poe haam nni. Goelong s'wa. Goelong f'uut. B'as s'oe poe ni. Goelong s'oe. Goelong f'uut. Goelong ba s'wa nde. T'ong mb'et ji. S'oe s'oe. T'ong mb'et muk. Yin: "Goelong, gwa man doe a?" Yin: "Mh-mh." "A doe doe wuroe?" Yin: "A pa Ngan." Sai / yin: "To." Ni yool ru ya mpin Naan / goe eep pûepin. Nuk goepe Goelong dok la b'ûap mûep t'ong nnihoe / mang nuk nnoe ruun ns'a Goelong. Mûep yir d'em buk doe t'wot mpin ndoe nûûn muk. Lokashi goepe gwen Naan yok nzam ndoe sharap ji / mûep rwo-- / sharap muk rwo nkilip. Mûep leng wang s'oe mûep. Goelong p'et. Goelong / goep'et ji / oh / p'yar-- / goeru ji / ru / p'yaram / sha' / uh / wang tok mûep / p'yaram wang shat mûep dibit / la b'ûap / jap lu =hok dip. Sharap =hok d'a yin / t'ong / mûep yin: "Naan d'e nnang e? Naan d'e nnang e?" Goep'et Naan. Goelap Goelong loe nkyem muk. Goesu Goelong / Goelong ba doe ru mpin nûûn ji. Goeba muk de goe ru yi goede Goelong kat / m'm / nûûn ji nt'ong d'i. A goeba / m'm / goe Naan doe goe nk'ong ji. P'et ba / p'et ba / p'et ba. T'a t'ong. T'a goe yil goemb'ara-- / mh / yil goem-- / mh / b'aar. Yin: "K'walap Naan / k'walap Naan / k'walap Naan / k'walap Naan / k'walap Naan." Sai / mashaa-- / mat muk / Nganhoe / yin: / "Gwa goe yo bi gwa." "Gwa t'ong b'aar doe [??]? Doe a mmoe de gwa goe b'aar doe yi. Gwa goe ba bi gwa." Naan yool / mûaan goe tang yashe. Ba nni / ndoe yashe / poe Ngan. Ngan shin hak'uri. Goet'ong kut men nnoe. Goeyo muk / mûep goe d'e nnyap pûepin muk yi d'emt'ei. Mûep buk nni pûe mmuk Ngan. Mûep nyap / lyen mûep s'ang / buk had'a. Sharap nd'ennoehoe / mûep buk buk nk'wap sek mûep goe dok. Goelong kut yin: "To." Goepe mûep gama bi nnoe lat serei / sai nûûn muk ba doe d'u ni. Goelong yin: "To." Yin: "[??] k'e-- / te-- / k'e-- / k'e sûûn." Yin: "Kada ndoe gurum / d'a shin poenoe / goebi mmûûn yi / ba." Yin: "Goe lat sûûn." "De gurum k'wal wai [laughter] gurum / t'ong ji sh'ai sh'ai nûûn ji / ni [laughter] ngoegan nsh'oon a?" Yin: "Goe lat sek sûûn." "Kede ndoe gurum d'a shin poenoe goebi mmûûn yi ba." Tamtis noe t'o nlyen / t'o mpin. Dok ba mûaan yi wa.
• Interlinear Glossed Text • Utterance view